3 ¹ Eliasib hetpris wantaim ol brata bilong em husait ol i pris i wokim dua bilong sipsip. Ol i stretim olgeta dua na tambuim. Ol i tambuim i go olsem long tawa bilong Handret na i go olsem long tawa bilong Hananel. ² Ol man bilong Jeriko i wok klostu long em na Jakur pikinini man bilong Imri i wok klostu long ol. ³ Ol pikinini man bilong Hasena i wokim dua bilong fis, ol mekim lait long en na stretim ol dua bilong en, ol lok bilong en na ol ain stik bilong en. ⁴ Meremot i wokim gen narapela hap. Em pikinini man bilong Uria na Uria em i pikinini man bilong Hakos. Mesulam em i narapela man bihain long ol, husait i wokim gen. Em i pikinini man bilong Berekaia na Berekaia em i pikinini man bilong Masesabel. Sadok em i narapela man bihain long ol, husait i wokim gen. Em i pikinini man bilong Bana. ⁵ Em wok bilong ol Tekoi long wokim gen bihain long ol, tasol ol lida man bilong ol i les long harim tok bilong ol man i go pas long ol long mekim wok. ⁶ Joiada pikinini man bilong Pasea na Mesulam pikinini man bilong Besodeia wokim gen olpela dua. Ol putim ol lait long en na stretim ol dua bilong en, ol lok bilong en na ol ain stik bilong en. ⁷ Bihain long ol em Melatia bilong Gibion na Jadon bilong Meronot, em ol man bilong Gibion na Mispa, ol i mekim wok bilong stretim gen hap bilong provins i lusim Wara na i go daun long ples gavana i save i stap. ⁸ Bihain long ol em Usiel pikinini man bilong Hahaia, em man i save mekim ol samting long gol, i wokim gen, na bihain long em Manania, em man bilong mekim ol smel paura. Ol i bihainim Bikpela Wol na wokim gen Jerusalem. ⁹ Bihain long ol em Repaia pikinini man bilong Hur i wokim gen. Em man lukautim hap distrik bilong Jerusalem. ¹⁰ Bihain long ol Jedaia pikinini man bilong Harumap wokim gen klostu long haus bilong em. Bihain long em Hatus pikinini man bilong Hasabneia i wokim gen. ¹¹ Malkija pikinini man bilong Harim na Hasub pikinini man bilong Pahat-Moap wokim gen narapela hap wantaim Tawa bilong Owens. ¹² Narapela bihain long em Salum pikinini man bilong Haloes, man husait i lukautim hap distrik bilong Jerusalem, i wokim gen, wantaim ol pikinini meri bilong em. ¹³ Hanun wantaim ol lain i stap long Sanoa i wokim gen Dua bilong ples i Daun. Ol i wokim na stretim ol dua bilong en, ol lok bilong en na ol ain stik bilong en. Ol i wokim gen long mak bilong 1,000 i go long dua bilong tromoi pipia bilong ol animol. ¹⁴ Malkija pikinini man bilong Rekab, man i lukautim distrik bilong Bet Hakerem, dua bilong tromoi ol pipia bilong ol animol. Em wokim ol dua bilong en, ol lok bilong en na ol ain stik bilong en. ¹⁵ Salun pikinini man bilong Kol-Hose, man lukautim distrik bilong Mispa i wokim gen dua bilong wara. Em i wokim na putim karamap long en na wokim ol dua bilong en, ol lok bilong en na ol ain stik bilong en. Em i wokim tu wol bilong wara bilong Siloam klostu long gaden bilong king, long hap biktaun bilong Devit i save kam daun long en. ¹⁶ Nehemaia pikinini man bilong Asbuk, man lukautim hap distrik bilong Bet-Su, wokim gen long matmat bilong Devit i kam long hulwara ol man bin wokim na i go olsem long haus bilong ol strongpela man. ¹⁷ Bihain long em ol Livai wantaim Reum pikinini man bilong Bani i wokim gen, bihain long em Hasabia, man i lukautim hap distrik bilong Keila, distrik bilong em. ¹⁸ Bihain long em ol man bilong biktaun bilong ol wantaim Binui pikinini man bilong Henadad i wokim gen, em man i lukautim hap distrik bilong Keila. ¹⁹ Bihain long em, Eser pikinini man bilong Jesua, em man i lukautim Mispa, i wokim gen narapela hap i go antap olsem long kona bilong wol i gat ol samting bilong pait i stap long en. ²⁰ Bihain long em Baruk pikinini man bilong Sabai wantaim bel na tingting bilong wokim gen narapela hap, long kona bilong wol i go long dua bilong haus bilong Eliasib husait em i hetpris. ²¹ Bihain long em Meremot pikinini man bilong Uria husait em i pkinini man bilong Hakos i wokim gen narapela hap, long dua bilong haus bilong Eliasib i go daun olsem long pinis bilong haus bilong Eliasib. ²² Bihain long em ol pris, wantaim ol man i stap long Jerusalem i wokim gen. ²³ Bihain long ol, Benjamin wantaim Hasub i wokim gen long narapela sait long haus bilong ol. Bihain long ol Asaria pikinini man bilong Maseia husait em i piikinini man bilong Anania i wokim gen klostu long haus bilong ol. ²⁴ Bihain long Binui pikinini man bilong Henadad i wokim gen narapela hap bilong en, stat long haus bilong Asaria i go long kona bilong wol. ²⁵ Palal pikinini man bilong Usai i wokim gen antap kona bilong wol na long tawa i go antap moa olsem long haus bilong king i gat banis bilong wasman i stap long en. Bihain long em Padaia pikinini man bilong Paros i wokim gen, ²⁶ Ol wok man bilong tempol i save i stap long Opel i wokim gen, long narapela sait long dua bilong wara long hap san kamap i gat tawa surik i go moa yet. ²⁷ Bihain long em ol Tekoi i wokim gen narapela hap em i stap long bikpela tawa i surik i go moa yet long wol bilong Opel. ²⁸ Ol pris i wokim gen antap long dua bilong hos, wanwan long narapela sait long haus bilong ol. ²⁹ Bihain long ol, Sadok pikinini man bilong Imer i wokim gen hap pat long narapela sait long haus bilong ol. Bihain long Semaia pikinini man bilong Sekanaia i wokim gen, em man bilong lukautim dua stap long hap san kamap. ³⁰ Bihain long em Hanania pikinini man bilong Selemia na Hanun namba 6 pikinini bilong Salap, wokim gen narapela hap. Bihain long Mesulam pikinini man bilong Berekia i wokim gen narapela sait bilong haus em i save i stap long en. ³¹ Bihain long em Malkisa, em wanpela man i save mekim ol samting long gol, em stat long haus bilong ol wok man bilong tempol na ol moni man husait i stap long narapela sait dua bilong sidaun na was na long antap kona i gat rum i stap long en. ³² Man bilong mekim ol samting long gol na moni man i wokim gen namel rum antap long kona na long dua bilong sipsip.