2 ¹ Long mun Nisan, Ateksekses i bin i stap king 12-pela yia, em i askim long wain na mi kisim wain na givim i go long king. Nogat wanpela taim mi bin i stap sore long ai bilong em bipo. ² Tasol king i tokim mi, "Bilong wanem na pes bilong yu i luk sore? Yu i no luk olsem yu gat sik. Sampela wari mas i stap long bel bilong yu."Taim mi harim dispela mi pret nogut tru. ³ Mi tokim king, "King husait bai i stap oltaim. Bilong wanem na pes bilong mi i no inap long i stap sore? Taim biktaun, ples matmat bilong papa bilong mi i bagarap i stap na paia bin kukim olgeta dua." ⁴ Na king i tokim mi, "Yu laik bai mi mekim wanem?" Mi stat prea i go long God bilong heven. ⁵ Mi bekim toktok bilong king, "Sapos em i gutpela long ai bilong king na sapos mi wokboi bilong yu i mekim gut long ai bilong yu, inap yu salim mi i go long Juda, long biktaun i gat matmat bilong papa bilong mi i stap long en na bai mi wokim gen. ⁶ Kwin i sindaun klostu long em na king i bekim tok bilong mi na i tok, "Amaspela dei bai yu go i stap long hap na wanem taim bai yu kam bek?" King i amamas long salim mi i go taim mi tokim em long wanem dei bai mi kam bek. ⁷ Mi tokim king, "Sapos dispela toktok i inapim tingting bilong king, inap yu raitim pas na givim mi na bai mi givim ol gavana i stap long provins long hap i lusim bikpela wara na i go moa yet, long bai ol i ken larim mi long wokabaut long hap bilong ol i go kamap long Juda. ⁸ Raitim narapela pas bilong Asap man husait i lukautim bus na diwai bilong king, long em i ken givim mi diwai bilong mekim pos bilong dua long bai i stap strong klostu long tempol, tu bilong wokim banis bilong biktaun na tu long wokim haus bai mi i stap long en."Gutpela han bilong God i bin stap antap long mi na king i givim tok orait long askim bilong mi. ⁹ Mi kam kamap long ol gavana husait i stap long provins i go olsem long bikpela wara na mi givim ol dispela pas king i raitim. Orait king i salim ofisa bilong ami na ol man i save sindaun long hos long bai ol i go wantaim mi. ¹⁰ Taim Sanbalat bilong Horon na Tobia wokboi bilong Amon i harim dispela toksave, tupela i gat bikpela wari olsem sampela man i mas i kam long helpim ol manmeri bilong Israel. ¹¹ Olsem na mi kam kamap long Jerusalem na mi i stap tripela dei long hap. ¹² Mi wantaim liklik lain man kirap long nait. Mi no tokim wanpela man tu long wanem samting God i putim long bel bilong mi long wokim gen Jerusalem.Nogat ol animol i stap wantaim mi, tasol wanpela mi sindaun long en. ¹³ Long nait mi lusim na i go olsem long Dua bilong Plesdaun, hap i go olsem long hulwara bilong Jekal na i go long Dua bilong tromoi Pipia bilong animol na mi stat sekim banis bilong Jerusalem, em bin buruk na i stap nambaut na paia i kukim olgeta dua ol i bin wokim long diwai. ¹⁴ Mi go long Dua bilong wara i save sut i kam antap na tu long raunwara bilong king. Ples em i liklik tru long animol mi sindaun antap long en ba i nap long go. ¹⁵ Olsem na mi wokabaut long plesdaun long nait i go sekim banis na mi lusim na i go daun olsem long Dua bilong Plesdaun na i kam bek. ¹⁶ Ol lida man i no luksave long wanem hap mi go na wanem samting mi mekim, mi no tokim wanpela man bilong ol Juda tu, mi no tokim ol pris, mi no tokim ol gutpela man i gat nem, mi no tokim ol lida man na mi no tokim wanpela man husait bin mekim dispela wok. ¹⁷ Mi tokim ol na i tok, "Yupela luksave long wanem hevi mipela i stap long en, olsem Jerusalem i bagarap na paia i kukim olgeta dua, kam na yumi wokim gen banis bilong Jerusalem, long bai yumi i no nap sem gen." ¹⁸ Mi tokim ol olsem gutpela han bilong God bilong mi i stap antap long mi na tu long wanem toktok king i bin tokim mi. Ol i tok, "Larim yumi kirap na wokim gen." Olsem na ol i strongim han bilong ol long mekim gutpela wok. ¹⁹ Tasol Sanbalat bilong Horon na Tobia wokboi bilong Amon wantaim Gesem bilong Arabia i harim dispela toksave, ol tok bilas long mipela na i tok, "Yupela mekim wanem? Yupela laik birua wantaim king?" ²⁰ Mi bekim tok bilong ol na i tok, "God bilong heven bai helpim mipela long mekim olgeta wok i kam gut. Mipela ol wokboi bilong em na bai mipela kirap na wokim gen. Tasol yupela i no inap kisim wanpela liklik hap tu, yupela i no inap i gat nem na yupela i no inap tokim stori bilong yupela long kisim wanpela samting long Jerusalem."