26 ¹ Yupela i noken mekim ol giaman god na yupela i noken litim apim ol giaman god o ol piksa ol i katim long bikpela ston na yupela i noken putim ol piksa bilong ston long graun bilong yupela na brukim skru long em, long wanem mi God Yawe God bilong yu. ² Yu mas tingim Sabat olsem de bilong mi,na tu pretim haus sel bilong Mi. Mi God Yawe. ³ Sapos yu wokabaut insait long lo bilong mi na lukautim lo bilong mi na bihainim ol, ⁴ Olsem bai mi salim ren i kam long taim bilong em, graun bilong yupela bai i givim planti kaikai na ol diwai long gaden bai i karim planti kaikai. ⁵ Yu bai i gat planti kaikai i stap i go inap long taim bilong pikinini wain i mau na taim bilong kisim pikinini wain i mau bai i stap i go inap taim bilong planim kaikai i kamap. Yupela bai i kaikai bret na pulap tru na stap gut long graun yupela i mekim haus long en. ⁶ Mi bai givim gutpela taim i kamap long dispela graun,Yu bai stap fri na i nogat wanpela samting inap pretim yu.Bai mi rausim ol abus nogut long graun bilong yu na bainat i no inap abrusim graun bilong yu. ⁷ Yu bai raunim ol birua bilong yu na ol bai i pundaun long ai bilong yu antap long bainat. ⁸ Na 5-pela bilong yu bai raunim 100 pela na 100 bilong yu bai raunim 10,000 pela, ol birua bai i pundaun long ai bilong yu antap long bainat. ⁹ Mi bai lukluk long yu na inapim yu na mekim yu i karim planti kaikai na mekim yu kamap planti,mi bai inapim wanem tok mi mekim wantaim yu. ¹⁰ Yu bai kaikai ol kaikai istap longpela taim long haus biolng yu.Yu bai putim olpela kaikai i go aut long wanem long dispela hap bai yu putim nupela kaikai i mau. ¹¹ Mi bai putim haus sel bilong mi namel long yupela na mi no inap rausim yupela. ¹² Mi bai wokabaut namel long yu na bai mi stap God bilong yu na yu bai stap manmeri bilong mi. ¹³ Mi God Yawe God bilong yupela husait i bin kisim yupela i kam aut long graun bilong Isip olsem bai yupela i no stap wokboi nating bilong ol. Mi bin brukim strongpela samting i pasim yupela na i givim hevi long yupela na mi mekim yupela i sanap stret na wokabaut. ¹⁴ Tasol sapos yu no laik harim tok bilong mi na yu i no laik bihainim dispela ol lo, ¹⁵ na sapos yu rausim ol toktok mi mekim wantaim yu na yu no bihainim ol lo, olsem yu no laik bihainim lo bilong mi, tasol yu brukim kontrak bilong mi- ¹⁶ -sapos yupela mekim ol dispela samting ,bai mi mekim olsem long yupela. Bai mi bringim samting nogut long yupela,sik bai i bagarapim ai bilong yupela na bai em i rausim laip bilong yupela.Yupela i planim pikinini kaikai nating bilong wanem Ol birua bilong yupela bai kaikai long en. ¹⁷ Mi bai mi givim baksait long yupela na ol birua bai daunim yupela.Ol man husait i no save laikim yupela bai i bosim yupela na yupela bai ranawe taim nogat man i raunim yupela. ¹⁸ Sapos bihain long dispela yupela i no harim toktok bilong mi, orait bai mi putim hevi antap long yu 7-pela taim olsem hevi bilong ol sin bilong yu. ¹⁹ Bai mi brukim biknem long pawa bilong yu.Bai mi mekim skai antap long yupela i olsem ain na graun bilong yupela olsem ain. ²⁰ Strong bilong yupela bai i kamap samting nating,long wanem,''graun bilong yupela i no inap givim yupela kaikai na diwai long graun bilong yupela i no inap karim kaikai. ²¹ Sapos yupela givim baksait long mi na yupela no laik harim tok bilong mi, bai mi brigim bagarap i kam long yupela 7-pela taim long mak bilong sin bilong yupela. ²² Mi bai salim ol wel abus nogut i kam pait long yupela na bai ol i stilim ol pikinini bilong yupela na bagarapim ol bulmakau bilong yupela na daunim namba bilong yupela.Na ol rot bilong yupela bai i kamap olsem ples nating. ²³ Sapos yupela i mekim ol dispela samting long laik nogut bilong yupela na i no laik mi bai mi stretim yupela na yupela i wokabaut long rot bilong givim baksait long mi yet. ²⁴ olsem mi no inap wokabaut long sait bilong yu,na mi yet bai mi putim hevi 7-pela taim antap long yu long bekim sin bilong yu. ²⁵ Bai mi bringim bainat antap long yupela bilong bekim pasin nogut yupela bin mekim long brukim kontrak.Yupela bai bung wantaim insait long siti bilong yupela na bai mi salim sik namel long yupela long dispela hap. Na bai yupela go insait long han bilong ol birua bilong yupela. ²⁶ Bai mi pasim olgeta kaikai bilong yupela na 10-pela meri bai i kukim bret bilong yupela long wanpela aven na ol bai i tilim aut bret bilong yupela wantaim hevi.Yupela bai kaikai na yupela no inap pulap. ²⁷ Sapos yupela no harim tok bilong mi na yupela tok maski long dispela samting na yupela i givim baksait long mi, ²⁸ Bai mi givim baksait long yupela wantaim belhat na bai mi putim hevi antap long yupela inap 7-pela taim antap moa long sin bilong yupela. ²⁹ Yupela bai kaikai bodi bilong ol pikinini man bilong yupela, yupela bai kaikai bodi bilong ol pikinini meri bilong yupela. ³⁰ Bai mi bagarapim ol bikpela ples bilong lot na katim olgeta alta bilong kukim smok smel na tromoi bodi bilong yupela antap long ol bodi blong ol giaman god bilong yupela na mi yet bai mi givim baksait long yupela. ³¹ Bai mi bagarapim siti bilong yupela na bagarapim haus sel bilong yupela. Mi no inap tru long wanbel long gutpela smel bilong ol ofa bilong yupela. ³² Bai mi mekim graun bai i stap nating .Ol birua bilong yupela i stap long graun bilong yupela bai guria long wanem samting mi bai mekim long yupela. ³³ Bai mi skelim yupela i go nambaut long ol kantri na bai mi rausim bainat bilong mi na bihainim yupela. yupela bai i lusim graun bilong yupela na siti bilong yupela bai i bagarap. ³⁴ Orait na graun bai i amamas long ol sabat bilong en taim graun i stap nating na bai yupela i stap long graun bilong ol birua bilong yupela.Long dispela taim,graun bai i amamas na malolo long sabat. ³⁵ Long taim graun i stap nating, bai em i malolo, em bai i amamas long wanem em i no bin amamas long ol de malolo bilong yupela,taim yupela stap long dispela hap. ³⁶ Yupela ol manmeri i stap yet long graun bilong ol birua,Bai mi salim pret bilong mi i kam long bel bilong yupela taim lip bilong diwai nating i pundaun bai i pretim yupela .Yupela bai i ranawe olsem wanpela bainat i ranim yupela .Yupela bai i pundaun taim nogat man i raunim yupela. ³⁷ 37 Yupela bai i pundaun antap long narapela arapela olsem man i raunwe long bainat, taim nogat man i raunim yupela. Bai yupela i nogat strong long sanap long ai bilong birua bilong yupela. ³⁸ Yupela bai i pinis namel long ol kantri na graun bilong ol birua bilong yu bai i birua long yupela. ³⁹ Husait ol lain i stap namel long yupela bai i pinis wantaim sin bilong ol, long graun bilong ol birua na long sin bilong ol papa bilong ol ol bai i pinis tu. ⁴⁰ Yet sapos ol i tok sori long sin bilong ol na sin bilong ol papa bilong ol. Na gaiman bilong ol na i no bihainim gut tok bilong mi na tu ol i givim baksait long mi. ⁴¹ dispela i mekim mi i givim baksait long ol na mi bai bringim ol i go insait long graun bilong ol birua -Sapos ol bel bilong ol i strong na sapos ol i wanbel long hevi bilong sin bilong ol, ⁴² Olsem bai mi tingim gen wanem kontrak mi bin mekim wantaim Jekop, kontrak bilong mi wantaim Aisak na kontrak bilong mi wantaim Abraham na tu bai mi bringim graun i kam bek long tingting bilong mi. ⁴³ Ol bai i lusim graun, en bai i amamas long ol sabat taim nogat man i stap long en, Ol bai i kisim pe olsem mak bilong sin bilong ol, long wanem ol i rausim lo bilong mi na sakim lo bilong mi. ⁴⁴ Yet dispela pasin nogut bilong ol, taim ol i stap yet long graun bilong ol birua bilong ol, Mi no inap rausim ol o lusim ol olsem bai i no inap bagarap ol olgeta, na rausim dispela kontrak mi gat wantaim ol long wanem mi God Yawe God bilong ol. ⁴⁵ Tasol mi tingting ol olsem na bai mi tingim kontrak mi bin mekim wantaim ol tumbuna bilong ol, husait mi bin kisim ol kam aut long Isip long ai bilong olgeta kantri, olsem mi mas stap God bilong ol. Mi God Yawe." ⁴⁶ Dispela em ol lo na stronpela lo God Yawe i mekim namel long em yet na ol manmeri bilong Isrel antap long maunten Sainai long maus bilong Moses.