22 ¹ God Yawe tokim Moses, olsem, ² ''Tokim Aron na ol pikinini man bilong em long stap longwe long ol samting i holi bilong ol manmmeri bilong Israel. Em ol samting i holi. Ol i noken daunim holi nem bilong mi. Mi God Yawe. ³ Taim ol lain tumbuna pikinini kamap bihain ol i noken go klostu long ol samting i holi, bilong Bikpela. Taim ol i no stap stret na klin yupela mas kilim ol na pinisim ol. Mi God Yawe ⁴ Husat ol lain tumbuna pikinini bilong Aron i gat sua samting long bodi bilong em, ol i noken kaikai ol kaikai ol i givim olsem ofa long God Yawe.Ol i ken kaikai taim ol i kamap klin. Husat manmeri i holim ol samting i no klin olsem bodi i dai stap o man skin bilong man blut o susu kam aut long bodi bilong em. ⁵ O husat i holim ol abus o binatang i no klin em bai stap doti o narapela man o meri i ken mekim em doti tu, ⁶ na pris husat i holim ol samting i doti em bai stap doti, i go i nap apinun. Em noken kaikai ol samtin i holi i go inap em waswas long wara pastaim ⁷ Taim san i go daun long apinun em bai kamap klin na em ken kaikai ol samting i holi long wanen em ol i kaikai bilong em. ⁸ Em mas i noken kaikai ol abus i dai long en o narapela wel abus i kilim o bagarapim bodi bilong ol, em bai bagarapim em yet. Mi God Yawe. ⁹ Ol pris mas bihainim ol tok bilong mi na sapos ol i no bihainim na mekim sin bai ol i dai. Mi God Yawe i save mekim ol stap holi. ¹⁰ Ol manmeri bilong narapela lain na ol wokmanmeri bilong pris ol noken kaikai dispela kaikai em i holi. Meri pikinini bilong pris tasol bai kaikai. ¹¹ Tasol sapos pris i baim wanpela man o meri long mani bilong em yet olsem ol wokmanmeri bilong em, orait ol i ken kaikai dispela holi kaikai ¹² Sapos pikinini meri bilong pris i maritim man em i no pris orait em i noken kaikai ol dispela kaikai i holi ¹³ Tasol sapos man bilong pikinini meri bilong pris i dai o man lusim em na sapos em nogat ol pikinini na em kam bek gen na stap long haus bilong papa bilong em orait em ken kisim kaikaik bilong pris. ¹⁴ Sapos wanpela man i no save na kaikai holi kaikai bilong pris, em mas bekim bek ol kaikai bilong pris, em mas putim 5-hap moa antap na givim bek igo long pris. ¹⁵ Ol manmeri bilong Israel i noken daunim o tok nogut long ol samting ol putim i go antap long God Yawe olsem holi ofa, ¹⁶ na mekim ol yet sin manmeri long ai bilong Bikpela, taim ol i kaikai ol dispela kaikai i tambu na i holi, long wanem mi God Yawe i save mekim ol i holi''. ¹⁷ God Yawe tok long Moses, olsem, ¹⁸ ''Tokim Aron, na ol pikinini man bilong em na olgeta manmeri bilong Israel. Tok olsem long ol, husat ol manmeri bilong Israel o ol manmeri bilong narapela hap stap wantaim yupela mas bihainim tru pasin bilong givim ofa i go long Bikpela. Em ol ofa bilong paia i kukim olgeta, ol ofa wanpela i promis long mekim o ol ofa long laik bilong wanpela ¹⁹ Ol ofa God Yawe i laikim, em olsem ol abus man i gutpela, nogat sik o bagarap long bodi bilong ol, em ol kau man, sipsip man o man meme. ²⁰ Tasol yu mas noken ofaim ol abus skin o bodi bilong ol i gat sik o bagarap. Mi no nap tok orait long dispela kain abus. ²¹ Husat laik givim ofa bilong stap bung wantaim i noken ofaim ol abus i gat bagarap stap long bodi bilong ol ²² Yu mas noken givim ofa ol abus i ai pas, gat sik na i no nap wokabaut gut, gat sua na kaskas long skin. ²³ Yu ken long laik bilong yu givim ofa man bulmakau bilong wok o yangpela pikinini sipsip lek han krunkut o liklik tru i no nap kamap gut bihain. ²⁴ Noken givim ofa long God Yawe ol abus skin bilong ol i gat kat, ol krungutim long em, ol man abus ol i bin katim na rausim bol bilong ol. Yu noken mekim olsem long graun bilong yupela. ²⁵ 'Yu mas noken givim bret olsem ofa long God ol bret ol narapela manmeri i givim yu long em. Ol abus i gat bagarap long bodi bilong ol, em Bikpela i no iaikim dispela kain ofa.'' ²⁶ God Yawe toktok long Moses na tok olsem, ²⁷ ''Taim mama bulmakau, mama sisip na mama meme ol i karim nupela pikinini , ol dispela pikinini mas stap wantaim mama bilong ol igo inap long 7-dei. Bihain long 8-dei igo olsem yu ken kilim na kukim long paia long alta olsem ofa i go lo God Yawe ²⁸ Yu noken kilim mama bulmakau wantaim pikinini bilong em na mama sipsip wantaim pikinini bilong em long wanpela de tasol. ²⁹ Taim yu kukim tenkiu ofa long alta i go long God Yawe, yu mas bihainim gut ol lo bilong mekim ofa. ³⁰ Yu mas kaikai na pininsim ol abus yu kukim long alta long dispela de tasol, yu mas noken larim i go long narapela dei. Mi God Yawe ³¹ Olsem na yu mas holim na bihainim ol lo bilong mi. Mi God Yawe. ³² Yu noken kolim nating nem bilong mi God Yawe. Yupela ol manmeri bilong Israel mas luksave long mi olsem mi God i antap tru na holi. Mi God Yawe mekin yupela stap holi, ³³ mi kisim yupela kam aut long graun bilong oi Isip na bai mi stap God bilong yupela. Mi God Yawe''