11 ¹ Taim Jabin, king bilong Haso i bin harim dispela tok, em i bin salim tok i go long Sabap king bilong Madon na i go long king bilong Simron na i go olgeta long king bilong Aksap. ² Em i salim tok i go long olgeta king i stap long hap not long ol ples maunten, long wara Joden ples i daun long saut bilong Kineret, we graun i daun long en na long Napot Do i go long hap san i go daun. ³ Em i salim tok gen i go long ol Kenan i stap long san i kamap na san i go daun, Amo, Hit, Peres na Jebu i stap long liklik maunten kantri, tu long ol Hivi ol i stap long Hemon long graun bilong ol Mispa. ⁴ Planti ami i kam wantaim ol, bikpela namba bilong ol soldia na ol i kamap planti olsem wesan bilong nabis. Ol i gat planti namba bilong hos na karis. ⁵ Ol dispela king i bun long taim ol i makim, ol i bung arere long wara bilong Meron long pait wantaim ol Israel. ⁶ God Yawe i tokim Josua, "Noken pret long ol, long wankain taim long tumoro bai mi givim ol long han bilong Israel olsem ol dai man.Yupela bai katim lek bilong ol hos na kukim olgeta karis bilong ol." ⁷ Josua na olgeta man bilong pait i kam. Ol i kam kamap hariap long wara Merom na kilim ol birua. ⁸ God Yawe i givim olgeta birua long han bilong ol Israel na bagarapim ol na ronim ol i go long Sidon, Misrepot Maim na long ples i go daun long Mispa long hap san kamap. Ol i bagarapim ol na i nogat wanpela bilong ol i stap laip. ⁹ Josua i mekim olsem God Yawe i tokim em. Em i brukim lek bilong olgeta hos na kukim olgeta karis. ¹⁰ Long dispela taim Josua i tanim na holim Haso. Em i kilim ol king wantaim bainat. Haso i bin hetman bilong olgeta dispela samting bai i kamap long kindom. ¹¹ Ol i bin yusim bainat na kilim olgeta samting i gat laip long dispela hap na em i putim ol antap na bagarapim ol, olsem na i no gat wanpela samting i gat laip, orait bihain em i kukim Haso. ¹² Josua i winim pait long ol biktaun bilong ol dispela king. Em i holim pasim ol king bilong ol na kilim ol wantaim sap bainat. Em i kilim olgeta lain wantaim sap bainat olsem Moses wokboi bilong God Yawe, em i bin tokim em. ¹³ Ol Israel i no kukim ol biktaun ol i mekim long maunten, tasol taun Haso em tasol Josua i kukim na bagarapim. ¹⁴ Ol ami bilong Israel i kisim ol samting bilong dispela biktaun wantaim ol animol bilong ol yet. Ol i kilim olgeta man wantaim bainat inap olgeta i dai. Ol i no larim wanpela samting i gat laip. ¹⁵ Olsem tasol God Yawe i bin givim oda long wokman bilong em moses, long dispela rot na Moses i bin tokim Josua na Josua i bihainim dispela tok. Em i no larim wanpela samting i stap, olgeta samting em i mekim i bihainim toktok God Yawe i bin givim oda long Moses wokman bilong em. ¹⁶ Josua i kisim olgeta graun na liklik maunten kantri na olgeta Negev, olgeta graun bilong Gosen na liklik rot i go long maunten na i go long ples daun long wara Joden, ol liklik maunten bilong ol Israel na ol ples daun. ¹⁷ Long maunten Halak klostu long Edom na i go long hap not long Bal Gad klostu long ples daun long Lebanon em aninit long maunten Hemon, em i holim pasim olgeta king bilong ol na kilim ol. ¹⁸ Josua i pait longpela taim wantaim olgeta king. ¹⁹ I nogat wanpela biktaun i kamapim wanbel wantaim ol ami bilong Israel tasol, ol Hivi husait i save i stap long Gibeon. Israel i winim pait na kisim olgeta biktaun. ²⁰ Em God Yawe tasol i bin strongim bel bilong ol long pait wantaim ol Israel, em i no marimari long ol na em i bagarapim ol, wankain olsem em i bin tokim Moses. ²¹ Orait na Josua i kam kamap long dispela taim na em i bagarapim tru ol Anak. Em i mekim olsem long ol liklik ples maunten, long Hebron, Debi, Anab na olgeta liklik ples maunten bilong Juda, ol liklik ples maunten bilong ol Israel. Josua i bagarapim ol wantaim biktaun bilong ol. ²² I nogat wanpela man bilong Anak i bin stap long graun bilong ol Israel tasol, Gasa, Gat na Asdot. ²³ Olsem na Josua i pait na kisim olgeta graun, olsem God Yawe i bin tokim Moses. Josua i kisim dispela graun na i givim olsem samting bilong ol Israel na i givim i go long ol wanwan tumbuna lain. Na dispela graun i malolo long pasin bilong pait.