38 ¹ Na God Yawe i singautim Jop insait long bikpela win na rein i strong tumas na i pas tru na em i tok, ² Em husait na bringim tudak i kam na mekim tingting bilong em long ol toktok em i nogat save long en? ³ Nau werim klos pait bilong yu na raunim namel long skin bilong yu na sanap olsem man na bai mi askim yu ol askim na yu mas bekim ol toktok bilong mi. ⁴ Yu bin i stap we taim mi putim i go daun ol mak bilong dispela graun ? Tokim mi, sapos yu gat save pinis long ol dispela samting. ⁵ Husat i painim aut insait tingting bilong dispela lain mak? Tokim mi, sapos yu save. Husat i pulim lain long mesarim antap bilong en? ⁶ Antap long wanem samting ol i putim mak i go daun bilong statim? Husait i sanapim kona ston bilong en ⁷ taim ol sta bilong moni i sinim son wantaim ol pikinini bilong God Yawe na ol i bikmaus long amamas? ⁸ Husat i pasim dua bilong solwara taim em i bruk i kam aut, olsem em i kam aut long bel bilong mama, ⁹ na taim mi wokim ol klos bilong klaut na tudak wantaim longpela tik klos bilong en? ¹⁰ Dispela taim mi makim aut solwara long mak bilong mi, taim mi putim ol ain pos na ol dua long en, ¹¹ na taim mi tok long em, 'Bai yu kam inap long hia, tasol i no go moa, long dispela hap bai mi putim banis bilong yu long noken i go kam long kisim biknem.' ¹² Yu bin tokim monin long bianim tok bilong yu, o tokim tulait long luksave long ples bilong en, ¹³ olsem na em bai inap long olim ol arere bilong graun na seksekim i go aut ol man bilong mekim ol samting ino stret? ¹⁴ Graun i senis na kamap olsem graun malomalo i save senis aninit long strongpela karamap, olgeta samting i sanap antap long en i klia olsem laplap ol i foldim gut. ¹⁵ Long ol man bilong mekim samting ino stret 'lait' ol i rausim igo na ol i nogat, han ol i save hapim em i bruk. ¹⁶ Yu bin i go pinis long as bilong ol wara bilong solwara i save kamap long en? Yu bin wokabaut pinis aninit long wara i dip? ¹⁷ Na yu bin lukim ol bikpela dua bilong dai i kamap ples klia long yu? Na yu bin lukim pinis dua bilong sedo bilong dai? ¹⁸ Na yu save gut long bikpela hap bilong graun? Tokim mi, sapos yu save long olgeta hap bilong en. ¹⁹ Rot i go long ples malolo bilong lait stap we olsem bilong tudak tu, ples bilong em i stap we? ²⁰ Bai yu inap kisim lait na tudak i go long ples wok bilong ol? Inap bai yu painim rot bilong ol long i go bek long haus bilong ol? ²¹ Yu i no bin paul na yu save pinis, taim mama i karim yu, ol namba bilong dei bilong yu i bikpela tumas. ²² Yu bin igo insait pinis long bikpela huas stoa bilong sno, o yu bin lukim pinis haus stoa bilong ais, ²³ dispela ol samting mi putim i stap long taim bilong ol trabol, long ol dei bilong bikpela pait? ²⁴ Wanem hap bilong rot pawa bilong laitning i save kamap na i save skelim i go kam o long wanem hap bilong san kamap win i save i go kam long olgeta hap bilong graun? ²⁵ Husat i kamapim baret bilong rein wara bai i pulap na kapsait i go, o husait i wokim hap rot bilong tanda, ²⁶ long mekim rein i pundaun antap long graun we nogat man i stap long en, na long ples nating, em ol dispela hap we nogat man long en, ²⁷ long inapim stat bilong bakarap na long ol ples i bakarap pinis, na mekim graun i kamap wantaim ol gras? ²⁸ Na i gat papa bilong rein, o, husait em i papa bilong ol liklik rein i save pundaun long moning taim? ²⁹ Long bel bilong husait ais i kam aut? Husait i karim ol kol i kamapim waitpela ais i kamaut long skai? ³⁰ Ol wara i haitim ol yet na kamap olsem ol ston, na antap bilong wara em i kamap kol na i kamap olsem ais. ³¹ Inap bai yu pasim sen long ol sta Pliadis, o lusim rop i pasim sta Orion? ³² Inap bai yu kisim ol sta i save lait i go pas long ol i ken kamap ples klia long taim bilong ol stret? Inap bai yu was long bea taim em i stap wantaim ol pikinini bilong em? ³³ Yu save long ol rul bilong skai i stap? Inap bai yu putim ol skai long oda bilong ol stret na em bai lukautim antap bilong graun? ³⁴ Inap bai yu singaut i go antap long ol klaut, na em bai inap long karamapim planti rein wara antap long yu? ³⁵ Inap bai yu salim i go aut ol pawa bilong laitning na ol bai i go aut, na ol bai i tokim long yu, Mipela i stap long hia'? ³⁶ Husat i putim gutpela tingting i go insat long ol klaut o givim gutpela luksave long ol liklik sno rein? ³⁷ Husat bai i kivim namba bilong ol klaut long woksave bilong em yet? Husat bai kapsaitim skin wara bilong skai ³⁸ taim ol lus graun i ron i go long hap em i strong long en na graun malumalu i go pas tru antap long narapela? ³⁹ I nap bai yu kilim daun abus bilong mama laion na inapim hangere bilong ol bebi laion bilong en ⁴⁰ taim ol i slip igo daun long hul bilong ol na karamapim ol yet na hait na weit stap? ⁴¹ Husat i save givim kaikai long ol bilakpela pisin taim ol yangpela pikinini bilong ol i krai long God Yawe na strong bilong ol i lus taim ol i nogat kaikai?