30 ¹ Nau ol dispela ol yangpela man krismas bilong ol i stap aninit long krismas bilong mi ol i nogat wanpela samting tasol ol i pulap long tok pilai na tok bilas long mi, papa bilong ol dispela ol yangpela man bai mi i nap tok nogat long ol i wok klostu long ol lain dok bilong mi. ² Tru tumas, strong bilong han bilong papa bilong ol i go pinis olgeta na strong bilong ol bai i helpim mi olsem wanem? Ating ol i kamap lapun na i no gat strong? ³ Ol i stap hangre na bun nating, long wanem ol i nogat samting bilong kaikai, olsem na ol i kaikai wanem ol i painim i stap long ples nating. ⁴ Ol i pulim ol lip bilong ol gras wantaim ol rop na lip bilong diwai brum na i kamap olsem kaikai bilong ol. ⁵ Ol i singaut bikmaus na rausim ol i go longwe na ol i no stap namel long ol manmeri, olsem ol i mekim long wanpela stil man. ⁶ Olsem na ol i mas stap long ol ples daun long bikpela wara, long ol hul insait long graun na long hul insait long ol bikpela ston. ⁷ Ol i hangre na singaut olsem ol donki namel long ol bus na olgeta i kam bung aninit long ol diwai salat. ⁸ Ol i pikinini man bilong ol longlong man, tru tumas, ol i pikinini man bilong ol manmeri i nogat nem. Ol i bin wipim ol wantaim ol wip na rausim ol i go aut long graun bilong ol. ⁹ Tasol nau mi kamap olsem samting ol i ken tok pilai na mekim ol singsing bilong semim mi, mi kamap olsem samting bilong ol long tok baksait long mi. ¹⁰ Ol i no laikim mi na ol i stap longwe long mi, ol i no pret long spet antap long pes bilong mi. ¹¹ Olsem na God i rausim rope bilong bunara bilong mi na mi nogat strong na ol man husat i save tok pilai long mi ol i amamas long mekim wanem ol i laik mekim long mi, i nogat lo long pasim ol. ¹² Long han sut bilong mi ol yangpela manmeri kam bung, ol i mekim mi i go na pundaunim mi na mi kamap olsem ol liklik maunten bai ol i sanap antap lo mi na pait. ¹³ Ol i bagarapim rot bilong mi, ol i larim hevi i kam long mi, wanpela man i nogat strong inap long tok nogat long ol dispela bikhet man long givim hevi long mi. ¹⁴ Ol i kam long mi olsem ol ami long hap hul i op i stap long banis bilong biktaun, ol i tanimtanim ol yet i kam antap long mi long namel long ol dispela bikpela bagarap ol i kamapim. ¹⁵ Ol i pretim mi, ol i bagarapim gutpela nem bilong mi olsem win i rausim ol samting i go pinis, olgeta hat wok bilong mi long kamapim ol gutpela sindaun i go pinis olsem klaut i lus nating na i no moa i stap. ¹⁶ Nau laip insait long mi i wok long kam aut olsem wara, mi stap long hevi na wari longpela taim. ¹⁷ Long nait ol i brukim ol bun bilong mi, ol pen mi pilim ol i no lusim mi liklik na mi kisim malolo. ¹⁸ Bikpela strong bilong God i bin holim pas ol klos bilong mi, em i raunim bodi bilong mi olsem laplap i raunim nek bilong mi. ¹⁹ Em i bin tromoi mi i go insait long graun malumalum, mi bin kamap olsem das na sit bilong ol paia. ²⁰ Mi krai long yu, God, tasol yu no harim krai bilong mi, mi sanap na yu no lukluk gut long mi. ²¹ Yu bin senisim pasin bilong yu na kamap birua bilong mi, yu strong tumas na yu mekim mi i karim ol hevi. ²² Yu apim mi i go antap long win na mekim em kisim mi i go wantaim, yu tromoi mi i go i kam insait long ren na win. ²³ Long wanem mi save bai yu kisim mi i go long ples bilong dai, long haus ol i bin makim pinis bilong olgeta manmeri i stap laip. ²⁴ Olsem tasol, atingnogat man i save putim han antap na singaut long kisim helpim taim em i pundaun? Ating man i stap long hevi i save singaut long kisim helpim? ²⁵ Yu ting mi no bin krai long man husat i bin stap long hevi? Yu ting mi no sori long man i nogat tru wanpela samting? ²⁶ Taim mi tingting long gutpela samting, hevi i kam kwiktaim long mi, taim mi wet long lait, tutak i kam na kisim ples bilong lait. ²⁷ Bel bilong mi i hevi na mi no inap kisim bel isi, planti dei bai mi karim bikpela hevi tru. ²⁸ Mi bin go nabaut olsem man i stap long tutak, tasol i no long san, mi sanap wantaim ol manmeri na krai long kisim helpim. ²⁹ Mi stap olsem brata bilong ol wel dok, mi pren bilong ol muruk. ³⁰ Skin bilong mi i tudak na i pundaun i go longwei long mi, san i kukim ol bun bilong mi. ³¹ Olsem na mi stretim pinis ol string bilong gita bilong mi long pilai na singim song bilong krai na flut bilong mi long winim taim ol man i bikmaus na i krai.