22 ¹ Orait Elifas man bilong Teman i bekim tok olsem: ² "I no gat wanpela man o save man i gutpela long ai bilong God long yusim. ³ Em bai i hamamasim Bikpela taim yu bihainim stretpela pasin? Em bai bikpela samting sapos pasin bilong yu i stret olgeta! ⁴ Sapos yu save i gat daun pasin long bikpela, bai em i bagarapim yu na kisim yu i go long kot? ⁵ Sapos sin bilong yu i bikpela? Bai nogat arere bilong pasin nogut bilong yu? ⁶ Yu kisim samting long brata bilong yu long dinau pasin, i nogat gutpela as bilong en, na dispela pasin i kamap olsem yu rausim klos bilong en na mekim em i stap skin nating. ⁷ Yu no bin givim wara long ol manmeri nek bilong ol i drai na yu no bin givim bret long man i hangre long kaikai. ⁸ Yu gat biknem na strong long kisim na lukautim olgeta graun yu stap long en. ⁹ Yu rausim ol meri man bilong ol dai pinis i go nating na bagarapim han bilong ol pikinini i nogat papa. ¹⁰ Olsem tasol ol i birua i raunim yu; na yu gat bikpela pret long ol samting nogut bai kamap long yu. ¹¹ Tudak i karamapim yu olsem na yu no inap lukim bikpela hevi i karamapim yu olsem wara. ¹² Lukim, ol star i stap antap tru tasol God i stap antap moa long ol star long heven. ¹³ Bilong wanem yu tok, God i no save long wanpela samting mipela i save mekim. Na bilong wanem em bai skelim pasin bilong mipela long bikpela tudak. ¹⁴ Bikpela klaut i karamapim em, na em i wokabaut antap long ol klaut long heven tasol em i no inap lukim yumi. ¹⁵ Bai yu holim pasim yet olpela pasin bilong ol man nogut i save bihainim long en. ¹⁶ Ol manmeri laip bilong ol bin lus nating, taim ol i stap yangpela yet na taim bilong ol i lus nating olsem bikpela wara i kamautim as bilong haus. ¹⁷ Ol manmeri i bin tok olsem long God, 'klia long mipla',na ol i tok, bai bikpela God i mekim wanem long mipela? ¹⁸ God i pulimapim ol gutpela samting long haus bilong ol; olsem na bai mi no inap wanbel long bihainim tingting bilong ol manmeri nogut. ¹⁹ ol stretpela manmeri i lukim olsem God i larim hevi i kamap long ol man nogut na ol i amamas na lap ol. ²⁰ Ol manmeri i tok, husait ol i birua long mipela nau bai ol i lus nating; na paia bai kukim olgeta samting bilong ol.' ²¹ Nau yu mas wanbel wantaim God na stap bel isi wantaim em; long dispela rot ol gutpela samting bai kamap long yu. ²² Mi askim yu long kisim dispela tok i kam long maus bilong em na putim insait long bel bilong yu. ²³ Sapos yu daunim yu yet na kam bek long Bikpela em bai mekim gut long yu, sapos yu lusim ol olpela pasin yu save mekim long haus bilong yu. ²⁴ Yu putim olgeta gutpela samting i go daun long das, ol gol bilong Ophir i dia tumas i stap namel long ol ston nating i stap long wara, ²⁵ na Bikpela bai i stap olsem gutpela ston i dia tumas, wankain olsem gutpela silva long yu. ²⁶ Olsem na bai yu amamas long Bikpela, yu bai apim pes bilong yu na lukluk long God. ²⁷ Yu bai beten i go long em na em bai i harim prea bilong yu, bai yu bihainim ol promis yu bin mekim long em. ²⁸ Olgeta samting yu tingim long mekim em bai i kamap gutpela na yu bai wokaubaut long lait. ²⁹ God i save daunim ol man i save apim ol yet na helpim ol manmeri i gat daun pasin. ³⁰ Em bai helpim ol manmeri i no gat asua na tu; em bai helpim yu sapos han bilong yu i stap klin.