10 ¹ Mi wari long laip bilong mi, olsem na mi bai givim nating na tokaut long hevi bilong mi. Mi bai toktok wantaim pen insait long bel bilong mi. ² Bai mi tok long God olsem. 'Yu noken kotim mi nating, soim mi bilong wanem yu kros long mi. ³ Em i gutpela long yu olsem yu laik daunim mi na ting mi nating long han we yu bin wokim mi taim yu amamas long pasin nogut bilong man nogut. ⁴ Yu gat ai long bodi a? Yu save lukim olsem man i save lukim a? ⁵ Olgeta de bilong yu i wankain olsem man long graun o yia bilong yu i olsem yia bilong ol manmeri, ⁶ maski yu wok long painim ol nogut bilong mi na i nogat wanpela man inap kisim mi long han bilong yu? ⁷ Olsem yu save mi no mekim rong na nogat wanpela husat inap long kisim mi bek long han bilong yu? ⁸ Han bilong yu i bin kamapim mi na i pasim mi wantaim, tasol yu wok long bagarapim mi. ⁹ Tingim, mi askim yu olsem yu bin pasim mi olsem graun malomalo, yu inap kisim mi go bek long das gen? ¹⁰ Ating yu no kapsaitim mi aut olsem susu na krungutim mi olsem bata a? ¹¹ Yu karamapim mi wantaim skin na bodi na wokim mi pas wantaim bun na rop bilong masol. ¹² Yu bin givim mi laip na mekim kontrak wantaim stretpela pasin, helpim bilong yu i bin stiaim spirit bilong mi. ¹³ Ol dispela samting yu bin haitim long bel bilong yu, mi save olsem dispela em wanem yu bin tingim long en, ¹⁴ olsem sapos mi bin sin, yu inap long save na yu i no inap kotim mi long pasin nogut bilong mi. ¹⁵ Sapos mi kamapim ol kain nogut pasin, mi mas lukaut long mi yet na sapos mi laik kamap olsem stretpela man, mi no inap apim het olsem taim mi pulap wantaim bel hevi na pen! ¹⁶ Sapos mi apim het bilong mi i go antap, yu inap kilim mi olsem laion ,na soim yu yet wantaim bikpela kain pawa long mi. ¹⁷ Yu kisim ol nupela witnes long tok pait long mi na apim belhat bilong yu long mi, yu paitim mi wantaim ol soldia bilong yu. ¹⁸ Bilong wanem na yu kisim mi i kam aut long bel bilong mama? I luk olsem laip mi gat i no sapos long mi kamap long man i lukim mi. ¹⁹ Mi no ting mi sapos long i stap, mi sapos long go stret long bel bilong mama long matmat. ²⁰ Ating de bilong mi em olsem sotpela taim tasol? Stop na larim mi wanpis olsem na mi mas kisim liklik malolo, ²¹ pastaim long mi go mi go bek long graun bilong tudak na ples bilong dai, ²² long dispela graun i tudak olsem namel long nait na graun bilong dai i stap nambaut, long hap lait i olsem namel long nait.