11 ¹ Na Sofa bilong kantri Nama i tok long pren bilong em na i tok, ² "I gat man long bekim olgeta tok bilong yu o nogat. Planti tok yu mekim em i no tru na mi no gat bilip long en. ³ Yu ting yu inap apim yu yet na bai mipela stap isi?Taim yu tok bilas yu ting nogat man inap mekim yu i pilim sem? ⁴ Olsem yu tok long God, '0l tingting bilong mi i stret na mi nogat asua long ai bilong yu.' ⁵ Ol man, olsem tasol God bai toktok long maus bilong em long yu, ⁶ olsem na em bai soim yu long gutpela tingting i hait a? Long wanem em i gat bikpela save pulap wantaim save, em bai putim ples klia olgeta gutpela hait tingting. Em i bikpela. God i laikim yu moa long sin bilong yu. ⁷ Yu inap long luksave na klia long gutpela tingting na save bilong God, em i hat tumas long luksave. ⁸ Save bilong God i antap tumas olsem heven i stap antap, na i go daun moa yet olsem Sheol, bai yu mekim wanem na yu save olsem wanem? ⁹ Mak bilong en i winim sais bilong dispela graun na bikpela moa long solwara. ¹⁰ Sapos em i kam kalabusim yu na bringim yu i go long kot, husait inap pasim em? ¹¹ Long wanem em i save pinis long olgeta giaman man, em i save lukim ol i mekim pasin nogut, yu ting em i no save a? ¹² Em i no stret long ol longlong man i kisim gutpela tingting na save, olsem i wankain tasol long wel donki i ken karim man pikinini. ¹³ Tasol, sapose bel bilong yu stap stret na putim han i go antap na betan long God, ¹⁴ sapos sin i stap long yu, yu noken mekim sin gen na i larim stretpela pasin i kam insait long haus bilong yu. ¹⁵ Tru tumas bai yu lukluk i go antap na bai yu no inap filim sem, yu bai sanap strong na yu no inap pret. ¹⁶ Yu bai lus tingting long hevi bilong yu na yu no inap tingim dispela hevi moa gen long wanem em i ron olsem wara na i go pinis. ¹⁷ Laip bilong yu bai kamap gutpela moa olsem san i kamap nupela na i sut, maski tudak i stap em bai kamap olsem niupela dei. ¹⁸ Yu bai pilim orait na stap gut long wanem bai i gat gutpela samting bai kamap long yu na yu bai stap insait long banis bilong God na bai yu kisim gutpela malolo nogat hevi. ¹⁹ Na tu bai yu i no inap pret, bai yu slip gut wantaim bel isi na amamas. Nogat wanpela man bai mekim yu pret. Planti man bai kam long yu na askim yu long mekim gut long ol. ²⁰ Tasol ai bilong olgeta man nogut bai pas na ol i bai i no inap luksave. Wanpela rot tasol long weitim dai bilong ol."