19 ¹ God Yawe i tok, "Taim yu stap wantaim ol pris na ol hetman bilong ol manmeri, yu go na baim graun botol long man i save mekim. ² Go long ples i stap daun long Ben Hanom long dua bilong Bruk Potari Geit na yu tokaut long wanem bai mi tokim yu. ³ Tokim ol king bilong Juda na ol manmeri i stap long Jerusalem, olsem! God Yawe bilong olgeta samting, God bilong Israel i tok, "Bai mi bringim bagarap long dispela ples na yau bilong olgeta lain i harim bai guria. ⁴ Bai mi mekim olsem, bilong wanem ol i bin givim beksait long mi na pasin nogut bilong ol i bagarapim dispela ples. Ol i mekim ofa i go long ol giaman god ol i no save long en. Ol wantaim tumbuna bilong ol na king bilong Juda i kilim planti man i no gat asua na blut bilong ol i kapsait long dispela ples. ⁵ Ol i redim ples bilong giaman god Bal long kilim pikinini man bilong ol na mekim ofa bilong kukim olgeta long paia, em ol samting mi no tingim na tokim ol long en. ⁶ God Yawe i tok, i gat taim bai i kamap na bai yu no inap kolim dispela ples olsem Tofet, ples daun bilong Ben Hinom, em bai i kamap olsem ples daun bilong kilim man. ⁷ Bai mi larim ol birua bilong ol bai kilim ol long bainat na mekim Juda na Jerusalem i kamap samting nating, bai mi givim bodi bilong ol olsem kaikai bilong pisin bilong skai na wel abus bilong graun. ⁸ Bai mi larim bagarap i kam long biktaun long soim olsem mi givim baksait pinis, ol man i wokabaut i kam i go, bai ol lukim na tokpilai long bagarap bilong ol. ⁹ Bai mi larim ol i kaikai bodi bilong ol pikinini man na pikinini meri bilong ol na kaikai bodi bilong ol lain i stap klostu long dispela hevi na ol birua bilong ol tu bai givim bikpela pain na kilim olgeta man i laik ranawe.''' ¹⁰ Yu mas brukim graun botol long ai bilong ol lain bai i go wantaim yu. ¹¹ Bai yu tokim ol olsem, 'God Yawe bilong olgeta samting i tok, bai mi mekim wankain samting long ol dispela manmeri na long dispela biktaun tu. God Yawe i tok, wankain olsem Jeremaia i brukim liklik graun sospen na i no stretim gen, ol manmeri bai planim dai bodi long Tofet i go inap ples i pulap na no gat ples long planim narapela dai bodi gen. ¹² Em wanem bai mi mekim long dispela hap ol manmeri i stap insait long en, bai mi mekim dispela biktaun wankain olsem mi bin mekim long Tofet, God Yawe i tok, ¹³ ol haus i stap long Jerusalem na ol king bilong Juda tu bai i kamap wankain olsem Tofet, ol manmeri bilong sakim tok i stap antap long haus na lotuim ol sta bilong skai na mekim dring ofa i go long ol arapela giaman god."' ¹⁴ God Yawe i salim Jeremaia long lusim Tofet na i go mekim tok profet. Em i sanap insait long haus bilong God Yawe na tokim ol manmeri olsem, ¹⁵ "God Yawe bilong olgeta samting, God bilong Israel i tok, 'Mi bai bagarapim dispela biktaun na ol liklik taun tu olsem mi bin tok pinis, bilong wanem ol lain bilong pasim bel bilong ol na i no laik harim tok bilong mi."'