16 ¹ Nau tok bilong God Yawe i kam long mi, em i tok, ² "Yu noken kisim wanpela meri bilong yu yet na yu noken karim ol pikinini man o pikinini meri long dispela ples. ³ Olsem God Yawe i tok olsem long ol piknini man na meri husait mama i karim em,i lukautim em long dispela ples na husait papa i kamapim ol long dispela ples, ⁴ 'Na ol manmeri bai i dai long strongpela sik nogut. Ol bai i no inap krai long ol o planim ol long matmat.Ol bai olsem pekpek bilong bulmakau istap long graun. Ol birua bilong ol bai kilim ol long bainat na bikpela hangre bai kamap na olgeta bai dai, na bodi bilong ol bai olsem kaikai bilong ol pisin long skai na wel abus long graun.' ⁵ Olsem na tok bilong God Yawe i kam long mi, em i tok olsem, yu noken krai o soim sori bilong yu long ol, long wanem mi rausim pinis marimari bilong mi long ol dispela manmeri," God Yawe i tok pinis," em i God bilong soim laikim na marimari. ⁶ Ol bikpela na ol liklik lain manmeri bai i dai long dispela ples. Ol bai i no inap planim ol long matmat, nogat wanpela bai i krai long ol o katim o sepim het gras bilong ol. ⁷ Nogat wanpela man bai tilim ol kaikai samting na krai long ol taim ol i dai na nogat man bai i givim kap wara long mama na papa bilong ol taim ol i stap long wari na sori . ⁸ Yu noken go sindaun na kaikai o drink wantaim ol long haus bilong kaikai. ⁹ God Yawe bilong bikpela lain ami, God bilong Israel, i tok olsem, lukim, long ai bilong yupela stret long dispela ples,mi redi nau long pinisim ol nois bilong hamamas, ol nois bilong pilai , na ol hamamas bilong ol nupela marit manmeri.' ¹⁰ Bihain bai kamap olsem, yu bai givim dispela ol tok long ol manmeri, ol bai askim yu, 'Bilong wanem na God Yawe putim bikpela hevi tru long mipela, wanem as bilong ol sin na bagarap mipela mekim long God Yawe," God bilong mipela?' ¹¹ Olsem na yu tokim ol, 'Ol tumbuna bilong yupela bipo tru ol i givim baksait long mi, olsem na God Yawe i tok na yupela i bihainim ol arapela god na lotu na brukim skru long ol. Ol tumbuna bilong yupela i givim baksait long mi na i no bihainim lo bilong mi. ¹² Tasol yuplela yet i bringim moa ol dispela pasin nogut i winim ol tumbuna bilong yupela, yupela wanwan man nau i wokabaut long ol strongpela bel nogut bilong yupela na i nogat man i harim tok bilong mi. ¹³ Orait na bai mi rausim yupela yet na ol tumbuna bilong yupela long dispela ples na i go long ples we yupela i no save long en na bai yupela bai lotu long ol arapela god long dei na nait, mi i no inap givim bel bilong mi long yupela. ¹⁴ Olsem na, lukim wanpela taim bai i kamap, "God Yawe i tok," Dispela taim bai yupela i no inap tok olsem, 'God Yawe i stap laip husait i kisim ol manmeri bilong Israel kam aut long graun bilong Isip.' ¹⁵ tasol, 'God Yawe i stap laip oltaim, husait i kisim bek ol Israel long graun bilong hap not na em i kisim olgeta manmeri bilong em long narapela kantri kam bek.' 'God i tok mi bai kisim ol i kam bek long dispela graun em i bin givim long ol tumbuna bilong ol. ¹⁶ Mi bai salim planti man i save long kisim pis i kam, "God Yawe i tok," ol bai kisim ol manmeri kam aut. Bihain long dispela lain i pinis mi bai salim ol lain bilong painm abus na ol bai painim ol namel long ol maunten na liklik maunten na ol liklik hul bilong ston. ¹⁷ Mi i lukim olgeta pasin nogut bilong ol, ol i no inap hait long ai bilong mi. Olgeta asua bilong ol bai i stap ples klia long pes bilong mi. ¹⁸ Bai mi bekim pei nogut long ol tupela taim moa long sin bilong ol na asua ol i mekim na ples i bagarap tru wantaim piksa nogut bilong god giaman bilong ol, i pulapim olgeta gutpela graun bilong mi wantaim god giaman bilong ol." . ¹⁹ God Yawe, yu strongpela banis bilong mi na ples hait bilong mi, ples mi stap gut long taim nogut i kam. Ol arapela lain kantri bai kam long yu long arere bilong graun bai ol i tok olsem, "Tru tumas ol tumbuna bilong mipela ol i stap long pasin giaman olsem na ol i no kamapim wanpela gutpela samting long sindaun bilong ol. ²⁰ Ating ol manmeri i save wokim god bilong ol yet? Tasol dispela ol god bilong ol em i giaman god tasol." ²¹ Olsem na harim, mi bai mekim ol manmeri kam long luksawe long dispela taim nau, ol bai luksave long bikpela namba na strong bilong mi, ol bai save olsem God Yawe em nem bilong mi.