62 ¹ Long tingim Saion tasol, mi bai i no inap stap isi na long Jerusalem tasol, mi bai i no inap stop, inap long stretpela pasin i kirap na lait strong tumas na rot bilong kisim bek man i olsem bombom i lait. ² Ol arapela manmeri bai lukim ol stretpela pasin bilong na ol king tu bai i lukim bikpela strong yu gat. Yu bai i gat nupela nem, em God Yawe i kolim yu pinis. ³ Yu tu bai i olsem wanpela naispela hat kapa bilong king i stap long han bilong God Yawe na olsem hap laplap ol i pasim long het bilong ol king, wan kain tasol yu stap long han bilong God bilong yu. ⁴ Ino moa bai ol i tok olsem long yu,"ol man i givim baksait long yu," o long graun bilong yu i no moa bai ol tokim yu olsem " ples i drai tumas na nogat laip istap." Tru tumas, ol bai kolim yu olsem "bel bilong mi i stap long em" na graun bilong yu stap olsem "man i marit pinis," em God Yawe i gat bikpela tingting na bel long yu na graun bilong yu bai olsem man i marit long wanpela meri. ⁵ Tru tumas olsem, yangpela man i maritim yangpela meri,olsem tasol ol pikinini man bilong yu bai i maritim yu na olsem man bilong marit i hamamas long meri bilong em ,wankain tasol God bikpela bai hamamas long yu. ⁶ Mi putim pinis ol wasman antap long bikpela banis bilong Jerusalem, ol i no inap stap isi long nait na long dei. Husat ol lain i singaut moa yet long God Yawe na mekim em i tingim ol manmeri bilong em, ol bai i no inap pasim maus bilong ol. ⁷ Yuplea i no ken larim em i kisim win na malolo inap em i kirapim bek taun Jerusalem na mekim dispela ples bilong litimapim nem bilong em long graun. ⁸ God Yawe i tok tru antap, long han sut bilong em wantaim bikpela strong bilong em, "Tru tumas mi i no inap moa long givim ol wit olsem kaikai i go long ol birua bilong yupela.Na ol arapela lain man i no inap tru long dring ol nupela wain ,we yupela i bin wok hat tru long en. ⁹ Ol manmeri husat i kamautim ol kaikai bilong wit,bai ol i kaikai gut tru na litimapim nem bilong God Yawe na husat ol i kisim prut bilong diwai wain bai i dring insait long ples bung bilong mi,long rum i holi tru. ¹⁰ Kam na i go, kam i go insait long bikpela dua! Redim rot bilong ol manmeri! Stat wokim, wokim kamap bikpela rot stret! Bungim olgeta ston na apim ol sain olsem flek bilong wok long olgeta manmeri! ¹¹ Lukim, God Yawe i singaut i go long arere bilong graun olsem, "Tokim pikinini meri bilong Saion, lukim man bilong savim yumi i kam nau! Lukm, em i kisim gutpela pei bilong em i kam wantaim em na dispela ol man husait em i bin kisim bek ol bai igo paslain long em." ¹² Ol bai singaut long yu,"Holi manmeri bilong mi, God Yawe i bin baim bek yupela pinis" na bai i kolim yupela tu olsem, "man i painim pinis dispela biktaun na ol i no givim baksait long em."