60 ¹ Kirap, soim lait bilong yu long olgeta, long wanem glori bilong God Yawe i kam pinis na laik sain antap long yu. ² Maski bikpela tudak bai karamapim olgeta hap kantri long graun, God Yawe bai kirapim yu na lait bilong em bai sain antap long yu. ³ Olgeta hap kantri na king bilong ol bai lukim dispela strongpela lait bilong yu na bai i kam. ⁴ Lukim olgeta samting i stap raunim yu. Ol bai i bung wantaim long kam long yu. Ol pikinini man bilong yu i stap longwe tru bai i kam wantaim ol pikinini meri bilong yu. ⁵ Orait, bai yu lukim dispela na lait bilong yu bai kamap bikpela moa na bel bilong yu bai pulap wantaim amamas. Long wanem, planti kainkain samting bilong solwara bai kapsait antap long yu na ol planti moni na kago samting bilong olgeta kantri bai kam pulapim yu. ⁶ Ol kamel wantaim kago bai karamapim yu, ol dispela kamel bilong ol lain Midia na Efa bai lusim ples Seba na kisim ol gol na frenkinsens, em ol gutpela smel marasin i kam na singim ol song na givim biknem i go long God Yawe. ⁷ Olgeta sipsip long Kedar bai i kam bung wantaim yu, tasol man sipsip bilong Nebaiot bai inapim yu olsem ol gutpela ofa ol i save kukim i kam long mi na bai mi givim biknem i go long haus bilong mi i gat gutpela bilas tru. ⁸ Husat ol man i stap antap olsem klaut na olsem ol pisin i laik painim ples hait bilong ol? ⁹ Ol ples i stap long nambis i painim mi na ol sip bilong Tarsis i go pas long kisim ol pikinini man bilong yu i stap longwe i kam wantaim planti gol na silva bilong ol long givim biknem long God Yawe, God bilong yupela na God Holi bilong Israel, long wanem em i bin apim nem bilong yu. ¹⁰ Ol pikinini man bilong ol man long arapela hap bai wokim gen stronpela banis na king bilong ol bai helpim yu. Maski mi belhat na mekim save long yu tasol, long gutpela bel bilong mi bai mi sori na marimari long yu. ¹¹ Bikpela dua bilong yu bai i op long olgeta dei na nait long ol manmeri bilong olgeta hap kantri bai bihainim ol king bilong ol na kisim ol gutpela samting olsem moni na kago i kam. ¹² Tru tumas, ol kantri na kingdom bilong ol lain husat bai i no inap mekim wok bilong yu bai dai na ol dispela kantri bai bagarap olgeta. ¹³ Bikpela lait bilong Lebanon bai kam antap long yu. Diwai saipres, diwai fir na bokis i kamap long diwai saipres bai i kam bung wantaim long bilasim sios bilong mi na bai mi litimapim nem bilong dispela ples em lek bilong mi save stap long en. ¹⁴ Ol bai i kam brukim skru long yu, ol pikinini man bilong ol lain husat i bin daunim yu. Ol bai brukim skru long lek bilong yu na bai kolim yu Saion, Biktaun bilong God Yawe, em ples bilong God Holi bilong Israel. ¹⁵ Ol man bai les long yu na givim baksait long yu na nogat wanpela bai i kam abrusim yu na go. Tasol bai mi mekim yu olsem wanpela samting i save stap amamas oltaim, amamas bai stap wantaim yu nau na long ol lain bai kam bihain long yu oltaim. ¹⁶ Bai yu pulap wantaim ol gutpela samting i kam long olgeta kantri olsem yu dring susu long ol dispela hap na ol king bilong ol bai i lukautim yu gut. Bai yu save olsem mi yet God Yawe, mi bin kisim bek na baim bek yu long kalabus bilong sin, mi tasol Bikpela God bilong Jekop. ¹⁷ Bai mi givim gol na i no bras, silva na i no ain, bras na i no diwai na bai givim ain na i no ston. Wankain tasol, bai mi givim bel isi na sretpela pasin long banisim na lukautim yupela. ¹⁸ Pasin nogut na bikpela bagarap bai i no inap stap moa long graun o bagarap bai i no inap kam long ol mak i stap long graun bilong yu. Tasol bai yu givim nem long ol bikpela banis olsem ples bilong kisim bek man na long geit olsem ples bilong givim biknem long God. ¹⁹ San bai i no inap stap olsem lait bilong yu long dei taim na mun bai i no inap stap olsem lait bilong yu long nait taim, tasol God Yawe yet bai kamap olsem lait i stap oltaim na olsem God bilong yu i pulap wantaim glori. ²⁰ San bilong yu bai i no inap go daun na mun bilong yu bai i no inap ranawe wantu tasol, long wanem God bai i stap olsem lait i stap oltaim na taim bilong sori na hevi bai pinis olgeta. ²¹ Ol manmeri bilong mi bai stap stretpela olgeta, ol bai kisim bek ol gutpela samting bilong ol. Na ol diwai mi planim i gat planti han na ol wok mi bin mekim wantaim han bilong mi i gutpela tru na nem bilong mi bai go antap moa. ²² Ol liklik hap lain bai kamap planti moa olsem 1000 man na ol liklik lain bai kamap olsem strongpela kantri. Long wanem, Mi yet mi God Yawe na bai mi larim ol dispela samting karim kaikai na kamap olsem mi bin tok long em, long taim bilong em yet.