57 ¹ Ol stretpela manmeri i dai, tasol i nogat wanpela mani bilip long dispela na ol bilip manmeri i go bung long wanpela hap, tasol i nogat wanpela man i save olsem ol bilip manmeri i go bung na stap longwe long pasin nogut. ² Ol i go insait wantaim bel isi na ol i malolo insait long bet bilong ol, em ol lain husat i save wokabaut insait long stretpela pasin. ³ Tasol kam long hia, yupela ol pikinini man bilong meri i save mekim posin, ol pikinini bilong ol manmeri i save mekim pasin pamuk na meri husat i save salim bodi bilong em long kisim pe bilong mekim pasin pamuk. ⁴ Em husat yupela i save amamas long giamanim? Yupela i opim maus na putim tang i kamaut bilong tok nogut long husat? Ating yupela i no pikinini bilong ol manmeri i no laik stap aninit long mi na giamanim mi, a? ⁵ Yupela i slip aninit long strongpela diwai na hotim skin bilong yupela, aninit long olgeta diwai i pulap wantaim lip. Yupela husat i kilim ol pikinini bilong yupela yet long ples drai bipo wara i ron long en, aninit long ol ston i hangamap long maunten. ⁶ Namel long ol gutpela ston i nogat mak long ples daun bilong wara we mi bin makim yupela long lukautim. Em ol samting yupela i save lotu long ol.Yupela i kapsaitim ol ofa bilong dring i go long ol na mekim ol ofa bilong kukim wit i go long ol. Bai mi inap amamas long ol dispela samting? ⁷ Yupela save mekim bet bilong yupela long maunten i antap tru na yupela i save i go antap long en bilong mekim ol ofa tu. ⁸ Baksait long dua na ol pos bilong dua yupela i save putim ol sain olsem, yupela i pinisim mi na mekim yupela yet i kamap as nating na i go antap long mekim bet bilong yupela i go bikpela. Yupela i mekim kontrak wantaim ol, yupela i laikim bet bilong ol na yupela i lukim sem bilong ol. ⁹ Yupela i go long Molek wantaim wel na ol samting bilong givim gutpela smel. Yupela i salim ol wokman bilong yupela i go longwe tru na yupela i go daun long Seol. ¹⁰ Yupela i nogat strong long wokabaut bilong yupela tasol yupela i no save tok, "Em i nogut." Yupela i painim laip long han bilong yupela yet olsem na yupela i stap strong yet. ¹¹ "Yupela wari long husait? Yupela i save pretim husait tru we em i save mekim yupela long bihainim ol tingting nogut tru olsem na yupela i no inap tingim mi o tingting long mi? Bilong wanem mi bin stap isi longpela taim olsem na yupela i no moa pret long mi. ¹² Bai mi tokaut long olgeta stretpela pasin bilong yupela na tokim yupela long olgeta samting yupela i bin mekim, tasol ol bai i no inap long helpim yupela. ¹³ Taim yupela i bikmaus na krai, larim ol god giaman yupela i save bungim i helpim yupela. Nogat bai win i karim olgeta i go, wanpela liklik win tasol bai karim ol i go. I kam inap long nau husat man i hait aninit long mi bai stap insait long dispela graun na em bai kisim na lukautim holi maunten bilong mi. ¹⁴ Em bai i tok, 'Wokim, wokim! redim wapela rot! Rausim olgeta samting i save pasim rot long ol manmeri bilong mi!''' ¹⁵ Dispela em i wanem God husait i stap antap tru na nem bilong em i holi na i save stap oltaim, i tok olsem, "Mi save stap long ples antap na ples i holi tru, spirit bilong bruk tru na daun pasin i pulap long em long kirapim bek spirit bilong ol man i daunim ol yet na bilong kirapim bek bel bilong ol man i save pilim pen na wari long sin ol i bin mekim. ¹⁶ Na bai mi i no inap sutim tok long yupela oltaim na bai mi i no inap belhat long yupela oltaim, long dispela taim spirit bilong man bai ai raun na pundaun long ai bilong mi em ol laip mi yet i bin mekim. ¹⁷ Mi bin belhat long wanem, em i bin mekim ol pasin nogut na sin olsem na bai mi mekim save long em. Mi haitim pes bilong mi na belhat tasol em i go nambaut na i no bihainim laik bilong bel bilong em. ¹⁸ Mi bin lukim ol pasin nogut bilong em tasol bai mi mekim em i kamap orait. Bai mi kisim em i go tasol bai mi givim bel isi na strong long ol lain husat i krai long em, ¹⁹ na bai mi putim ol toktok long maus bilong ol long litimapim nem bilong mi. Bel isi, bel isi long ol lain husat i stap longwe tru na ol lain husat i stap klostu, God Yawe i tok, bai mi mekim ol i kamap orait gen. ²⁰ Tasol ol manmeri bilong mekim pasin nogut i olsem solwara i kalap nambaut we i no save malolo na i kamap olsem wara i pulap wantaim kainkain pipia na graun malum malum. ²¹ Bai i nogat bel isi bilong ol lain i save mekim pasin nogut, God Yawe i tok."