21 ¹ Wanpela tok bilong ples nating i kamap arere long solwara. Dispela tok i kam wankain olsem win na ren i kam insait long ples Negep na abrusim wanpela bagarap ples na i go long ples nating. ² Wanpela driman nogut i bin kam long mi, long wanpela nogut man i save mekim ol pasin i nogut tru na long wanpela man bilong givim bagarap i save bagrapim ol arapela. Go antap na pait wantaim ol lain Elam, raunim ol lain long ples Midia long wanem bai mi pinisim pen na hevi bilong em. ³ Olsem na bel bilong mi i pen nogut tru, wankain olsem pen bilong mama taim em i laik karim pikinini i kamap long mi. Mi daunim mi yet long ol wanem samting mi bin harim na bel bilong mi i no stap isi long ol wanem samting mi bin lukim. ⁴ Bel bilong mi i no stap isi, mi guria wantaim pret. Na mi laikim san mas i go daun tasol pret i karamapim mi. ⁵ Ol i redim tebol, putim hap laplap na dring na kaikai. Kirap, ol pikinini man bilong king na wasim ol hap plang bilong yupela wantaim wel. ⁶ Olsem na Bikpela i tokim mi, "Go na putim wasman, em mas was gut na kam bek na toksave long wanem em i bin lukim. ⁷ Taim em i lukim wanpela karis, tupela man bilong sindaun antap long hos, ol man bilong sindaun antap long donki na ol man bilong sindaun antap long kamel, orait em mas opim ai na putim yau gut long wanem bai kamap." ⁸ Na ol wasman i krai na tok, "Bikpela, long wastawa bai mi sanap long olgeta dei na long olgeta nait na putim was." ⁹ Wanpela karis bai i kam wantaim wanpela man na tupela man bilong sindaun antap long hos. Em bai i singaut na tok, "Babilon i punduan, em i pundaun nogut tru na olgeta god giaman ol i bin katim long diwai i bruk nambaut long graun." ¹⁰ Ol samting mi paitim strong inap win bai karim i go wankain olsem ol pikinini bilong mi i stap long graun bilong rausim pikinini wit! Ol wanem samting mi bin harim long God Yawe, God i stap antap tru, God bilong ol Israel, mi tokaut long yu. ¹¹ Wanpela tok i bin kamap, em bilong ples Duma. Wanpela man i stap long ples Ser na singaut i kam long mi, "Wasman, wanem samting i stap yet long dispela nait? Wasman, wanem samting i stap yet long dispela nait?" ¹² Dispela wasman i singaut na tok, "Tulait i bruk na moning i kam, wankain tasol nait i kam bihain. Sapos yu laik askim, orait askim na kam bek gen." ¹³ Wanpela tok i bin kamap, em bilong ples Arabia. Long ples i stap nating long Arabia, bai yu slip long wanpela nait autsait wantaim olgeta kago bilong yu, man bilong Dedan. ¹⁴ Yupela olain bilong Tema, kisim wara i kam na givim long ol man nek bilong ol i drai na givim kaikai long olgeta man husat i bin ranawe long ples bilong ol yet. ¹⁵ Long wanem, ol i bin ranawe long bainat long katim ol na long bunara na long ol bikpela kain pait i bin kamap. ¹⁶ Dispela em wanem tok Bikpela i bin tokim mi, "Long wanpela yia, wankain olsem wanpela wokman bai i wok long wanpela yia bai lukim olgeta glori bilong ples Keda bai pinis. ¹⁷ Ol liklik hap lain bilong sutim bunara wantaim ol soldia bilong Keda bai i stap bek," long wanem God Yawe, God bilong ol Israel i bin tok pinis.