8 ¹ Orait, as bilong dispela tok yumi mekim, em i olsem, yumi gat dispela gutpela hetpris i stap, na em i sindaun long han sut bilong sia bilong namba wan King bilong heven. ² Em i mekim wok pris insait long haus holi bilong God long heven, em haus tru bilong God we man i no bin sanapim. Nogat. Bikpela yet i bin sanapim. ³ Olgeta hetpris i gat wokmak bilong bringim ol present na ol ofa. Long dispela em i gutpela long i gat samting bilong mekim ofa. ⁴ Sapos Krais i stap long graun, em i no i nap stap pris, long wanem, i gat pris i stap pinis husait i save givim ol presen long God olsem lo i tok. ⁵ Ol i holim wok pris long haus lotu i stap long graun, na dispela em i olsem piksa na tewel tasol bilong haus lotu tru i stap long heven. Em i olsem God i tokim Moses, taim Moses i laik sanapim hausel. God i tok olsem, "Taim yu wokim olgeta samting bilong hausel, yu mas lukaut gut, na bihainim stret dispela piksa bilong en, mi bin soim yu long maunten." ⁶ Tasol nau Krais i kisim wok pris i winim tru ol arapela pris, long wanem, em i stap namel man bilong strongim nupela kontrak we, em i sanap antap long gutpela tok promis. ⁷ Sapos namba wan kontrak i bin gutpela olgeta, orait God bai i no i nap mekim nupela kontrak. ⁸ Tasol God i painim asua bilong ol manmeri na em i tok olsem, "Bikpela i tok, ''Harim''. Mi makim pinis wanpela taim na bai mi mekim nupela kontrak wantaim lain bilong Israel na lain bilong Juda. ⁹ Dispela kontrak i no wankain olsem mi bin mekim wantaim ol tumbuna lain bilong ol long taim mi holim han bilong ol na bringim ol kamaut long Isip. Ol i no bihainim tok bilong kontrak bilong mi, olsem na mi Bikpela, mi givim baksait long ol. ¹⁰ Tasol dispela nupela kontrak mi laik mekim wantaim ol manmeri bilong Israil em i olsem. Na Bikapela i tok olsem bai mi putim olgeta lo bilong mi long tingting bilong ol, na bai mi raitim long bel bilong ol. Na bai mi stap God bilong ol na bai ol i stap manmeri bilong mi. ¹¹ Bai ol manmeri i no ken skulim ol wantok na ol brata bilong ol na tok olsem, ''Yupela i mas save long Bikpela,'' olgeta bai save long mi maski ol man nating o ol man i gat biknem. ¹² Long wanem, bai mi marimari long ol pasin nogut bilong ol na lusim sin bilong ol na bai mi no i nap tingim moa. ¹³ Long dispela tok "Nupela Kontrak", God i mekim namba wan kontrak i kamap olpela pinis. Na samting i laik kamap olpela na i laik pinis, em bai i klostu lus olgeta.