3 ¹ Ol Kristen brata, yupela i gat singaut i kam long heven.Yupela tingting long Jisas, em aposol na hetpris yumi save bilip long em na tokaut. ² Em i bihainim tru tok bilong God, em husait i makim em, wankain olsem Moses i bihainim tru tok insait long haus bilong God. ³ Biknem Jisas i kisim i winim tru biknem bilong Moses, long wanem, man i wokim haus i winim tru biknem bilong haus yet. ⁴ Long olgeta haus i gat man i save wokim, tasol long olgeta samting, God i bin wokim. ⁵ Moses i bihainim tru tok olsem wokman insait long haus bilong God, em bilong tokaut long ol samting bilong bihain. ⁶ Tasol Krais em i bihainim tru tok olsem Pikinini husait i lukautim haus bilong God. Yumi haus bilong em sapos yumi holim pas samting yumi save amamas long em na wetim. ⁷ Olsem tasol Holi Spirit i tok olsem, "Nau sapos yupela i harim maus bilong em, ⁸ yupela i no ken strongim bel bilong yupela, olsem bipo ol tumbuma bilong yupela i bin mekim long taim ol i stap long bikpela traim long ples drai.'' ⁹ Dispela em long taim ol tumbuna bilong yupela i bin sakim tok na traim mi na insait long 40 yia ol i lukim ol wok bilong mi. ¹⁰ Olsem na mi belhat long ol dispela lain manmeri, na mi tok, ''Insait long bel bilong ol, ol i go longwe long mi. Ol i no save long rot mi makim bilong ol.'' ¹¹ Olsem mi belhat na mi tok promis." Ol i no inap i go insait long ples malolo bilong mi.'' ¹² Ol brata, yupela i mas was gut, namel long yupela, nogut wanpela i gat bel nogut na i no bilip na i givim baksait long God i gat laip. ¹³ Strongim yupela yet long olgeta de, ol i save kolim, ''nau,'' olsem na nogut wanpela namel long yupela, bel bilong em i strong long giaman bilong sin. ¹⁴ Yumi stap poroman tru bilong Krais sapos, yumi holim strong bilip bilong yumi insait long em long stat bilong wok na i go inap long arere bilong en. ¹⁵ Long dispela tok i stap, "Nau sapos yupela i harim maus bilong em, yupela i no ken strongim bel bilong yupela, olsem ol tumbuna bilong yupela i bin mekim." ¹⁶ Husait i harim maus bilong God na sakim? Ino olgeta lain manmeri bilong God husait Moses i kisim i kam ausait long Isip? ¹⁷ Husait i harim maus bilong God na i sakim long 40 pela yia? Em ol lain manmeri bilong God ol i bin mekim sin, na ol i dai na bodi bilong ol i stap nambaut long ples wesan nating. ¹⁸ Em i tok promis long husait inap long stap long ples malolo, em ol lain manmeri husait ol i harim tok bilong em. ¹⁹ Yumi save olsem ol i no inap i go insait long ples malolo bilong em long wanem, ol i no bilip.