35 ¹ Na tok bilong God Yawe i kam long mi na i tok olsem, ² ''Pikinini bilong man, lukluk i go long maunten Seir na tok profet long samting i laik kamap bihain. ³ Bikpela God Yawe i tok olsem, Lukim mi tok nogat long yu Mauten Seir, na mi bai tok strong na rausim yu wantaim han bilong mi na mekim yu kamap bagarap na ples natin. ⁴ Mi bai mekim taun bilong yu bai bagarap, na yu yet bai kamap wari,' na bai yu save olsem Mi God Yawe. ⁵ Long wanem olgeta taim yu bin birua long ol Israel manmeri,bilong wanem yu kapsaitim ol i go long han bilong bainat taim ol i gat pen, na taim pen bilong ol i bikpela tru., ⁶ Taim Mi i stap laip, dispela em God Yawe i tok aut klia, Mi bai redim yu long blut bai kapsait, blut kapsait bai kirapim yu! Yu no tok mi no laik blut i kapsait,olsem na blut kapsait bai kirapim yu. ⁷ Bai mi mekim maunten Seir kamap ples nating na pinis taim mi katim aut long em na sapos wanpela i kam i go bai i kam i go bek gen. ⁸ Bai mi pulimapim dispela mauten wantaim ol lain ol i bin kilim ol long en ,mauten antap na ples daun na olgeta baret wara ol lain ol i bin kilim ol wantaim bainat bai pundaun. ⁹ Bai mi mekim kamap ples nating oltaim oltaim.Taun bilong yu bai i no inap kamap ken, tasol bai yu save Mi God Yawe. ¹⁰ Yu bin tok olsem,Dispela tupela kantri na tupela graun bai kamap graun bilong mi yet, na mipela bai lukautim; maski taim God Yawe bin i stap wantaim ol. ¹¹ Olsem taim mi stap laip, dispela em God Yawe i tok aut klia. Mi bai mekim antap long belhat bilong yu yet na tok beksait yu gat wantaim belhat long ol Israel, bai mi soim mi yet long ol taim mi kotim yu. ¹² Olsem bai yu save Mi yet mi God Yawe.Mi harim olgeta belhat tok bilong yu bin mekim long mauten bilong ol Israel, taim yu tok ,"Ol i bin bagarap,ol i bin givim i go long bagarap olgeta. ¹³ Yu apim yu yet long mi wantaim wanem yu tok na yu bungim ol tok yu tok long daunim mi na mi yet i harim olgeta. ¹⁴ God Yawe i bin tok olsem; bai mi mekim na yu bai lusim olgeta samting na pilim pen, taim olgeta hap graun ol i amamas. ¹⁵ Taim yu amamas long olgeta samting bilong ol manmeri bilong Israel bilong wanem long bel sori, bai mi mekim wankain long yu tu, yu tu bai lusim na pilim pen wantaim Maunten Seir na ol Edom na olgeta! Ol bai save olsem Mi God Yawe.