32 ¹ Orait em i kamap olsem insait long 12 mun bihain long namba 12 yia, long namba wan dei long dispela mun, tok bilong God Yawe i kam long mi, em i tok, ² ''Pikinini bilong man, apim nek na singsing sori long Fero king bilong Isip; tokim em, 'Yu olsem yangpela laion namel long ol kantri, tasol yu olsem masalai bilong solwara; yu save tanim wara, yu save tanim wara long lek bilong yu na malumaluim wara bilong ol. ³ Bikpela God Yawe i tok olsem; orait bai mi putim umben bilong mi long yu na raunim yu long ai bilong ol planti manmeri, olsem na ol bai i apim yu insait long net bilong mi. ⁴ Bai mi mekim yu i bagarap na stap nating long graun, bai mi tromoi yu i go insait long ples daun na larim ol pisin bilong ol heven i stap antap long yu; olsem na ol kainkain animol i save hangre na i stap long dispela hap bai i pulap tru long yu. ⁵ Bai mi putim ol mit bilong bodi bilong yu antap long ol maunten na bai mi pulimapim ol gutpela graun wantaim bodi bilong yu i pulap long ol liklik snek. ⁶ Orait bai mi kapsaitim blut bilong yu antap long ol maunten na blut bilong yu bai i pulimapim ol liklik wara. ⁷ Orait taim mi pinisim yu, bai mi pasim ol heven na bai mi mekim ol sta bilong ol i kamap tudak; bai mi pasim ai bilong san wantaim ol klaut na mun i no inap larim lait bilong em i lait. ⁸ Bai mi mekim ol lait i save lait long ol heven i kamap tudak antap long yu na bai mi putim tudak antap long graun bilong yu- dispela em tok bilong God Yawe. ⁹ Orait bai mi putim pret long bel bilong planti manmeri long ol ples graun yu no save long em, taim mi bringim yu i go kalabus namel long ol kantri, namel long ol graun yu no bin save. ¹⁰ Bai mi mekim planti manmeri i guria long tingim yu; ol king bilong ol bai i guria na tingim yu taim mi apim bainat bilong mi long ai bilong ol. Olgeta man wanwan bai i guria long wanem samting mi mekim long yu, long dispela dei bilong pundaun bilong yu. ¹¹ Bikpela God Yawe i mekim dispela tok; Bainat bilong king bilong Babilon bai i kam long bagarapim yu. ¹² Bai mi mekim planti bilong yupela i pundaun antap long bainat bilong ol man bilong pait- ol bai i pret tru long ol man bilong pait taim ol i go nambaut long ol kantri. Ol dispela lain bilong pait bai daunim biknem bilong Isip na bagarapim ol bikpela lain manmeri bilong em. ¹³ Olsem tasol bai mi bagarapim ol sipsip na bulmakau i save stap arere long ol wara, i no long taim na lek bilong ol man bai i stiaim ol wara i go antap, o inap bai lek bilong ol hos i stiaim ol. ¹⁴ Olsem na bai mi mekim ol wara bilong ol i stap isi na bai mi mekim ol bikpela wara bilong ol i tanim kamap wel, dispela em tok bilong God Yawe. ¹⁵ Taim mi mekim graun bilong Isip i kamap ples nating na taim graun i stap han nating bihain long planti gutpela samting em i bin i gat, taim mi kirapim pait long olgeta man i stap insait wantaim em, ol bai save olsem mi God Yawe. ¹⁶ Bai i gat bikpela krai na sori; ol pikinini meri bilong olgeta hap kantri bai krai sori long em; ol bai singsing sori na krai long Isip, bai ol i krai long ol planti lain manmeri- Dispela em tok bilong Bikpela God Yawe.''' ¹⁷ Orait em i kamap insait long namba 12 yia bilong dei namba 15 bilong dispela mun, tok bilong God Yawe i kam long mi, em i tokim mi, ¹⁸ Pikinini bilong man, krai long ol manmeri bilong Isip na kisim ol i go daun, em na ol pikinini meri bilong ol kantri i gat nem, i go daun long graun i stap daunbilo wantaim dispela ol lain husat i go stap pinis. ¹⁹ Yu gutpela tumas na i winim ol arapela? Yu go daun na stap wantaim ol lain i no katim skin yet.' ²⁰ Ol bai i pundaun namel long ol lain husait i bin dai long bainat. Bainat i kamaut pinis! Ol i salim em i go long maus bilong bainat; ol bai i holimpasim em wantaim ol bikpela lain manmeri. ²¹ Ol stronpela man bilong pait insait long seol bai i tokaut long wanem samting i bin kamap long ol Isip na long ol lain i poroman wantaim em, 'Ol i bin kam daun long hia! Ol bai i go daun wantaim ol lain i no bin katim skin, wantaim ol dispela lain husait i bin dai long bainat.' ²² Asiria i stap pinis wantaim ol bikpela lain i bung. Ol matmat bilong em i raunim em,' olsem na olgeta dispela lain i bin dai long bainat. ²³ Ol dispela lain husait matmat i redi insait long sotpela taim long dispela hul i daun, wantaim ol bikpela lain i stap wantaim em. Matmat bilong em i raunim ol lain husat ol i bin kilim, husat i pundaun long bainat, ol lain husat i bringim bikpela pret antap long graun ol manmeri i stap long en. ²⁴ Elam i stap wantaim ol bikpela lain manmeri. Matmat bilong em i raunim em; ol i bin kilim olgeta lain. Ol lain husat i bin dai long bainat, husat i bin go daun taim ol i no bin katim skin taim ol i go daun tru long as bilong dispela graun, husat i bringim pret antap long graun man i stap laip long em na i karim sem, bungim wantaim ol lain i go daun long hul i daun. ²⁵ Ol i rolim bet na wokim bilong Elam na ol bikpela lain manmeri namel long ol lain ol i bin kilim, matmat bilong em i raunim em. Olsem na olgeta lain i no bin katim skin, ol i kilim ol long bainat, long wanem ol i kamapim pret long graun ol manmeri i stap long em. Olsem na ol i kisim sem long ol yet, wantaim ol lain husat i go daun long dispela hul i daun tru namel long ol lain husat ol i bin kilim, em ol lain husat i go daun long hul i daun. Elam i stap namel long ol dispela lain husat ol i bin kilim. ²⁶ Mesek, Tubal na olgeta manmeri i stap pinis! Matmat bilong ol i raunim ol. Olgeta dispela lain i no bin katim skin, ol i bin dai long bainat, long wanem ol i bin kamapim pret long graun ol manmeri i stap long em. ²⁷ Ol i no bin dai wantaim ol man bilong pait husat i no bin katim skin husat i bin go daun long seol wantaim ol samting bilong pait, wantaim binat i slip aninit long het bilong ol na tingting nogut insait tru long bun bilong ol. Ol i save pait na pretim ol man long graun ol man i stap long em. ²⁸ Olsem na yu, Isip, bai i bruk namel long ol lain i no bin katim skin! Yu bai slip arere long ol lain husat i dai long bainat. ²⁹ Idom i stap pinis wantaim ol king bilong em na ol lida bilong em. Ol i bin putim strong bilong ol long ol lain i bin dai long bainat. Wantaim ol lain i no bin katim skin ol i bundaun, wantaim ol lain husat i go daun long ples i daun. ³⁰ Ol pikinini man bilong king bilong hap not i stap pinis- olgeta lain bilong ol na ol lain sidon husat i go daun wantaim ol lain husait ol i bin kilim. Ol i strongpela lain na i mekim ol arapela i pret tru long ol, tasol nau ol i stap long bikpela sem, ol tu i no katim skin wantaim ol lain husat i dai long bainat. Ol i karim sem bilong ol yet, wantaim ol lain i go daun long hul i daun. ³¹ Fero bai i lukim olsem em bai i stap gut bilong wanem em long ol bikpela lain manmeri husat i bin dai long bainat- Fero na olgeta ami bilong em- dispela em tok bilong God Yawe. ³² Mi mekim em i pretim ol man i stap laip antap long graun, tasol em bai i go daun namel long ol lain i no bin katim skin, namel long ol lain i bin dai long bainat.'' Fero wantaim ol manmeri bilong em, dispela em i tok bilong Bikpela God Yawe