38 ¹ Besalel i wokim alta bilong kukim ofa long diwai akasia. Longpela bilong en, em 5 kuibit mita na bikpela bilong en, em 5 kuibit mita, kona bilong em i wankain, olsem bokis na 3 kuibit mita i go antap. ² Em i wokim i go moa yet na wokim ol 4-pela kona bilong en i kamap olsem kom bilong bulmakau.Ol kom i wokim i olsem wanpela samting tasol i pas wantaim ples bilong givim ofa na em i karamapim ol wantaim bras ain. ³ Em i wokim olgeta samting bilong alta, ol sospen bilong sit bilong paia, savol bilong holim sit bilong paia, ol traipela dis, ol fok bilong mit na ol pot bilong kukim samting long paia. Em i wokim olgeta dispela samting wantaim bras ain. ⁴ Em i wokim samting bilong holim paia long alta na em i putim ol bras ol i bin joinim aninit long tebol we samting bilong kukim paia bai i stap long en, em i go daun inap long namel. ⁵ Na em i putim 4-pela rin long ol 4-pela kona bilong dispela samting bilong holim paia ol i wokim wantaim bras, olsem samting bilong holim ol longpela pos. ⁶ Besalel i mekim ol longpela pos long diwai akasia na karamapim ol wantaim bras. ⁷ Em i putim ol dispela pos i go insait long ol rin long sait bilong alta, bilong karim en. Na em i wokim speis long alta, bilong ol dispela plang. ⁸ Besalel i wokim bikpela dis long bras na samting em bai i sindaun antap long en, em i bin wokim wantaim bras tu. Em i wokim dis wara long ol mira bilong ol meri i save mekim wok long rot i go insait long haus sel. ⁹ Em i wokim ples bilong bung. Ol laplap i hangamap long saut sait long ples bilong bung, em ol i bin wokim wantaim ol naispela waitpela laplap na longpela bilong em i olsem 100 mita. ¹⁰ Ol laplap i hangamap i gat 20- pela pos na 20- pela bras bilong stap daunbilo we pos bai i sindaun antap long en, ol i bin wokim wantaim bras. I bin gat sampela huk ol i bin putim antap long ol pos na sampela stik ol i wokim wantaim silva tu. ¹¹ Wankain samting ol i bin wokim long not sait tu, i bin gat ol laplap i hangamap, longpela bilong en, em 100 mita wantaim 20- pela pos na 20-pela bras bilong i stap daunbilo we ol pos bai i sindaun antap, ol i wokim wantaim bras na ol i putim ol huk antap long ol pos na stik ol i wokim wantaim silva. ¹² Ol laplap i hangamap long wes sait, longpela bilong en, em 50 mita, wantaim 10-pela pos na 10-pela bras bilong i stap daunbilo long pos na strongim. Ol huk na longpela stik bilong ol pos em ol i bin wokim wantaim silva. ¹³ Dispela ples bilong bung, longpela bilong en, em 50 mita, long sait i go long east ¹⁴ Ol laplap we i bin hangamap long wanpela sait long rot i kam insait longpela bilong en, em 15 mita. Ol i gat 3-pela pos na 3-pela as bilong pos bilong strongim pos i stap aninit. ¹⁵ Long narapela sait bilong rot i go insait long ples bilong bung i gat ol laplap we hangamap, longpela bilong en, em 15 mita, wantaim 3-pela pos na 3-pela as bilong po bilong i stap daunbilo long ol pos. ¹⁶ Olgeta samting i hangamap na raunim ples bilong bung em ol i bin wokim wantaim gutpela laplap. ¹⁷ Ol as bilong pos we ol pos bai sindaun antap long em ol i wokim wantaim bras. Na ol huk na longpela stik bilong ol pos em ol i wokim wantaim silva na ol i karamap antap long ol pos em ol i wokim wantaim silva tu. Olgeta pos long ples bilong bung ol i karamapim wantaim silva. ¹⁸ Ol laplap long rot i go insait long ples bilong bung longpela bilong en, em 20 mita. Dispela laplap ol i bin wokim wantaim blu, pepol na redpela laplap, wantaim laplap ol i bin tanim gut tru, longpela bilong en, em 20 mita na 5 mita i go antap, wankain olsem ol laplap long ples bilong bung. ¹⁹ Em i gat 4-pela as bilong braspos bilong sindaun antap, ol i wokim wantaim bras na ol silva huk antap long en. Ol karamap bilong em antap na ol longpela stik ol i bin wokim wantaim silva. ²⁰ Olgeta pin bilong haus sel bilong bung na ples bilong bung ol i bin wokim wantaim bras. ²¹ Dispela ol samting ol i usim long wokim haus sel bilong bung, dispela haus sel bilong bokis kontrak, olsem ol i bin bihainim tok Moses i bin raitim. Dispela em wok bilong ol Livai aninit long tok bilong Itama, pikinini man bilong Aron hetman bilong ol pris. ²² Besalel pikinini man bilong Uri, em pikinini bilong Ur, long tumbuna lain bilong Juda, ol i wokim olgeta samting God Yawe i bin tokim Moses. ²³ Oliab pikinini man bilong Aisamak, long lain tumbuna bilong Den i wok wantaim Besalel olsem man bilong wokim disain na rait na wanpela man i gat save long wok, olsem wanpela man long samapim blu, pepol na wanpela kala i olsem retpela rop na ol naispela laplap. ²⁴ Olgeta gol we ol i bin usim long wokim dispela bikpela wok na wokim olgeta wok long kamapim dispela ples holi, ol gol bilong ofa i bin olsem 29 talent, ol i bin usim 730 skel bilong dispela mak. ²⁵ Na ol silva we ol manmeri i bin givim en mak, i olsem 100 kilo na 1775 sekel long dispela taim long haus sel. ²⁶ o 1 kilo long wanpela man i wankain olsem hap bilong 11 kilo ol i makim long sekel bilong dispela taim. Dispela namba ol i bin kisim long namba bilong olgeta manmeri ol i bin kauntim, dispela ol manmeri i 20 yia na i antap olsem, 603,550 man olgeta. ²⁷ Ol i kapsitim 1oo kilo silva ol i kukim long wokim ples bilong ol pos bilong ples holi bai sindaun long en na long ol pos bai holim ol laplap bilong hangamap, i gat 100 pos na ples we ol bai sanap long en ol i putim 1 kilo silva long wanwan. ²⁸ Na wantaim dispela 1,775 sekel bilong silva i stap, Besalel i wokim ol huk bilong ol pos na karamapim het bilong ol pos, mekim ol longpela stik bilong ol. ²⁹ Ol bras bilong ofa biong kukim, olgeta em i havi olsem 70 talent na 2,400 sekel. ³⁰ Wantaim ol dispela em i wokim rot aninit i go insait long haus sel bilong bung na mekim bras alta, samting bilong holim paia antap ol i wokim long bras na olgeta narapela samting bilong alta, ³¹ As bilong pos aninit long ples bilong bung na as pos bilong rot i go insait long ples bilong bung, olgeta pin bilong haus sel bilong bung na olgeta pin bilong ples bilong bung.