7 ¹ Gutpela nem i winin tru pauda i gat gutpela smel na taim yu dai i winim taim mama i karim yu. ² Em i gutpela long go lo haus bilong ol man i sore na i no long haus bilong bikpela kaikai na amamas, pasin bilong sore i save kamap long taim man i dai , yu stap laip yu mas tingim dispela. ³ Taim bilong sore i save winim taim yu amamas, bihain long pes bilong yu i sore bel bilong yu bai i amamas. ⁴ Bel bilong ol man i gat gutpela tingting i stap long haus bilong sori na krai, tasol bel bilong ol man i nogat gutpela tingting i stap long haus bilong bikpela kaikai na amamas. ⁵ Em i gutpela long harim tok bilong ol man i gat gutpela tingting na i no gutpela long harim song bilong ol man nogut. ⁶ Amamas bilong ol man i nogat gutpela tingting i olsem paia i kukim aninit bilong sospen .Dispela em i olsem smuk tasol. ⁷ Pasin bilong kisim samting bilong narapela man i mekim ol man i gat gutpela tingting bai kamap longlong na pasin bilong kisim moni bilong ol arapela man bai bagarapim bel bilong ol. ⁸ Pinis bilong hevi i save winim taim hevi i kamap; ol man i stap isi long spirit i winim ol man i apim ol yet long spirit. ⁹ Yu noken larim spirit bilong yu i belhat hariap, long wanem pasin bilong belhat em i pasin bilong ol man i nogat gutpela tingting. ¹⁰ Yu noken tok , "Bilong wanem, na ol sampela dei i no wankain olsem dispela dei? " Yu no askim wantaim gutpela tingting. ¹¹ Gutpela tinting mipela i kisim em i gutpela tru . Em i helpim ol man husait i lukim san. ¹² Gutpela tingting i save lukautim yumi olsem moni i save lukautim yumi, tasol gutpela save i givim gutpela tingting long husait i kisim. ¹³ Tingim ol wok bilong God . Husait inap long stretim ol samting em i mekim i no kamap stret. ¹⁴ Gutpela taim i kamap, yupela i mas amamas, tasol taim nogut i kamap long yupela ,yupela i mas tingim, God i larim ol dispela samting long kamap. Long dispela as i nogat wanpela man bai i save long wanem samting bai kamap bihain long em. ¹⁵ Mi bin lukim planti samting i no gutpela i bin kamap long taim bilong mi ,ol stretpela man i dai long gutpela pasin bilong ol, na ol man bilong mekim pasin nogut i stap longpela taim. ¹⁶ Yu noken ting yu stretpela man, yu mas lukaut gut long ai bilong yu. Bilong wanem yu bagarapim yu yet? ¹⁷ Yu noken mekim planti pasin nogut. Bilong wanem na yu dai hariap? ¹⁸ Em i gutpela long yu holim dispela gutpela tingting, na yu noken lusim stretpela pasin. Ol man i save pret long God bai bihainim gut ol lo bilong em. ¹⁹ Gutpela save i strong tru long man i gat gutpela tingting na i winim 10 pela man i lukautim bikpela taun. ²⁰ I nogat wanpela man em i stretpela man na i no save mekim sin. ²¹ Yu noken harim olgeta tok ol i mekim, long wanem yu bai harim wok man bilong yu bai bagarapim yu ²² . Wankain tasol yu save long yu yet olsem yu bin bagarapim ol narapela pinis. ²³ Olgeta samting mi lukim i kamap long gutpela tingting . Mi tok, bai mi lukautim, tasol em i bikpela tru long mi . ²⁴ Gutpela tingting i stap longwe na i go insait tru. Husait inap painim? ²⁵ Mi tanim bel bilong mi long lainim na painim gutpela tingting na tok klia long samting i tru na save gut olsem dispela pasin i no gutpela . ²⁶ Mi painim planti hevi wankain olsem dai, olsem wanpela bilong ol dispela meri bel bilong en i bagarap na sen i pasim han bilong em. Husait i save bihainim God bai i ranawe long dispela meri, tasol em bai kisim ol man bilong mekim sin. ²⁷ Tisa i tok," tingim wanem samting mi bin painim aut, mi bin putim wanpela samting antap long narapela na traim long painim aut samting i tru. . ²⁸ Em dispela samting mi bin painim tasol mi no bin painim. Mi painim wanpela stretpela man namel long planti man, tasol wanpela meri namel long ol mi no bin painim. ²⁹ Mi bin painim dispela. God i mekim olgeta samting i kamap stret, tasol ol man i mekim samting long laik bilong ol yet."