4 ¹ Wanpela taim mi tingim gen olgeta hevi i kamap aninit long san. Mi lukim ol manmeri i krai i stap na ai wara i pundaun na i nogat man bilong mekim gut long ol! Pawa em i stap long han bilong gavman. ² Olsem na mi wok long tingim, ol manmeri i dai pinis i nogat hevi olsem yumi ol manmeri i stap laip long graun. ³ Tasol, i gutpela moa long ol manmeri i no kamap long graun na husat i no stap long graun ol i laki, long wanem ol i no lukim pasin nogut i kamap long graun. ⁴ Taim mi lukim ol man i save hatwok long kamapim ol kain gutpela samting,ol i kamap gutpela olsem na ol wantok bilong ol i mangalim wok bilong ol. Dispela kain pasin em i olsem tok nating, olsem man iron igo bilong holim pasim win. ⁵ Ol man i stap nating na ino save mekim wok, olsem na ol i mas kaikai bodi bilong ol yet long stap laip. ⁶ Em gutpela long man daunim em yet na mekim wok. Maski yu i gat liklik samting, yumi mas stap bel isi. ⁷ Mi wok long tingting gen long planti pasin ino stret i wok long kamap olgeta de. ⁸ I gat wanpela man istap wanpis, em ino gat pikinini o brata, em isave wok olgeta taim na ino save malolo liklik. Em igat planti samting ,tasol em ting dispela ino inap. Em ino save ting, "Bilong wanem mi hatwok nating na mi nogat taim bilong amamas?" Dispela kain pasin ino stret. ⁹ Taim tupela man i wok wantaim i moa gutpela long wanpela man em yet i wok.Tupela wantaim i wok bai kisim gutpela pe. ¹⁰ Sapos narapela poro i pundaun, narapela i ken litimapim em. Tasol, hevi i save kamap taim wanpela man tasol i stap na i nogat wantok bilong helpim em. ¹¹ Sapos tupela istap wantaim, bai tupela pilim orait, tasol sapos wanpela tasol i stap, bai em i pilim orait olsem wanem? ¹² Sapos ol birua i pait long wanpela man, ol i ken winim em na sapos birua i pait long tupela man ol ino inap na long tripela bai hat liklik. ¹³ Em i gutpela long stap olsem trangu man tasol yangpela man i gat gutpela tingting na ino olsem lapun king ino inap harim gut toktok na bihainim. ¹⁴ Em i gutpela tru sapos yangpela man i kamap king long kantri bilong em taim em i stap long kalabus o maski em i bin kamap olsem trangu man. ¹⁵ Mi lukim olgeta manmeri istap laip na wokabaut long dispela de, long wanem, ol i bin makim yangpela man long kisim ples bilong king. ¹⁶ I nogat arere bilong ol manmeri husat i laik harim tok bilong nupela king, tasol bihain planti bai ino inap givim biknem long em. Tru tumas, dispela kain pasin i samting nating na i olsem man ronim win.