34 ¹ Moses i go antap long bikples bilong Moap long maunten Nebo, antap long Piska, em i beksait bilong Jeriko. God Yawe bin soim em olgeta graun bilong Gilat i go moa long hap bilong Dan, ² na ol Naptali na graun bilong Efraim na Manase na olgeta graun bilong Juda, long bikpela solwara long hap san i go daun, ³ na Negev na bikpela op ples bilong stretpela ples daun bilong Jeriko, biktaun bilong Pam na i go moa long Soa. ⁴ God Yawe i tokim em olsem, "Dispela graun em mi bin tok promis wantaim Abraham, long Aisak na long Jekop na tok, 'Mi bai givim ol tumbuna lain bilong yu. Mi larim yu long yu bai lukim long ai bilong yu, tasol yu i no inap i go long hap." ⁵ Moses wokman bilong God Yawe, i dai long graun bilong Moap, olsem tok God Yawe i bin promis long en. ⁶ God Yawe i bin planim em long stret pela ples daun bilong Moap long baksait bilong Bet Peo, nau long dispela taim tu nogat man i save long matmat bilong em. ⁷ Moses i bin stap 120- yia na em i bin dai, ai bilong em i no bin kamap lapun na olgeta strong bilong em tu i no bin slek. ⁸ Ol manmeri bilong Israel i krai long Moses long graun i op bilong Moap long 30-pela dei, bihain ol i pinisim krai bilong ol long dai bilong Moses. ⁹ Josua pikinini bilong Nun i pulap wantaim save bilong holi spirit, Moses i bin putim han antap long em. Ol manmeri bilong Israel i bin harim long em wanem God Yawe i tokim Moses long mekim. ¹⁰ Nogat profet i kamap long Israel i wankain olsem Moses, long em tasol God Yawe i soim pes long em. ¹¹ Nogat wanpela profet i olsem em i stap na mekim ol mak na mirakel long salim em i go long mekim long graun bilong ol Isip, long Fero na ol wokman bilong em na wantaim olgeta hap graun bilong em. ¹² Nogat wanpela profet i wankain olsem em na Moses i mekim ol bikpela samting na i pretim ol Israel.