28 ¹ Sapos yupela i putim yau gut long tok bilong Yawe God bilong yupela na i bihainim olgeta tok i stap long lo, em ol tok mi tokim yupela long nao.Yawe God bilong yupela bai helpim yupela long han bilong ol arapela lain manmeri bilong graun. ² Olgeta dispela ol blesing bai kam long yupela na pulap long yupela, sapos yupela i putim yau gut na bihainim olgeta tok bilong Yawe God. ³ Blesing bai i stap wantaim yupela long biktaun na tu blesing bai i stap long olgeta hap bilong graun bilong yupela. ⁴ Amamas bai i kam long bodi bilong yupela, ol kaikai bai i kamap gut long graun bilong yupela, ol kaikai bilong ol wel animel, bulmakau na yangpela sipsip bai i kamap planti. ⁵ Amamas bilong yupela bai i stap olsem basket na hap bilong putim lek. ⁶ Amamas bilong yupela bai i stap wantaim yupela long taim yupela i kam na amamas bai i stap wantaim yupela long taim yupela i go. ⁷ Yawe God bai i rausim ol birua bilong yupela husait lain i laik kirap na pait long daunim yupela. Ol bai i kam long bagarapim yupela long wanpela rot tasol bai ol i ranawe long yupela long 7-pela rot. ⁸ Yawe God bai i tok na ol blesing bai i kam long yupela na long haus bilong putim ol kaikai na tu long olgeta samting yupela i putim han bilong yupela na em bai mekim gut long graun em i givim long yupela. ⁹ Yawe God bai mekim yupela olsem ol manmeri em i makim bilong em yet olsem em i bin promis long yupela. Sapos yupela i bihainim olgeta lo bilong Yawe God bilong yupela, orait em bai i mekim yupela lain manmeri bilong em yet na helpim yupela. ¹⁰ Olgeta manmeri bilong dispela graun bai luksave long yupela olsem long nem bilong Yawe God i singautim yupela na ol bai i pret long yupela. ¹¹ Yawe God bai mekim bodi bilong yupela kamap gutpela na mekim gut long ol bulmakau bilong yupela na mekim gut long graun bilong yupela. Long dispela graun em i bin promis long ol papa bilong yupela long givim. ¹² Yawe God bai i opim stoa haus bilong heven long yupela na givim rain long graun bilong yupela long gutpela taim na mekim gut olgeta wok yupela i mekim long han.Yupela bai i givim dinao long planti kauntri tasol yupela bai i no inap kisim dinao long han bilong ol. ¹³ Yawe God bai mekim yupela i kamap het na i no olsem teil.Yupela bai i stap antap long ol na yupela bai i no inap stap aninit. Sapos yupela i bin putim yau gut long ol tok na lo bilong Yawe God, em mi tok long yupela nao long lukluk na mekim, ¹⁴ na sapos yupela i no givim baksait long olgeta tok mi givim long yupela nao, long han sut o long han kais, olsem yupela i go bihainim ol arapela god long lotuim em. ¹⁵ Tasol sapos yupela i no putim yau gut na harim tok bilong Yawe God, em olsem bihainim olgeta tok na lo mi givim long yupela nao. Olsem bai olgeta dispela bagarap bai i no inap kam long yupela na winim yupela. ¹⁶ Bikpela bagarap bai i stap long biktaun bilong yupela, long ol graun bilong yupela, ¹⁷ long basket na long hap bilong putim lek. ¹⁸ Bikpela bagarap bai i stap wantaim yupela long bodi, long graun bilong yupela na long planti ol bulmakau na yangpela ol sipsip. ¹⁹ Bikpela bagarap bai i stap wantaim yupela long taim yupela i kam na long taim yupela go. ²⁰ Yawe God bai salim bikpela bagarap long yupela, paulim tingting bilong yupela na bagarapim olgeta samting yupela i holim long en, inap long yupela bai i bagarap na lus. Na bai yupela bagarap hariap long wanem yupela i bin mekim pasin nogut na givim baksait long mi. ²¹ Yawe God bai i kapsaitim belhat bilong em antap long yupela na long graun bilong yupela na rausim olgeta samting bilong yupela. ²² Yawe God bai larim ol sik nogut i kamap long yupela, em ol skin pen na skin solap. Ren bai i no pundaun na graun bai hot na drai olgeta, wantaim strongpela win. Dispela ol samting bai i mekim yupela inap long yupela i lus na bagarap. ²³ Skai i save stap antap long het bilong yupela bai i kamap strong tru na graun bai drai na kamap strong olsem ain. ²⁴ Yawe God bai i mekim ren i no pundaun long graun bilong yupela na graun bai kamap olsem pauda na das, em bai i kam daun long heven, inap yupela i lus na bagarap. ²⁵ Yawe God bai i larim ol birua bilong yupela kam na bagarapim yupela. Yupela bai i go aut long wanpela rot long pait wantaim ol tasol ol bai ranawe long yupela long 7-pela rot. Yupela bai i raun nating long olgeta hap bilong kingdom bilong dispela graun. ²⁶ Taim yupela i dai bodi bilong yupela bai i kamap kaikai bilong pisin na ol wel animel bilong graun, long dispela taim bai i nogat wanpela man bai i stap long rausim ol. ²⁷ Yawe God bai larim ol buk sua bilong Isip, bikpela sua, skin solap na kaskas i bai kamap long yupela na bai yupela i no inap kisim helpim. ²⁸ Yawe God bai i larim yupela i stap olsem aipas na tingting bilong yupela bai paul olgeta. ²⁹ Yupela bai stap olsem ol aipas, long dei taim bai yupela stap insait long tudak na bai yupela i no stap gut.Yupela bai oltaim pilim nogut na i no gat wanpela man bai i stap long helpim yupela. ³⁰ Yupela bai maritim meri tasol dispela meri bai narapela man rausim long han bilong yupela na kisim. Yupela bai i mekim haus tasol yupela i no inap stap, yupela bai planim ol wain tasol bai yupela i no kisim kaikai bilong en. ³¹ Bulmakau bilong yupela bai i pundaun na dai long ai bilong yupela, tasol bai yupela i no inap long kaikai mit. Donki bilong yupela tu bai i rausim i go na bai i no inap givim bek long yupela. Sipsip bilong yupela bai i givim long ol birua na yupela bai i no gat wanpela i stap long helpim yupela. ³² Pikinini man na meri bilong yupela bai ol i kisim na givim long ol arapela lain. Yupela bai putim ai long painim ol long olgeta dei, tasol bai yupela i no inap painim ol. Long dispela taim bai i no gat strong i stap long han bilong yupela. ³³ Namba wan kaikai bilong gaden bilong yupela, olgeta hatwok yupela i mekim, em ol manmeri yupela i no save long em bai i kam na kisim kaikai bilong yupela. Oltaim yupela bai stap tarangu na nogut, ³⁴ yupela i no inap long lukim wanpela gutpela samting i kamap. ³⁵ Yawe God bai i larim ol buk sua i kamap long olgeta hap bilong lek bilong yupela na dispela bai i no inap pinis long yupela. Em bai i stap long lek i go antap long het bilong yupela. ³⁶ Yawe God bai rausim yupela wantaim king bilong yupela na putim yupela insait long graun bilong ol arapela lain manmeri, em yupela i no save na ol tumbuna bilong yupela tu. Long dispela ples bai yupela lotuim ol giaman god bilong diwai na ston. ³⁷ Yupela em as bilong pret, guria, tingting planti na mekim planti tok long olgeta manmeri. Long dispela as tasol Yawe God bai i rausim yupela i go long olgeta hap. ³⁸ Yupela bai i kisim planti ol sit i go insait long graun long planim tasol bai yupela gungim liklik tasol, long wanem grasopa bai i pinisim. ³⁹ Yupela bai i hatwok na stretim graun long planim planti ol gaden wain, tasol yupela bai i no inap long dring wain, long wanem ol binatang bai i kaikai na pinisim. ⁴⁰ Yupela bai i gat oliv diwai i stap insait long hap graun bilong yupela, tasol bai yupela i no inap long kisim na mekim wel long rabim long skin bilong yupela, olgeta diwai oliv bai i no karim planti kaikai. ⁴¹ Yupela bai i gat pikinini man na meri, tasol bai i no inap stap olsem pikinini bilong yupela, bai ol i go insait long wok bilong karabus. ⁴² Olgeta ol diwai na kaikai bilong graun bilong yupela, grasopa bai i pinisim. ⁴³ Ol manmeri bilong arapela lain husait i stap wantaim yupela bai i kamap bikpela na namba bilong ol bai i abrusim yupela i go antap moa na moa na namba bilong yupela bai i go daun moa olgeta. ⁴⁴ Ol bai i larim graun long yupela, tasol yupela bai i no inap larim graun bilong yupela long ol, bai ol i kamap het na bai yupela i kam olsem teil. ⁴⁵ Olgeta dispela hevi bai i kam long yupela na mekim nogut long yupela na winim yupela inap long yupela i bagarap olgeta. Dispela bai i kamap long wanem, yupela i no bin putim yau gut long tok bilong Yawe God, na bihainim olgeta tok na ol arapela samting em i bin tokim yupela. ⁴⁶ Belhat bilong God bai i stap long yupela olsem mak na mirakel na tu long ol lain tumbuna oltaim. ⁴⁷ Long wanem yupela i no bin lotuim Yawe God wantaim amamas long bel, taim yupela i stap gut wantaim ol samting, ⁴⁸ olsem na bai yupela helpim ol birua Yawe God bai i salim i kam long pait wantaim yupela. Yupela bai wok wantaim angere, nek drai long wara, nogat ol klos samting bilong karamap na bai yupela i stap rabis olgeta. Ol birua bai i kam na pasim baklain long nek bilong yupela inap long yupela bagarap. ⁴⁹ Yawe God bai i bringim ol manmeri bilong longwe ples lain na bai ol i kam pait wantaim yupela, em ol manmeri i stap long arere bilong graun. Olsem taragao i flai i go long painim kaikai bilong em. Yupela i no inap long save long tokples bilong ol, ⁵⁰ em ol manmeri i gat narakain ol pes bilong ol. Na bai ol i no inap long harim tok na stap aninit long ol bikpela lain na long ol yangpela. ⁵¹ Ol bai kilim na kaikai yangpela ol bulmakau, namba wan kaikai long gaden bilong yupela inap long yupela i stap rabis na bagarap. Ol bai i no lusim ol wit samting, nupela wain, wel na nogat wanpela yangpela bulmakau o sipsip, inap long ol bai i mekim yupela bagarap na lus. ⁵² Ol bai i stat long rausim yupela long dua bilong biktaun, inap ol bikpela na strongpela banis bai i bruk na kam daun long olgeta hap bilong graun, em banis yupela i bin kisim strong. Ol bai rausim yupela olgeta insait long dua bilong biktaun na long olgeta graun Yawe God i bin givim long yupela. ⁵³ Yupela bai i kaikai ol pikinini bilong yupela yet, bodi bilong pikinini man na bodi bilong pikinini meri, em dispela ol pikinini Yawe God i bin givim long yupela.Taim ol birua i rausim yupela na yupela i pilim pain, em ol birua bilong yupela bai i putim dispela hevi antap long yupela. ⁵⁴ Wanpela man husait i save mekim gutpela pasin na stap aninit namel long yupela, bihain em bai i kamap birua long brata bilong em na long gutpela meri bilong em na long wanem ol pikinini em i larim. ⁵⁵ Em bai i no inap long lusim wanpela hap bodi bilong pikinini bilong em, long taim em i kaikai. Long wanem bai nogat wanpela samting i stap nating bilong em. Insait long taim ol birua i rausim ol, insait long bikpela hevi ol birua i putim na insait long olgeta hap bilong dua bilong biktaun. ⁵⁶ Wanpela gutpela meri i save mekim stretpela pasin oltaim long yupela bai i no inap long sindaun gut long graun na mekim gutpela daun pasin gen. Dispela ol meri bai i birua long gutpela man bilong ol, long ol pikinini man na pikinini meri bilong ol, ⁵⁷ na ol nupela pikinini ol meri i karim na ol pikinini ol meri karim. Ol meri bai i kaikai dispela pikinini ol i karim long hait ples long wanem ol i sot long olgeta samting. Insait long taim bilong hevi ol birua bilong yupela bai i rausim yupela long dua bilong biktaun. ⁵⁸ Sapos yupela i no bihainm olgeta tok ol i raitim long buk bilong lo, olsem long yupela i givim biknem, litimapim strongpela na gutpela nem bilong Yawe God, ⁵⁹ na bihain Yawe God bai i kapsaitim belhat bilong em long yupela na long ol tumbuna lain. Ol bai i bungim bikpela hevi bai i stap longpela taim na bikpela ol sik bai i stap lonpela taim. ⁶⁰ Em bai i bringim olgeta sik bilong Isip gen long yupela, em yupela i bin pret long en bai i kamap long yupela. ⁶¹ Na tu olgeta arapela ol sik na belhat i no bin raitim long buk bilong lo. Husait ol manmeri Yawe God i kisim yupela bai i bungim bikpela hevi na bagarap. ⁶² Yupela bai i nogat planti lain manmeri, pastaim yupela i bin i gat planti namba i stap olsem sta long heven, long wanem yupela i no bin putim yau gut long tok bilong Yawe God bilong yupela. ⁶³ Olsem Yawe God i bin amamasim yupela na mekim gut long yupela na mekim yupela i kamap planti. Olsem na em bai amamasim yupela na mekim nogut long yupela na bagarapim yupela. Yupela bai i no inap stap long dispela graun em i laik givim long yupela. ⁶⁴ Yawe God bai i rausim yupela long namel bilong olgeta manmeri, stat long arere bilong graun na pinis long arere gen bilong arapela sait bilong graun. Long dispela hap bai yupela i lotuim arapela god em yupela i no save long en, ol tumbuna bilong yupela tu i no save long god bilong diwai na ston. ⁶⁵ Namel long dispela ol manmeri bai yupela i no malolo na long dispela ples i no gat ples bilong malolo, lek i go antap long het. Inap long yupela mekim olsem tasol, Yawe God bai i pasim bel bilong yupela, pasim ai bilong yupela na olgeta hap bilong yupela bai i pilim pen na krai. ⁶⁶ Laip bilong yupela bai i no sindaun gut, bai yupela tingting planti long dei na long nait na yupela i no inap long save long wanem samting i kamap long laip bilong yupela. ⁶⁷ Long moning taim yupela bai i tok olsem, 'Mi laik em i kamap apinun!' na long apinun, 'Mi laik em i kamap moning!' long wanem pret bai i stap long bel na olgeta samting ai bilong yupela bai i lukim. ⁶⁸ Yawe God bai i bringim yupela i go long Isip gen long sip, em rot mi bin tokim yupela. 'Yupela bai i no lukim Isip gen.' Long dispela ples bai yupela i givim yupela yet na salim long birua olsem man na meri bilong wok kalabus, tasol i no gat wanpela bai i kaim yupela."