3 ¹ Harim dispela tok God Yawe i bin tok strong long yupela, ol manmeri bilong Israel, tok strong long olgeta femili mi bin kisim i kam aut long graun bilong Isip. ² ''Mi makim yupela tasol long olgeta lain femili bilong dispela graun. Olsem na mi mas mekim save long yupela long olgeta sin bilong yupela'' ³ Bai tupela i wakabaut wantaim inap tupela i wanbel? ⁴ Bai wanpela laion i singaut bikmaus insait long bik bus taim em i no gat abus bilong kilim? Bai yangpela laion i singaut long ples hait bilong en sapos em i no holim wanpela samting? ⁵ Inap pisin i pundaun insait long trep antap long graun taim i nogat kaikai insait long trep long grisim em? Bai trep i lus i go antap olsen wanem long graun taim em i no holim pas wanpela samting? ⁶ Sapos trampet i krai long biktaun, bai ol manmeri i no guria? Sapos bagarap i kam antap na abrusim biktaun, God Yawe i no bin salim? ⁷ Mi save tru bikpela, God Yawe bai i no mekim wanpela samting inap em i kamapim ples klia plen bilong em long wokman bilong em ol profet. ⁸ Laion i bin singaut bikmaus, husait bai i no pret long en? Bikpela, God Yawe i bin tok, husait bai i no mekim tok propet? ⁹ Tok aut long dispela insait long biktaun long Asdod na biktaun long graun bilong Isip, tokim ol , ''Bungim yupela yet long ol maunten bilong Samaria na lukim wanem bikpela krangi tingting i stap insait long dispela meri na wanem pilim nogat i stap insait long em. ¹⁰ Long wanem ol i no save long mekim wanem em i stret, God Yawe i tok aut olsem, Ol i bungim bikhet pasin na bagarap insait long biktaun bilong ol.'' ¹¹ Olsem na God Yawe i tok moa olsem, ''Wanpela birua bai i raunim dispela graun na rausim ol strongpela ples hait bilong yupela na kisim ol biktaun bilong yupela.'' ¹² Dispela em wanem God Yawe i tok, ''Olsem was man bilong sipsip i helpim na kisim bek aut long maus bilong laion tupela lek tasol, o wanpela hap bilong yau, olsem na bai ol manmeri bilong Israel husait i stap long Samaria bai i kisim helpim, ol bai i stap yet wantaim wanpela kona tasol bilong hap liklik bet'' ¹³ Harim na tok aut strong olsem long haus bilong Jekop, dispela em i tok aut long bikpela God Yawe, em God bilong ol samting. ¹⁴ ''Long wanem long dispela dei mi mekim save long ol sin bilong Israel, Mi bai mekim save moa yet long alta bilong Betel. Ol hon bilong alta bai i lus na pundaun long graun. ¹⁵ Bai mi bagarapim haus win wantaim haus san. Na ol haus bilong liklik ol bung bai i pinis olgeta na ol bikpela haus bai i pinis olgeta, dispela em ol tok bilong God Yawe.''