2 ¹ Dispela em wanem God Yawe i tok, ''Long tri pela sin bilong ol Moab, wantaim 4 pela tu, mi bai i no inap rausim ol hevi, bikos em i kukim ol bun bilong king bilong ol Idom i kamap olsem das. ² Mi bai salim paia i go long ol Moab, paia bai bagarapim ol ples hait bilong keriot. Moab bai dai insait long planti tingting nogut,wantaim singaut na long krai bilong biugel. ³ Mi bai bagarapim ol jas man bilong dispela ples na mi bai kilim olgeta pikinini man bilong king wantaim em," God Yawe i tok. ⁴ Dispela em wanem God Yawe i tok, ''long tripela o 4pela sin bilong ol lain Juda, mi bai i no inap rausim ol hevi, bilong wanem ol i givim baksait long lo bilong God Yawe na i no lukautim lo bilong em. Ol giaman pasin bilong ol i mekim ol i go longwe tru, long dispela as ol papa bilong ol mekim wankain pasin. ⁵ Mi bai salim paia long ol Juda , na bai paia i kukim na bagarapim ol strongpela banis bilong ol Jerusalem.'' ⁶ God Yawe i tok olsem. ''Long tripela o 4pela sin bilong ol Israel, bai mi i no inap rausim ol hevi, bilong wanem ol i salim ol lain i nogat asua long silva na ol rabisman long wanpela hap su tasol. ⁷ Ol daunim ol strong bilong ol lain i nogat strong long tanim tanim antap long das bilong graun, ol pusim ol i go longwe na bagarapim ol tru. Wanpela man na papa bilong em i save slip wantaim wanpela meri tasol na rabisim stretpela nem bilong mi. ⁸ Ol i kam brukim skru klostu long alta na wokabaut antap long klos ol i kisim olsem ol dinau na go klostu long haus bilong God bilong ol na dring wain bilong ol lain husait i kisim kam givim ol olsem bekim bilong dinau. ⁹ Tasol mi bagarapim ol lain Amon long ai bilong ol, longpela bilong ol i wankain olsem longpela bilong diwai sida, ol i strongpela olsem ol diwai ok. Tasol mi bagarapim ol pikinini diwai long antap na as bilong em long graun. ¹⁰ Na tu, mi kisim yu i go aut long graun bilong ol Isip na i go pas long yupela inap long 40-pela yia insait long ples nating na long kisim graun bilong ol lain Amon. ¹¹ Mi makim profet long namel long ol pikinini man bilong yupela na ol Nasir long ol yangpela man bilong yupela. Em i no orait long yupela ol lain Israel? Dispela tok klia i kam long God Yawe. ¹² Tasol yupela tanim bek na tok strong long ol Nasir long dring wain na tok strong long ol profet long noken autim ol tok profet. ¹³ lukim, mi bai kurungutim yupela olsem karis em i pulap long wit em i kurungutim sampela lain. ¹⁴ Ol man bilong ran strong tu bai i no inap long ranawe, na ol man i gat strong bai i no gat strong, na tu strongpela man i no inap long helpim em yet. ¹⁵ Ol man bilong sutim bunara bai i no inap sanap, ol man bilong ran strong long resis bai i no inap ranawe na hait, ol man bilong sindaun antap long hos bai i no inap sindaun long hos na helpim ol yet. ¹⁶ Na ol strongpela man bilong winim pait bai ranawe as nating long dispela dei, dispela tok em i kam long God Yawe long kamapim klia.