4 ¹ Wantaim olgeta em i mekim alta long bras, longpela bilong em i 9 mita na bikpela bilong em i 9 mita na antap bilong em i 4 mita. ² Na em i mekim tu bikpela wara insait long hap ain inap long holim, makim 4 mita bilong wanwan maus bilong tenk. Antap bilong em i 2 mita na bikpela wara em i 13 mita long olgeta hap. ³ Long aninit i raunum arere bilong het bilong tenk, ol i wokim piksa bilong bulmakau man, 10-pela long olgeta mita i stap long tenk taim tenk em yet i stap. ⁴ Bikpela dis i luk olsem tang wara ol i putim bilong 12-pela bulmakau, 3-pela i lukluk i go long not, 3-pela i lukluk i go long san i go daun, 3-pela i luluk i go long saut na 3-pela i lukluk i go long san kamap. Ol i putim tang wara antap long beksait bilong ol na i redi long go insait. ⁵ Dispela tang wara em i bikpela olsem sais bilong han na maus bilong em i wankain olsem maus bilong cup na em i kamap olsem naispela flawa i op. Dispela tang i holim 3000 liter bilong wara. ⁶ Em i mekim ol 10 pela dis bilong wasim ol samting, em i putim 5-pela long ples saut, na 5-pela long hap not. Ol samting bilong mekim ofa ol i save wasim long insait. Na bikpela dis olsem tang wara em ol pris i save usim long waswas. ⁷ Em i mekim 10-pela stik long gol bilong putim ol lam, dispela ol i wokim long tinktink bilong ol man long plan bilong ol, em i putim ol insait long haus bilong bikpela, 5-pela long han sut na 5-pela long han kais. ⁸ Em i mekim 10-pela tebol na putim insait long haus holi, 5-pela long han sut na 5-pela long han kais na tu em i kisim gol na wokim 100 pela dis. ⁹ I go moa yet, em i mekim haus i gat banis bilong ol pris na bikpela rum na dua bilong rum na i putim bras antap long dua. ¹⁰ Em i putim bikpela dis wankain olsem tang wara klostu long kona bilong haus holi long hap saut. ¹¹ Uram mekim ol sospen,wantaim savol na arapela dis bilong rausim wara. Uram pinisim ol wok we em i mekim bilong King Solomon insait long haus bilong bikpela, ¹² tupela bikpela na longpela pos, i gat dis wankain olsem raunpela het em i stap antap long tupela diwai pos na tupela samting bilong bilasim het i stap antap long tupela dis olsem het i stap antap long pos. ¹³ Em i mekim 400 piksa bilong pikinini pomigranet bilong tupela grup bilong bilasim het bilong tupela lain bilong pomigranet long wanwan het i stap antap long tupela dis olsem raunpela het em i stap antap long pos. ¹⁴ Na tu em i mekim tebol na dis bilong karim wara na putim antap long tebol, ¹⁵ wanpela bikpela tang wara na 12- pela bulmakau man i stap aninit, ¹⁶ na tu ol sospen, savol, fok na ol narapela ol samting bilong wok em Uram- Abi i mekim long bras oplsem King Solomon i laikim long stap long haus bilong God Yawe. ¹⁷ King i salim ol i go long ples klia long Joden long graun malomalo namel long Sakot na Saretan. ¹⁸ Olsem na Solomon i mekim ol dispela kontena long bikpela namba, tru tumas, hevi bilong bras bai ol i nonap save. ¹⁹ Solomon i mekim olgeta bilas samting bai i stap insait long haus bilong God wantaim alta ol i mekim lo gol tu, na tabol bilong putim bret ol i save givim long God. ²⁰ ol stik bilong putim ol lam wantaim lam, ol i wokim long laitim insait long rum tambu- dispela ol mekim long gol nogat ribis. ²¹ na ol flawa, lam na ol huk bilong gol, em long gol tasol. ²² Na tu ol man bilong stretim lam, dis, spun na samting bilong kukim long mekim gutpela smel em ol i wokim long gol i no gat pipia long en. Long geit i go insait long haus, long insait dua i go long ples tambu na dua bilong haus em long dispela hap haus bilong bikpela em ol mekim long gol.