28 ¹ Ahas em 20 pela krismas na em i kamap king, em i lukautim ol manmeri insait long 16 pela krismas long Jerusalem. Em i no mekim gutpela pasin long ai bilong God Yawe, olsem Devit tumbuna bilong em i bin mekim. ² Tasol em i bihainim lekmak bilong king bilong ol Israel. Na tu em i wokim ol giaman god wantaim ol hap ain. ³ Antap long dispela, em i kukim gutpela smel long ples daun bilo long Ben Hinom na em i mekim ol pikinini bilong em long i go insait na kam aut long paya, antap long pasin bilong ol manmeri long lotuim kainkain samting bilong dispela graun i mekim na God Yawe i rausim ol aut long ples pastaim long ol lain Israel ⁴ Em i save givim ofa na kukim gutpela smel iong ples antap na long ol liklik maunten na aninit long ol gutpela diwai. ⁵ Olsem na Yawe em God bilong Ahas i givim em i go long king bilong ol Aram. Ol lain Aram i winim em na kisim ol planti manmeri i go kalabus long Damaskas. Ol i kisim Ahas na givim long han bilong king bilong Israel usait i winim pait. ⁶ Long Peka pikinini man bilong Remalia i bin kilim 120,000 ol strongpela soldia insait long Juda long wanpela dei, bilong wanem ol i bin givim baksait long Yawe God bilong ol tumbuna bilong ol. ⁷ Sikri, wanpela strongpela man bilong Efraim i kilim Maseia pikinini man bilong king, Asrikam, hetman i lukautim ples bilong king na Elkana, husait i save stap klostu long king. ⁸ Ol lain ami bilong Israel i kisim ol 200,000 meri bilong ol man, ol pikinini man na ol pikinini meri bilong wan lain bilong ol. Ol i kisim planti ol gutpela samting na karim igo bek long Samaria. ⁹ Tasol wanpela profet bilong God i stap wantaim ol, nem bilong em Odet. Em i go aut long bungim ol ami we i kam long Samaria na i tokim ol olsem,"Yawe, God bilong tumbuna bilong yu i belhat long Juda, olsem na em i givim ol long han bilong yu. Tasol yu i kilim ol wantaim belhat i winim mak na i go antap long heven. ¹⁰ Nau yu i tingting long kisim ol man na meri bilong Juda na Jerusalem olsem ol kago boi nating bilong yu. Tasol yu yet yu no pilim sem long ol pasin nogut bilong yu yet wantaim God bilong yu? ¹¹ Harim mi nau, Salim ol kalabus lain i go bek, dispela ol lain we yupela i karim i kam em bilong ol brata bilong yupela, bilong wanem bikpela belhat bilong God i stap antap long yu." ¹² Nau ol sampela ol lida bilong ol lain Efraim, Asaria pikinini man bilong Jehoanan, Beresia pikinini man bilong Mesilemot, Jeiskia pikinini man bilong Salum na Amasa pikinini man bilong Hatlai i no wanbel wantaim ol lain husait i kam bek long pait ¹³ Ol i tokim ol olsem,"Yupela i no ken karim ol kalabus lain kam long hia, bilong wanem yupela i mekim pasin we bai i mekim mipela i mekim sin wantaim God, bai antapim ol sin na pasin nogut we yumi mekim pinis na bikpela belhat i stap wantaim Israel." ¹⁴ Olsem na ol man we i karim samting bilong pait i lusim ol kalabus lain we ol i karim i kam long ai bilong ol hetman bilong haus man bilong ol. ¹⁵ man usait we makim neim, i go antap na kisim ol kalabus man, werim klots bilong usait i stap skinatin namel long ol wantaim ol gutpela samtin.Werim klots bilong ol na sendol. Gipim ol kaikai na wara long dring. Ol elpim usait i kisim bagarap na putim ol slek wan antap long donkeys.kisim ol i go bek long femili bilong ol long Jeriko, [ol i kolim siti bilong ol palms]. Na ol go bek long Samaria. ¹⁶ Long dispela taim, king ahas i salim tok i go long king asiria long askim ol long elpim em. ¹⁷ Wanpela taim gen ol lain Idom i bin i kam na pait wantaim Juda na kisim ol kalabus man i go. ¹⁸ Ol lain Filistia i tu i bin kisim ol biktaun bilong ples daun na long ples nating bilong Juda. Ol i kisim Bet Semes, Aisalon, Kederot, Soko wantaim ol auslain bilong ol, Timna wantaim ol auslain bilong em na tu Kimso wantaim auslain bilong em. Ol i go na stap long ol dispela ples. ¹⁹ God Yawe i kisim ol Juda i go daun tru long asua bilong Ahas, king bilong ol israel, bilong wanem em i bin mekim ol samting i no gutpela long Juda na em i mekim bikpela sin tru long God Yawe. ²⁰ Tiglat-Pilesa, king bilong ol Asiria kam long strongim em tasol em i mekim em pilim nogut. ²¹ Bilong wanem Ahas i bin rausim olgeta samting long haus bilong God Yawe na long ol haus bilong king na ol lidas, ol i laik givim ol dispela gutpela samting long ol king bilong Asiria. Tasol ol dispela pasin i no helpim em. ²² Dispela King Ahas yet i mekim planti sin wantaim God Yawe long taim nogut. ²³ Em i ofa i go long ol god bilong ol lain Damaskas, ol god husait i bin bagarapim em. Em i tok, ''Ol god bilong king bilong ol Aram i helpim ol, mi bai mekim ofa long ol,na ol bai helpim mi.'' tasol em i bin bagarapim ol wantaim ol lain Israel. ²⁴ Ahas i bungim olgeta ol bilas samting bilong haus bilong God na katim ol i go liklik. Em i pasim dua bilong haus bilong God Yawe na em i mekim hap bilong lotu insait long olgeta kona bilong Jerusalem. ²⁵ Insait long olgeta biktaun bilong ol Juda em mekim ol bikpela ples long kukim ofa i go long ol arapela god. Em i bagarapim God Yawe dispela God bilong ol tumbuna bilong em na em i belhat. ²⁶ Nau ol sampela pasin bilong em na tingting bilong em i go pas na i go bihain, lukim ol i raitim na i stap pinis insait long buk bilong ol king bilong Juda na Israel. ²⁷ Ahas i dai na ol i planim em wantaim ol tumbuna bilong em insait long biktaun, long Jerusalem, tasol ol i no kisim em i go planim long matmat bilong ol king bilong Israel. Esekia, pikinini man bilong em, i kamap king kisim ples bilong em.