26 ¹ Taim Usaia i winim 16 yia, orait ol manmeri bilong Juda i mekim em long kamap king, long kisim ples bilong papa bilong em Amasaia. ² Em tasol i bin wokim gen Elat na givim i go bek gen long ol lain Juda. Orait long taim em i dai, ol putim em long matmat bilong ol tumbuna bilong em. ³ Usaia i winim 16 yia na em stat lukautim ol manmeri. Em lukautim ol manmeri long 52 yia long Jerusalem. Mama bilong em tu em i bilong Jerusalem na nem bilong em Jekolia. ⁴ Em i mekim olgeta samting i stretpela long ai bilong God Yawe na long olgeta samting em bihainim stret pasin bilong papa bilong em Amasaia. ⁵ Sekaraia i bin givim sampela skul toktok long em i mas askim God na i stap aninit long em. Taim em askim God Yawe, God bai i mekim em i sindaun gut. ⁶ Usaia i go pait wantaim ol Pilistia. Em brukim daun wol bilong biktaun Gat, Jabne na Asdod, em wokim biktaun long kantri bilong Asdod long Filistia. ⁷ God i helpim em long pait na em i winim Filistia, winim ol Arabia i stap long Gubal na winim ol lain Meunim. ⁸ Nius i go daun long Isip olsem Usaia i kamap strong tru na ol lain Amon i stat givim takis i go long Usaia. ⁹ Moa long dispela, Usaia i mekim ol tawa long Jerusalem long kona bilong dua na long dua bilong ples em i stret na long narapela sait bilong wol, em i mekim ol i kamap strong tru. ¹⁰ Em wokim ol wastawa na tu mekim hul bilong wara long ples nating, bilong wanem em i gat planti ol bulmakau long ples i go daun na long ples i stret. Em i gat ol wokman long mekim gaden na long planim wain long maunten na long hap graun em i gutpela long planim kaikai, em man bilong laikim tru wok bilong planim kaikai. ¹¹ Masea em i stap olsem ofisa na Jeiel em i stap olsem man bilong raitim repot, tupela i wok aninit long Anania husait em i komanda bilong king, tupela i save skelim ami bilong Usaia long grup long i go pait. ¹² Olgeta namba bilong ol lida bilong ol famili husait i bin kisim ol strongpela man i go insait long pait em 2,600. ¹³ Ol lukautim 307,500 ami long pait strong na helpim king long winim ol birua. ¹⁴ Usaia i redim olgeta samtin bilong ol ami bilong em olsem hap palang, ol spia, ol hat long werim long het, klos bilong werim na pait, ol bunara na ol ston bilong sut long katapel. ¹⁵ Long Jerusalem em i wokim ol masin ol save man bilong em bin plenim long ol man i ken i stap antap long tawa na sut long spia na tu tromoi bikpela ston i go daun long ol birua. Ol lain long longwe ples tu i harim nius bilong em, long wanem ol man bilong em yet i helpim em long kamap strong moa. ¹⁶ Tasol taim Usaia i kamap strong moa, em i liptimapim nem bilong em yet na em i wokim samting i no stret, em i mekim sin long God Yawe God bilong em, long wanem em i go insait long haus bilong God Yawe long kukim smel paura long alta bilong mekim gutpela smuk smel. ¹⁷ Pris Asaraia wantaim ol arapela 80 pris bilong God Yawe husait ol i strongpela man i bihainim em i go insait. ¹⁸ Ol i stopim king Usaia na ol i tokim em olsem, "Usaia, em i no wok bilong yu long kukim smel paura i go long God Yawe, tasol em wok bilong ol pris, ol pikinini bilong Aron, ol tasol bai i mekim dispela wok long kukim smel paura. Go autsait long holi ples, long wanem yu sakim tok, olsem na God Yawe bai i no inap amamas long yu." ¹⁹ Usaia i belhat. Taim em holim sospen bilong kukim smel paura. Long haus bilong God Yawe long ai bilong ol pris sik lepa i kisim em long het i kam daun long pes bilong em klostu long alta bilong kukim smel paura. ²⁰ Long ai bilong bikpela pris Asaraia wantaim ol arapela pris, sik lepa kamap long het bilong em i kam daun long pes bilong em. Ol hariap long rausim em long hap, bilong wanem God Yawe i givim dispela hevi. ²¹ King Usaia bin kisim sik lepa na em yet i bin i stap long narapela haus i go inap em i dai, God Yawe i rausim em. Pikinini man bilong em Jotan i kamap king na lukautim ol manmeri. ²² Profet Aisaia, pikinini bilong Amos i raitim stori long sampela samting tu Usaia bin mekim, long stat i go inap long pinis. ²³ Taim Usaia i dai pinis, ol putim em long matmat bilong ol king tumbuna bilong em, ol i tok, "Em i lepa." Pikinini man bilong em Jotan, bai kisim ples bilong em na kamap king.