25
1
Amasia i gat 25 -pela krismas long taim em i kamap king long Jerusalem na i stap i nap long 29-pela yia. Nem bilong mama bilong em i Jehoadan bilong Jerusalem.
2
King Amasia i mekim stretpela pasin long ai bilong God Yawe tasol em i no mekim wantaim olgeta bel bilong em.
3
Taim kantri bilong em i kamap strong em i kilim dispela ol wokman husait i bin kilim papa bilong em king.
4
Tasol em i no kilim ol pikinini bilong ol man i bin kilim papa bilong em. Long wanem em i bihainim lo,Moses i raitim long buk olsem God Yawe i bin tok, "Ol papa bai ino nap idai long asua bilong ol pikinini na ol pikinini bai i no nap i dai long asua bilong papa bilong ol. Man i mas idai long asua bilong em yet.
5
Amasia i bungim olgeta lain Juda na raitim nem bilong ol bihainim tumbuna lain bilong ol. Em i makim ol lida long lain bilong Juda na Bejamin bilong bosim 1,000 soldia na bilong bosim 100 soldia. Em i makim ol man i save long holim spia na hap plang na pait husait igat 20-pela krismas na moa long 20 pela krismas. Namba bilong olgeta em 300,000.
6
Em i baim 100, 000 soldia bilong Israel long 100 silva hevi bilong em inap olsem 3000 kilogram.
7
Tasol wanpela profet bilong God i kam na i tokim king olsem yu noken larim ol ami bilong Israel i go wantaim yu long wanem God Yawe i no i stap wantaim Israel na ol Efraim.
8
Tasol sapos yu ting ol i gat strong long i go na pait orait yupela i ken i go.Tasol God bai i mekim ol birua i daunim yupela. God tasol i gat strong bilong helpim na strong bilong daunim.
9
Amasia i askim profet bilong God olsem. ''Olsem wanem long 100 silva mi i bin givim long ol ami bilong Israel?" na profet bilong God i bekim tok olsem, "God Yawe yet bai givim yu planti moa." ..
10
Amasia i salim ol ami i bin kam long em i go bek long Efraim. Ol i belhat nogut tru long ol Juda na ol i go bek long ples bilong ol.
11
Amasia i pilim strong na em i kisim ol ami bilong em i go long ples daun i gat planti Sol na em i winim 10,000 ami bilong Sia.
12
Ol ami bilong Juda i kalabusim narapela 10,000 ami na kisim ol i go antap long ples maunten na ol i tromoi ol i go daun long ples nogut na bun bilong ol i bruk olgeta.
13
Tasol ol narapela ami, Amasia i bin salim ol i go bek long haus i bagarapim biktaun bilong Juda long Samaria i go inap long Bet Horon. Ol i kilim 3,000 manmeri na ol i kisim planti samting bilong ol .
14
Long taim Amasia i kilim ol Edom pinis na i go bek, em i kisim ol giaman god bilong ol Sia i go bek na lotu long ol na kukim paura long givim smel long ol olsem ofa.
15
Olsem na God Yawe i belhat long Amasia na i salim profet i go na tokim em olsem, ''Bilong wanem na yu lotu long giaman god i no inap long helpim ol lain bilong em yet?''
16
Long taim profet i kam na tokim king, em i bekim tok olsem. "Husait i makim yu long kamap man bilong givim tingting long king?" Pasim maus, nogut mipela i kilim yu." Olsem na profet i pasim maus na i tokim king olsem," Mi save olsem God i laik bagarapim yu. Long wanem yu sakim tok na yu no harim ol tok mi bin mekim long yu.
17
Orait king Amasia i kisim tingting long ol ofisa bilong em na i salim ol man bilong givim toksave i go long Jehoas pikinini bilong Jehoahas pikinini bilong Jehu, king bilong Israel na i tok olsem, "Kam na yumi pait.''
18
Tasol Jehoas king bilong Israel i salim ol man bilong givim toksave i go bek long king Amasia bilong Juda na i tok olsem, "Wanpela gras nogut i stap long Lebanon i salim tok i go long wanpela sida long Lebanon na i tok, 'Givim pikinini meri bilong yu na pikinini man bilong mi bai maritim em,'' tasol wanpela wel abus long Lebanon i wokabaut i kam na i kurungutim dispela gras nogut.
19
Yu tok olsem ,'Lukim, mi bagarapim Idom na bel bilong yu i amamas na yu litimapim yu yet. Yu ken amamas na stap long haus, nogut yu kamapim hevi na bai yu na Juda i pundaun.''
20
Tasol, Amasia i no laik harim tok, olsem na God i laik putim ol Juda long han bilong ol birua, long wanem ol i lotu long ol giaman god bilong Edom.
21
Olsem na King Jehoas bilong Israel na king Amasia bilong Juda i kam pait long Bet Semes bilong ol Juda.
22
Israel i winim ol Juda na olgeta man i ranawe i go long ples bilong ol.
23
Jehoas king bilong Israel i kalabusim Amasia pikinini bilong Joas em pikinini man bilong Ahasia king bilong Juda long Bet Semes. Em i kisim Amasia i go long Jerusalem na i brukim banis bilong Jerusalem long dua bilong Efraim i go inap long kona dua. Mak bilong en inap olsem 200 mita.
24
Em i kisim olgeta gol, silva na ol narapela samting i stap long haus bilong God em Obed Edom i save lukautim na ol gutpela samting long haus bilong king wantaim ol lain kalabus na ol i go bek long Samaria.
25
Amasia pikinini man bilong Joas king bilong Juda i stap 15-pela yia moa bihain long dai bilong Jehoas pikinini man bilong Joahas king bilong Israel.
26
Ol narapela stori Amasia i bin mekim long taim em i bin stap i go inap long taim em i dai em ol i raitim long buk bilong ol king bilong Juda na Israel.
27
Long taim Amasia i givim baksait long God Yawe, ol i pasim tok long kilim em long Jerusalem. Em i ranawe i go long Lakis tasol ol i salim ol man i go kilim em.
28
Ol i karim em long hos i kam bek na planim em wantaim ol tumbuna bilong em long biktaun bilong Juda.