22
1
Ol manmeri bilong Jerusalem ol i makim Ahasia laspela pikinini man bilong Jehoram i kamap king long kisim ples bilong em, long wanem sampela ol man i bin kam wantaim ol Arab na kilim olgeta pikinini man. olsem na Ahasia pikinini man bilong Jehoram, king bilong Juda, i kamap king.
2
Ahasia i gat 22 krismas taim em i kamap king, em i stap king wan-pela krismas long Jerusalem. Nem bilong mama bilong em, Atalia, em i pikinini meri bilong Omri.
3
Em i wokim wankain pasin olsem ol lain bilong Ahab long wanem mama bilong em i save givim tingting long mekim ol pasin nogut.
4
Ahasia i mekim pasin nogut long ai bilong God Yawe, olsem ol i mekim ol lain bilong Ahabi bin mekim, ol i stap lain bilong givim tingting long Ahasia bihain long papa bilong em i dai na bikpela bagarap i kamap.
5
Olsem na em i bihainim ol man bilong givim tingting, em i go wantaim Joram pikinini man bilong Ahab, king bilong ol Israel,long pait wantaim Hasael, king bilong Aram,long Ramot Gilead na ol Aram i givim bagarap long Joram.
6
Joram i go bek na kamap orait long Jesril long ol bagarap ol i givim em long Rama, taim em i pait wantaim Hasael, King bilong ol Aram. Ahasia pikinini man bilong Jehoram, king bilong Juda, i go daun long Jesril long lukim Joram pikinini bilong Ahab, long wanem Jehoram i bin kisim bagarap.
7
Nau God i kamapim bagarap bilong Ahasia taim em i go lukim Joram. Taim em i go kamap, em i go wantaim Joram long pait wantaim Jehu pikinini man bilong Nimsi, husait God Yawe i bin makim long bagarapim ol lain bilong Ahab.
8
Orait em i kamap, taim Jehu inapim belhat bilong God long lain bilong Ahab, em i painim ol lida bilong Juda na ol pikinini man bilong ol brata bilong Ahasia i wok wantaim Ahasia. Jehu i kilim olgeta.
9
Jehu i painim Ahasia, ol i painim em i hait i stap long Samaria, ol i kisim em i go long Jehu na kilim em. Bihain ol i planim em na ol i tok, "em i pikinini man bilong Jehosapet, husait i save bihainim laik bilong God Yawe wantaim olgeta bel bilong em. "olsem na ol lain bilong Ahasia i nogat strong gen long bosim na lukautim dispela kingdom.
10
Dispela taim Atalia, mama bilong Ahasia, i lukim olsem pikinini man bilong em i dai, orait em i kirap na kilim olgeta pikinini bilong ol king insait long ol lain bilong Juda.
11
Tasol Jehoseba wanpela pikinini meri bilong king,em i hait tasol na kisim Joash pikinini man bilong Ahasia i go stap longwe long ol pikinini man bilong king ol i bin kilim. Em i putim em i go insait long rum bilong en wantaim wanpela meri bilong lukautim em, Jehoseba, pikinini meri bilong king Jehoram na meri bilong pris [long wanem em i susa bilong Ahasia], i haitim em long Atalia olsem long Atalia i no ken kilim em.
12
Em i stap wantaim ol na hait insait long haus bilong God inap long 6-pela krismas, taim Atalia i stap kwin na lukautim ol lain Juda.