21 ¹ Jehosafat i dai na ol i planim em wantaim ol lain tumbuna bilong em long biktaun bilong Devit. Orait Jehoram, pikinini man bilong em i kisim ples bilong em na kamap king. ² Jehoram i gat ol brata bilong em na em ol pikinini man bilong Jehosafat. Nem bilong ol, Asaria, Jehiel, Sekaraia, Asariau, Maikol na Sefatia. Ol dispela em ol pikinini man bilong Jehosafat, em king bilong Israel. ³ Papa bilong ol i bin givim planti presen olsem silva, gol na ol arapela gutpla samting na tu ol strongpela biktaun bilong Juda, tasol em i givim kingdom i go long Jehoram. ⁴ Nau taim Jehoram i lukautim olgeta kindom bilong papa bilong em, orait em i strongim em yet olsem king na em i kilim i dai olgeta brata bilong em long bainat wantaim sampela ol lida man bilong Israel. ⁵ Jehoram i bin 32 krismas taim em i kamap king na em i bosim Jerusalem long 8-pela krismas. ⁶ Em i bihainim ol pasin bilong ol king bilong Israel olsem ol famili bilong Ahab i bin wokim, long wanem em i maritim pikinini meri bilong Ahab na em i mekim pasin nogut long ai bilong God Yawe. ⁷ Tasol God Yawe i no laik long bagarapim ol tumbuna bilong Devit, long wanem em i mekim promis wantaim Devit, olsem ol lain tumbuna famili bilong em bai bosim Israel olgeta. ⁸ Taim Jehoram i stap king, ol lain Idom i pait bek bai ol i no stap aninit long Juda na ol i makim king bilong ol yet. ⁹ Orait Jehoram i go kamap long narapela sait wantaim ol nambawan ofisa bilong ami na ol karis bilong pait. Em i kirapim pait wantaim ol lain Idom long nait tasol ol i banisim em wantaim ol karis komanda bilong em. ¹⁰ Olsem na ol Idom i no wanbel long lukautim bilong Juda i kam inap nau. Ol lain Libna tu i les long kain pasin bilong ol tu, bilong wanem Jehoram i lusim pinis God, dispela God bilong tumbuna bilong em. ¹¹ Antap long dispela, Jehoram i bin wokim ol ples antap long ol maunten bilong Juda na mekim ol manmeri bilong Jerusalem long stap olsem ol pamuk lain na em i kisim ol lain Juda i go bagarap. ¹² Wanpela pas bilong Jeoram i kam long profet Ilaija. Pas i tok,"Dispela em wanem we Yawe, God bilong Devit, tumbuna bilong yu, i tok,'Yu i no bihainim tingting na lekmak bilong Jehosafat, papa bilong yu na tu yu no bihainim Asa, king bilong Juda, ¹³ tasol yu bin bihainim tingting na lekmak bilong ol king bilong Israel na mekim Juda na ol manmeri bilong Jerusalem long kamap olsem ol pamuk lain, olsem ol lain bilong Ehap i bin wokim na tu yu bin kilim ol brata bilong yu long femili bilong papa bilong yu, ol man husait i more gutpela long yu yet, ¹⁴ lukim, God bai bagarapim ol manmeri bilong yu, ol pikinini bilong yu, ol meri bilong yu na olgeta ol kago samting bilong yu. ¹⁵ Yu yet bai kisim bikpela sik nogut long wanem yu gat sik pinis insait long bel rop bilong yu na dispela sik nogut i stap insait long yu olgeta dei bai mekim na ol bel rop bilong yu bai pundaun kam aut." ¹⁶ God yet i kirapim bel nogut insait long Jehoram, na givim dispela tingting bilong ol lain Filistia na ol lain Arap husait i stap klostu long ol lain Kus. ¹⁷ Ol i bagarapim Juda, i go insait na kisim olgeta gutpela kago we ol i lukim long haus bilong king. Ol i kisim tu ol pikinini man na ol meri bilong em i go. Ol i no lusim wanpela pikinini man tasol Jeoas, laspela liklik pikinini boy tasol. ¹⁸ Bihain long ol dispela, God i givim sik long em insait long bel rop bilong em wantaim sik we i no gat marasin bilong em. ¹⁹ Bihain long tupela krismas, taim bilong em i kamap, nau dispela sik nogut i mekim bel rop bilong em i kam aut na pundaun na em i dai long dispela sik nogut. Ol manmeri bilong em i tingim em na i no mekim paia wankain olsem ol i save wokim long ol tumbuna bilong em. ²⁰ Em i bin kamap king taim em i 32 krismas, em i lukautim na stap long Jerusalem inap long 8-pela krismas na taim em i dai i no gat wanpela manmeri i sore long em. Ol i planim em long biktaun bilong Devit, tasol i no insait long ples matmat bilong ol king.