19 ¹ Jeosapat king bilong ol lain Juda na em i no bungim wanpela birua, em i go gut long haus bilong em long Jerusalem. ² Jeu pikinini man bilong Anani, em wanpela profet bilong God, em i wokabaut i go lo bungim King Jeosapat na em tokim em olsem, long wanem yu helpim ol manmeri bilong mekim pasin nogut? Na bilong wanem yu save laikim ol manmeri husait i givim beksait long God Yawe? Long dispela pasin, belat bilong God bai kam antap long yu. ³ Tasol i gat sampela gutpela samting i stap insait long yu, long dispela as yu bin rausim giaman god Asera long dispela graun na yu bin stretim bel blo yu long bihainim God. ⁴ Jeosapat save stap long Jerusalem, tasol em i go bek long ol manmeri bilong ples Besiba na i go long mounten ples bilong Ephraim na em i kisim ol manmeri i kam bek na lotu long God Yawe, God bilong papa bilong ol. ⁵ Em makim ol man bilong harim kot na em putim ol long olgeta strongpela biktaun bilong Juda. ⁶ Em tokim ol man bilong harim kot long tingting gut long wanem samting yupela bai i mekim, long wanem yupela i no inap mekim long man, yupela i mekim bilong God Yawe, em bai stap wantaim yupela long taim bilong harim kot. ⁷ Nau larim pret blong God Yawe i stap wantaim yupela. Yupela mas tingting gut na mekim stretpela pasin bilong harim kot. Olsem tasol God Yawe, em i save laikim stretpela pasin. ⁸ Long Jerusalem Jeosapat i makim sampela Livai na ol pris na sampela hetman bilong bosim haus bilong harim kot long Israel na wok olsem Jas na harim kot bilong ol lain husait i sakim tok bilong God Yawe. Olgeta mas i stap insait long Jerusalem long wanem ol i ken stretim hevi bilong ol. ⁹ Em i tokim ol olsem yupela mas mekim wok bilong God Yawe wantaim pret na wantaim olgeta bel bilong yupela. ¹⁰ Taim i gat sampela tok bek i kam long yu long ol brata bilong yu husait i stap insait long bik taun, long pasin bilong kilim man na long pasin bilong bihain lo. Yu mas tok strong long ol olsem ol i noken mekim wanpela asua long ai bilong Yawe, o bai belhat bilong God bai i kam long yu na ol brata bilong yu. Yu mas tokim long bihainim dispela lo na yu bai nogat asua. ¹¹ Amaria husait i hetman bilong ol pris bai i lukautim yu long olgeta hevi laik bungim yu taim yu mekim gut wok bilong God Yawe. Jebadia pikinini blong Ismael, hetman bilong haus long Juda, em i bosim olgeta samting bilong king na tu ol Livai bai kamap ofisa bilong yu. Stap strong na bihainim olgeta tok yu mekim na God Yawe bai mekim gut long ol manmeri husait i harim tok bilong yu na i bihainim.