14
1
Wanpela de bihain, pikinini man bilong Sol, nem bilong em Jonatan, i tokim yangpela wokman bilong en i save karim ol spia bilong em olsem,'' Kam na yumi i go long Filistia long hapsait bilong kem.'' Tasol em i no bin tok save long papa bilong en.
2
Sol i stap yet long bikrot bilong Gibea aninit long wanpela diwai ol i kolim pomegranet, em long hap bilong Migron. I olsem 600 man i stap wantaim em,
3
Aisa pikinini bilong Aitub em i brata bilong Ikabod em i pikinini bilong Finias, em i pikinini bilong Eli, em i pris bilong God Yawe long Silo, husait i putim wanpela klos bilong pris . Ol manmeri i no bin save olsem Jonatan i go pinis.
4
Long saitsait bilong rot we Jonatan i laik i go long kem bilong ol Filistia, i gat bikpela ston maunten i stap long wanpela sait na narapela long hapsait. Wanpela bilong ol dispela ston maunten ol i kolim Boses na narapela ol i kolim Sene.
5
Wanpela ston maunten i sanap long not bilong Mikmas na arapela i sanap long saut bilong Geba.
6
Jonatan i tokim yangpela boi husait i save karim spia bilong em olsem,'' Kam na yumi go long kem bilong ol dispela lain ,husait ol i no save katim skin.Tasol God Yawe bai i kisim ples bilong mipela na i wok long wanem, nogat wanpela samting inap pasim em long kisim bek planti o liklik lain manmeri.''
7
Na wokman bilong em, husait i save karim spia bilong em i bekim tok olsem,'' Yu ken mekim olgeta samting i stap long bel bilong yu. Go het, lukim, mi stap wantaim yu long bihainim olgeta tok bilong yu.''
8
Orait Jonatan i tok,'' Bai yumi go hapsait long ol dispela man na bai yumi soim yumi yet long ol .
9
Sapos ol i tok olsem long yumi,'' Yupela wet long hap bai mipela kam long yupela,'' orait bai mipela stap long hia na mipela i no inap go long ol.
10
Tasol sapos ol i bekim tok olsem,'' yupela i ken kam long mipela, long wanem God Yawe i givim ol pinis long yumi. Dispela bai i olsem gutpela mak long yumi.''
11
Olsem na tupela wantaim i tok aut long ol yet long kem bilong ol Filistia. Na ol Filistia i tok olsem,'' Lukim, ol Hibru i kam autsait long ol ples hait bilong ol we ol i bin hait i stap.''
12
Na ol man bilong kem i singaut na i tokim Jonatan wantaim wokman bilong em olsem, ''Kam long hia na bai mipela i soim yu wanpela samting.'' Na Jonatan i tokim wokman bilong em,'' Bihainim mi, long wanem God Yawe i givim ol nau long han bilong ol Israel.''
13
Na Jonatan i wokabaut i go antap long han na lek bilong em wantaim wokman bilong em i bihainim em tu. Jonatan wantaim wokman bilong en i stat long kilim ol lain Filistia.
14
Dispela em i namba wan pait we Jonatan wantaim wokman bilong em i kilim ol inap olsem 20 man insait long dispela liklik ples.
15
Olgeta lain i stap insait long kem na long ples bilong pait i pret, na tu ol lain i pait, i stap i kisim bikpela pret taim graun i guria.
16
Na man bilong luk stil, em i lain bilong Sol i stap long Gibia long lain benjamin, i lukim planti bilong ol ami bilong Filistia i go i kam long dispela hap.
17
Na Sol i tokim ol lain bilong em,'' Kaunim olgeta man na sekim husait bilong yupela i no i stap nau.'' Na taim ol i kaunim ol pinis, ol i painim aut olsem, Jonatan wantaim wokman bilong en i no i stap wantaim ol.
18
Na Sol i tokim Ahisa,'' Kisim dispela kontrak bokis bilong God i kam,'' Nau long dispela taim em i stap wantaim ol Israel.
19
Taim Sol i toktok wantaim pris yet, nois bilong singaut long kem bilong ol Filistia i wok long kamap bikpela. Orait Sol i tokim pris olsem,'' Maski, yu noken pasim mipela.
20
Sol wantaim olgeta lain i stap wantaim em, ol i singaut na i ron i go long pait . Olgeta Filistia, bainat i kisim ol na ol i long long nambaut.
21
Nau ol Hibru husait ol i bin i stap wantaim ol Filistia na i go insait long kem , nau ol i tanim bek helpim ol Israel na bihainim Sol wantaim Jonatan.
22
Taim olgeta lain bilong Israel husait ol i go hait long ol maunten klostu long Ifrem i harim olsem, ol lain Filistia i ranawe, ol i bihainim ol na ronim ol.
23
Olsem na God Yawe i kisim bek ol lain Israel long dispela de na pait i go abrusim Bet Aven.
24
Long dispela de yet, ol lain bilong Israel i tingting planti long wanem, Sol i putim wanpela lo olsem,'' Olgeta man bai i no inap kaikai wanpela samting i go i nap long apinun. Sapos wanpela man i sakim dispela tok, God bai i givim hevi long em long wanem, mi mas bekim rong bilong ol birua bilong mi.
25
Na olgeta manmeri i go insait long bus na i lukim planti hani i stap antap long graun.
26
Taim ol i go insait long bus, ol i lukim ol hani i stap long olgeta hap, tasol ol i no kisim na kaikai long wanem, ol i pret long tok lukaut Sol i givim ol pinis.
27
Tasol Jonatan i no bin harim dispela tok papa bilong em i givim ol. Olsem na em i litimapim stik bilong em na i putim i go insait long haus bilong hani na i putim long maus bilong em na ai bilong en i op na em i pilim gutpela tru.
28
Na wanpela bilong ol man i tokim em olsem,'' Papa bilong yu i bin tok strong olsem, God bai i bagarapim yupela sapos yupela i kaikai long dispela de, maski yupela i hangere na i nogat strong.''
29
Na Jonatan i bekim tok bilong en olsem,'' Papa bilong mi i bin mekim hevi long dispela graun. Lukim,ai bilong mi em i op long wanem , mi traim hap bilong dispela hani.
30
Wanem samting gutpela bai i kamap long ol man sapos ol i kaikaik nau na taim ol i painim oi birua bilong ol na kilim ol? Bilong wanem, mipela i no bin kilim planti bilong ol Filistia.''
31
Long dispela de, ol i pait wantaim ol pilistain stat long Mikmas na i go i nap long Aisalon. Ol Israel i hangere nogut tru.
32
Ol i go wantaim hangere na ol i kisim ol sipsip wantaim bulmakau na kilim ol long graun na ol i kaikai wantaim blut.
33
Na ol i tokim Sol,'' Lukim, ol manmeri i mekim sin pinis long God Yawe long wanem, ol i kaikai wantaim blut.'' Na Sol i tokim ol olsem,'' Yupela i no bihainim pasin bilong bilip tru. Nau pusim dispela bikpela ston i kam long mi.''
34
Na Sol i tok, '' Go long ol man meri na tokim ol long bringim ol bulmakau na sipsip i kam kilim long hia na kaikai. Noken mekim sin long God Yawe long kaikai wantaim blut . Olsem na olgeta lain wanwan i bringim ol bulmakau i kam long dispela nait na ol i kilim ol .
35
Sol i wokim alta bilong God Yawe, em i nambawan alta bilong God Yawe.
36
Na Sol i tok,'' Yumi bai go long nait na kilim ol Filistia i nap long moning na yumi noken larim wanpela bilong ol i stap laip.'' Na ol i bekim olsem,'' Yu ken mekim wanem samting i gutpela long yu.'' Tasol pris i kirap na i tok,'' Yumi i mas i go long God pastaim.''
37
Na Sol i askim God,'' Inap mi bagarapim ol Filistia? Na bai yu givim ol i kam long han bilong ol Israel?'' Tasol long dispela de, God i no bekim dispela askim bilong em.
38
Na Sol i tokim ol olsem,'' Yupela olgeta lida bilong ol, yupela i kam na lainim na lukim as bilong sin i kamap olsem wanem tete.
39
Long wanem, God Yawe i stap na i kisim bek ol Israel, maski em i stap wantaim pikinini bilong mi Jonatan, em bai i dai yet.'' Tasol i nogat wanpela man namel long ol i bekim tok bilong em.
40
Na em i tokim olgeta Israel olsem,'' Nau yupela i mas sanap wantaim long wanpela sait na pikinini bilong mi Jonatan wantaim mi bai sanap long arapela sait.'' Na ol Israel i bekim tok bilong Sol olsem,'' Yu ken mekim olsem sapos em i gutpela long yu.''
41
Sol i tok,Yawe God bilong ol Israel. Sapos dispela sin i bin kamap long mi o pikinini bilong mi, orait Yawe God bilong Israel yu givim namba wan ston. Sapos dispela sin ol manmeri bilong Israel i mekim, givim namba tu ston long ol. Orait Jonatan wantaim Sol i kisim planti, tasol olgeta ami ol i nogat asua long dispela.
42
Na Sol i tokim em,'' Skelim planti samting namel long mi wantaim pikinini bilong mi Jonatan.'' Orait Jonatan i kisim planti samting.
43
Na Sol i tokim Jonatan,'' Tokim mi wanem samting tru yu bin mekim.'' Na Jonatan i tokim Sol olsem,'' Mi bin kaikai liklik hani long dispela stik mi holim, olsem na nau bai mi dai.''
44
Sol i tok,'' Jonatan, God bai i mekim olsem long yu na mekim save long mi tu, sapos yu i no dai.
45
Na ol manmeri i tokim Sol olsem,'' Bai Jonatan i dai, na husait i bin kisim bek mipela ol Israel na winim bikpela pait? Olsem God i stap, nogat wanpela gras long het bilong em bai i pundaun long graun long wanem, em i bin wok wantaim God nau.'' Olsem na ol Israel i kisim Jonatan i go na em i no i dai.
46
Na Sol i no moa bagarapim ol Filistia na ol i go bek long ples bilong ol.
47
Taim Sol i bosim ol Israel, em i pait wantaim olgeta birua bilong em long olgeta hap.Em i pait wantaim ol Moab na ol Ammon na ol Idom na king bilong Joba na ol Filistia. Na taim em i kam bek, em i save givim bikpela hat wok tru long ol.
48
Sol i pait wantaim bikpela strong na em i daunim ol Amalek. Em i kisim bek ol Israel long han bilong ol lain husait i save bagarapim ol.
49
Ol lain pikinini bilong Sol em Jonatan, Isvi na Malkisua. Na nem bilong tupela pikinini meri bilong em, Merab em i nambawan pikinini meri na Mikal em i yangpela pikinini meri.
50
Nem bilong meri bilong Sol em Ainoam, em i pikinini meri bilong Aimas. Na nem bilong kepten bilong ami bilong en , em Abna pikinini bilong Ner em ankol bilong Sol.
51
Kis em papa bilong Sol, na Ner em i papa bilong Abna husait em i pikinini bilong Abiel.
52
Long taim bilong Sol, ol i pait strong tru wantaim ol Filistia. Na taim Sol i lukim wanpela strongpela man o birua bilong em, em i save go strait long em na kilim em.