7
1
Solomon i bin wokim haus King bilong en insait long 13 krismas.
2
Em i bin wokim haus bilong em na nem bilong en i olsem haus bilong bikbus bilong Lebanon." Longpela bilong en inap 44 mita na bikpela bilong en inap 22 mita na antap bilong en inap 13 na hap mita. Na ol i putim 4pela lain plang olsem ol pilo long ol pos.
3
Dispela haus ol i karamapim long sida diwai na ol i sindaunim long tripela lain plang olsem baten na ol i wokim ruf bilong haus. I bin i gat 45 bim i stap igat 15 istap long wanwan lain .
4
I bin i gat ol bim long tripela lain,na wanwan windo i poromanim narapela narapela long tripela hap yet.
5
Olgeta dua na ol pos i gat 4 pela kona stret wantaim ol bim, na windo i stap poroman long windo i stap long narapela sait.
6
I bin i gat varenda longpela bilong en inap 22 mita na bikpela bilong en em inap 13 mita na hap, i gat ol pos na ruf long ples bilong go insait.
7
Solomon i wokim wanpela bikpela rum long putim sia king we em i ken sindaun na skelim kot bilong ol manmeri, ples bilong stretpela pasin. Na em i wokim flo long narapela igo long narapela wataim diwai sida.
8
Haus we Solomon yet bai i stap long en, long narapela hap insait long graun bilong haus King i gat klostu wankain ples olsem. Em i wokim tu haus bilong pikinini meri bilong Fero husat em i kisim olsem meri bilong em.
9
Ol i bin wokim haus long ol ston i dia tumas. ol i bin katim gut ol ston long so na sapim gut long olgeta hap. Na dispela i kamap olsem namba wan ston bilong strongim haus igo inap long antap, na i go daun long bikpela ples ausait.
10
Ol kona ston bilong haus ol i bin wokim wantaim ol bikpela ston, Longpela bilong em, sampela em 3 na hap mita na 4 na hap mita longpela bilong en .
11
Antap em ol ston i dia tumas ol i katim long wankain sais, na ol sida bim tu.
12
Long bikpela ples i banisim haus king ol i lainim ol ston ol i katim pinis long tripela hap na i slipim ol sida diwai olsem ol i wokim long bikples bilong tempel bilong God Yawe na ples bilong go insait.
13
King Solomon i salim ol man long Taia long kisim Huram i kam.
14
Mama bilong Huram em i bilong ol lain Naptali, Man bilong em i dai pinis na papa bilong em i man long ples Taia, em man i save wok wantaim brons. Huram i pulap long gutpela save na tingting na mekim bikpela wok wantaim brons. Em i kam long King Solomon long wok long brons long King.
15
Huram i bilasim tupela pos long brons. Longpela hap bilong en igo antap em 8 mita na 5 mita na 30 sentimita i raunim.
16
Em i wokim het bilong tupela pos long brons ol i polisim pinis.Longpela bilong tupela inap olsem 2 mita 20 sentimita.
17
Em i wokim ol sen long bras long hangamapim long ol het bilong ol pos, 7 pela long wanwan het.
18
Olsem na Huram i wokim tupela lain bilong pomigrenet raun long tupela het long bilasim tupela.
19
Ol het i stap long ol pos i stap long dua bilong go insait ol i bin bilasim olsem ol lili flawa, igo antap bilong en em i 1 mita 80 sentimita.
20
Long het bilong tupela pos klostu long pinis bilong en, ol i bin wokim tupela lain long diwai pomigrenet i raunim tupela pos.
21
Em i sanapim dispela tupela pos klostu long dua . Wanpela i stap long han sut ol i kolim Jakin, na narapela long han kais ol i kolim Boas.
22
Bilas ol i bin mekim antap long het bilong tupela pos i olsem ol lili flawa.Ol i bin bilasim tupela pos long dispela kain rot.
23
Huram i wokim bikpela tenk wara long bras. antap bilong en, em 2 mita 20 sentimita na bikpela bilong en inap 4 mita 40 sentimita na sait bilong en em 13 mita na hap sentimita i raunim.
24
Arere long het bilong tang em i wokim tupela lain piksa bilong kukamba i raunim em na namel long olgeta hap mita mak i gat tenpela piksa i stap. tasol em i no wokim dispela piksa. Nogat. Taim em i wokim tang em i wokim pinis long en.
25
Tenk i sindaun antap long baksait bilong ol 12pela bulmakau man, tripela i lukluk i go long hap not, tripela i lukluk i go long hap san i go daun, na tripela i lukluk long saut, na tripela i lukluk long hap san kamap. "Tenk" i sindaun baksait long ol na olgeta baksait i stap insait.
26
Mak bilong tang long ausit i go insait em i bikpela olsem han bilong man, na antap arere bilong en i olsem maus bilong kap, na i olsem lili flawa. Tenk i holim 4000 lita wara.
27
Huram i wokim 10 pela lek long brons. Olgeta lek i gat wankain mak 1 mita 80 sentimita bikpela bilong en, na antap bilong en em 1 mita 8 entimita.
28
Wok bilong ol lek em i bin olsem. I gat hap bras ol i putim namel long bokis,
29
na long hap bras na bokis bilong en em i gat piksa bilong ol laion, bulmakau, na ensel. antap na aninit long ol laion na bulmakau em i bilas mak hama i wokim.
30
Olgeta lek bilong tenk i gat 4 pela wil na sap, na ol 4-pela kona i gat sapot aninit long dis. Ol sapot i gat bilas long sait long olgeta wanwan.
31
Dispela bras i raunpela olsem ring, na ol 4 pela pos i holim em. Na bikpela bilong en em 1 na hap mita. Long bikpela bilong en em i wokim ol piksa na hap brons ol i holim em i holim 4 pela kona, i no raunpela.
32
Ol wil i stap aninit long stretpela hap na spes na sap i holim ol wil na i stap insait long karamap bilong en long lek .Na antap bilong wil bilong en em 1 mita na hap.
33
Ol wil i go pas na haus na rim na hub i olsem wil bilong karis. Ol haus bilong em,ol rim, ol spoks na hup i olsem wil bilong karis na ol i wokim long ain ol i lusim long en..
34
I gat 4 pela hendel long 4pela kona bilong leg, na putim i go insait long leg yet.
35
Antap long het bilong lek i gat hul 1 mita i go insait long em na antap long leg ol i putim tu samting bilong strongim.
36
Long het bilong pos arere tru long strongim, Huram i wokim piksa bilong ensel, laion, na pam diwai em long pinisim bilas antap, na raunim wantaim ol flawa.
37
Em i wokim 10 pela lek long wan kain pasin. Long wokim na long sais, na kain samting olgeta i wankain tasol.
38
Huram i wokim 10 pela dis long brons. Wanwan dis inap holim 800 lita wara. Bikpela bilong wanwan dis em i 1 mita 80 sentimita na i gat dis long olgeta 10 pela lek.
39
Em i wokim 5 pela lek long saut i lukluk i go long tempel na 5 pela long sait not i lukluk i long tempel. Em i sanapim tenk long kona long hap san kamap, na em i lukluk i go long saut bilong tempel.
40
Huram i wokim bikpela dis na savol na liklik dis long kisim wara na tromoi nambaut. Nau em i pinisim olgeta wok em i mekim long King Solomon long haus bilong God Yawe;
41
Dispela tupela pos, na tupela het olsem dis istap antap long tupela pos, na tupela lain piksa long karamapim tupela dis olsem het i stap antap long ol pos.
42
Em i wokim 400 pomigrenet long tupela het na pos em i wokim (tupela raun long karamapim bilasim tupela het olsem dis i stap long tupela pos)
43
10 pela lek,na 10 pela dis i stap antap long dispela lek.
44
Em i wokim traipela dis na i kolim em olsem,"Solwara" Na i sindaunim em antap long baksait bilong 12 pela bulmakau i stap aninit;
45
na tu pot, na savol, dis, na ol narapela samting. Huram i wokim long brons ol i polisim pinis, long King Solomon, long tempel bilong God Yawe.
46
King i bin putim long stretpela hap bilong Jodan namel long ples sukot na Sarefat.
47
Solomon i no skelim ol samting long haus long wanem em i planti tumas long skelim, Long wanem i no inap long skelim hevi bilong ol brons yet.
48
Solomon i wokim olgeta samting long tempel bilong God Yawe wantaim gol; Em i wokim alta long gol na tebol long putim bret;
49
ol lek blong lam, ol i wokim 5 pela long han sut na 5 pela long han kais, long rum insait, em ol gol tasol, na ol flawa, ol lam, na lek bilong sanap em long gol tasol.
50
Solomon i bin wokim tu ol kap, pes bilong putim ol lam, na ol dis, ol spun, na ples long kamapim smuk em bai i givim smel, olgeta wantaim em i bin mekim long gol tasol; Em i wokim ol hins bilong dua long rum insait ( we em i ples tambu tru), na long dua bilong bikpela ples long tempel.
51
Long dispela rot tasol Solomon i tokim ol wok man bilong em na ol i wokim olgeta samting em i bin ting long wokim long haus bilong God Yawe na i pinisim. Solomon i bringim ol samting papa bilong en Devit i bin putim long sait na silva na gol na ol samting long haus na putim wantaim long haus bilong God Yawe.