23 ¹ Taim Devit i kamap lapun na klostu long em i dai, em i mekim Solomon pikinini man bilong em i kamap king bilong Israel. ² Em i bungim olgeta lida bilong Israel, wantaim ol pris na Livai. ³ Ol i kaunim ol man bilong Livai i gat 30 yia na numba bilong ol i kamap olsem 38,000. ⁴ Na 24,000 man i gat wok long haus bilong God Yawe na 6000 ol i stap olsem ofisa na man bilong harim kot. ⁵ 4000 em ol wasman bilong dua na 4000 ol man plai gita na litimapim nem bilong God Yawe long musik samting mi bin mekim. "Devit i tok. ⁶ Em i brukim ol i go long grup wankain long ol pikinini man bilong Livai, Geson, Koat na Merari. ⁷ Long ol famili lain i kam long Geson, em ol Ladan na Simi. ⁸ I gat tripela pikinini man Ladan, Jehiel em lida, Setam na Joel. ⁹ I gat tripela pikinini man bilong Simei, em Selomot, Hasiel na Haran. Em ol lida man bilong wan wan lain bilong Ladan. ¹⁰ I gat 4-pela pikinini man bilong Saime, em Jahat, Sisa, Jesuh na Beria. ¹¹ Jahat em i namba wan pikinini na Sisa em i namba tu pikinini, tasol Jeush na Beria i no gat planti pikinini man, olsem na ol i laik bung na kamapim wanpela lain na mekim wankain wok. ¹² Kohat i gat 4-pela pikinini man, Amram, Ishar, Hebon, na Ussiel. ¹³ Dispela em ol pikinini man bilong Amram, Aron na Moses. Ol i makim Aron long mekim wok insait long rum holi na tumbuna lain mekim ofa i gat gutpela smel i go long God Yawe, long mekim lotu long em na givim blesing insait long nem bilong em oltaim. ¹⁴ Tasol long Moses wokman bilong God, ol pikinini man bilong em i kamap Livai. ¹⁵ Ol pikinini man bilong Moses em Gersom na Elieser. ¹⁶ Na ol tumbuna lain bilong Gersom em Shubael husait em i namba wan pikinini man . ¹⁷ Ol tumbuna lain bilong Elieser em ol Rehabia. Elieser i nogat ol narapela pikinini man, tasol Rehabia i gat planti tumbuna lain. ¹⁸ Pikinini man bilong Ishar em Shelomit em i wampela lida. ¹⁹ Ol tumbuna lain bilong Heborn em Jeria namba wan pikinini man, Amaria em namba tu, Jahasiel em i namba tri na Jekaeam em i namba 4 pikinini. ²⁰ Na ol pikinini man bilong Ussia em Mika em namba wan pikinini na Isisah em namba tu. ²¹ Ol pikinini man bilong Merari em Mahli na Mushi. Ol pikinini man bilong Mahli em Elisa na Kis. ²² Elias em i no gat pikinini man na em i dai. Em i gat ol pikinini meri. Na ol pikinini man bilong Kis i maritim ol. ²³ Tripela pikinini man bilong Musi em Mali, Eda na Jeriomot. ²⁴ Dispela em ol tumbuna lain bilong Livai long wan wan famili lain bilong ol. Ol lida i kaunim na kisim nem, bilong ol famili lain husait i mekim wok insait long haus bilong God Yawe, inap 20 yia na i go antap. ²⁵ Na Devit i tok, "God Yawe, God bilong ol Israel,i givim malolo long ol manmeri. Na Jerusalem bai i kamap haus bilong em oltaim. ²⁶ Ol Livai bai i no inap moa long karim haus sel na olgeta samting ol i save mekim wok pris insait long haus sel ." ²⁷ Long laspela toktok bilong Devit, em tokim ol long kaunim ol livai, long 20 yia na go antap. ²⁸ Wok bilong ol em bilong helpim ol lain tumbuna bilong Aron long lukautim haus bilong God Yawe. ol i mas klinim insait bilong haus, ol rum na mekim kamap klin olgeta samting ol i save usim long mekim lotu i go long God Yawe, na ol narapela wok insait long hause bilong God. ²⁹ Ol i lukautim gut bret bilong heven na ol gutpela plaua bilong mekim ofa, bret i no gat yis na ol i kukim ofa na tanim wantaim wel na ol i save long bikpela na longpela bilong ol samting . ³⁰ Olgeta moring ol i sanap na tok tenkyu na litimapim nem bilong God Yawe. Ol i mekim olsem long abinun ³¹ na long taim bilong kukim ofa i go long God Yawe, long dei sabat na long niupela mun na long bikpela dei. Ol i pasim tok na makim sampela lain long stap insait long haus bilong God Yawe. ³² Ol i save lukautim haus sel bilong God, long rum tambu na helpim ol tumbuna lain bilong Aron insait long haus bilong God Yawe.