21 ¹ Birua pasin i laik kamap long ol lain Israel, Olsem na Devit i kauntim ol manmeri bilong Israel. ² Devit i toktok long Joap wantaim ol man i go pas long ol soldia. " Yu mas i go na kaunim olgeta manmeri bilong Israel inap long ples Beseba i go inap long ples Den na karim ripot i kam bek na bai mi save long namba bilong ol." ³ Joap i tok," larim God Yahweh makim soldia bilong em i kamap planti. Tasol bosman bilong mi king, Yu no save olsem olgeta manmeri i stap aninit long yu?Bilong wanem as tru na bosman i laikim dispela? Bilong wanem na em i laik kisim asua i kam long ol manmeri bilong Israel?" ⁴ Tasol king i tok strong moa olsem Joap i mas behainim tok bilong em. Olsem na Joap i lusim na i go long olgeta hap bilong Israel .Na em i kam bek long Jerusalem. ⁵ Orait Joap i go ripot long Devit olsem, ol Israel i gat 1,100,000 man bilong pait na ol Juda i gat 470,000 soldia. ⁶ Tasol Joap i no kauntim ol lain bilong Livai na Benjamin, long wanem king em i givim narapela wok. ⁷ God i no amamas long wok ol i bin wokim olsem na em i bagarapim ol lain Israel. ⁸ Devit i beten long God, "Mi bin kamapin bikpela asua taim mi mekim dispela pasin. Nau lusim rong bilong wok man bilong yu, mi wok olsem longlong man tru. ⁹ God Yahweh i toktok long Gad,profet bilong Devit. ¹⁰ " Yu go na tokim Devit, 'Dispela em God Yawe i tok olsem:Bai mi soim yu tripela rot long yu. Yu bai makim wanpela bilong ol.'" ¹¹ Orait Gad i go lukim Devit na i toktok long em " God Yawe i tok olsem, 'makim onepela bilong ol dispela tripela samting: ¹² Yu laik tripela yia bilong hangre, tripela mun long ol birua bilong yu i pait long yu na kilim yupela olgeta, o ensel bilong God Yawe i kam na bagarapim olgeta lain bilong Israel long tripela de.' Nau yu tokim mi long tingting bilong yu wanem yu laik na mi laik karim i go long man usait i salim mi." ¹³ Orait Devit i toktok long Gad, " Mi stap long bikpela pein tru! Larim mi pundaun long han bilong God Yawe, long wanem sapos mi go long han bilong arepela lain, long wanem gutpela pasin bilong em i bikpela tumas." ¹⁴ Olesm na God Yawe i salim bikpela sik i kam long Israel, Na namba bilong ol manmeri i dai long dispela sik i olsem 70,000 manmeri. ¹⁵ God i salim wanpela ensel bilong bagarapim Jerusalem. Taim ensel i redi long bagarapim ol, God Yawe i lukluk na i senisim tingting bilong bagarapim ol. Na em i tok ensel bilong bagarapim ol, "Em inap. Nau yu stop long bagarapim ol." long dispela taim ensel biong God Yawe em i sanap long hap we ol i save rausim wit na lip long en, em graun bilong Ornan wanpela bilong lain Jebus. ¹⁶ Devit i lukluk go antap na i lukim ensel bilong God Yawe sanap klostu long graun na skai, em i holim wanpela bainat i makim Jerusalem.Orait Devit na ol hetman bilong em ol i werim klos bilong sori na putim pes i go daun long graun. ¹⁷ Devit i beten i go long God, " Em mi tasol i tok long kauntim ol manmeri? Mi mekim pasin nogut. Tasol ol dispela manmeri ol i nogat wanpela asua long yu? God Yawe! Yu bagarapim mi na ol famili bilong mi, tasol noken larim sik i stap yet long ol dispela manmeri." ¹⁸ Orait ensel bilong God Yawe i tokim Gat lo go na toktok long Devit, long em i mas i go na wokim alta bilong God Yawe long ples bilong Ornan bilong Jebus long hap em i save kisim kaikai bilong wit. ¹⁹ Orait Devit i go olsem Gat i tokim em long en, long nem bilong God Yawe. ²⁰ Taim Ornan i wok long gaden wit i stap, na taim em i tanim em i lukim ensel. Em yet na ol 4-pela pikinini man bilong em ol i go hait. ²¹ Taim Devit i kam long Ornan, Ornan i lukluk i go na i lukim Devit. Em i lusim ples bilong wok long wit na i brukim skru long Devit na em i putim pes i go daun long graun. ²² Orait Devit i toktok long Ornan, " Salim dispela wit gaden long me, bai me ken mekim ples bilong lotu long God Yawe. Bai me baim long pe stret yu makim long en, Olsem bai sick nogut i lusim olgeta manmeri." ²³ Orait Ornan i tok long Devit olsem, "Me no laik olsem bai you baim dispela graun, yu kisim tasol. Yu ken kisim wanem samting yu lukim i gutpela bilong mekim ofa, Bai mi givim bulmakau long yu long makim ofa,ol hap plang bilong patim wit i ken helpim long mekim paia na sampela wit bilong kukim ofa; bai me givim olgeta long yu." ²⁴ Tasol King Devit i tokim Ornan, " Nogat, Bai me baim long pe bilong en stret. Mi no inap mekim ofa long God Yawe long samting bilong yu. Sapos mi no baim long pe bilong en stret." ²⁵ Orait na Devit i baim dispela hap graun long 6 kilogram gol. ²⁶ Na Devit i wokim alta bilong God Yawe na ofa bilong paia i kukim olgeta na ofa bilong wanbel wantaim God. Na Devit i beten long God Yawe, God i harim beten bilong em long heven na i salim paia i kam long kukim ofa antap long dispela alta. ²⁷ Na God Yawe i tokim ensel ,na em i putim bainat long ples bilong en. ²⁸ Taim Devit i lukim olsem God Yawe i harim beten bilong em long ples bilong Ornan, olsem na Devit mekim ofa long dispela hap. ²⁹ Long dispela taim, Haus sel bilong God Yawe, Moses i bin wokim long ples natin na alta bilong mekim ofa, em istap long ples ol i kolim Gibeon. ³⁰ Na long dispela taim, Devit i no inap i go long painim tingting bilong God,Long wanem em i pret long bainat bilong ensel bilong God Yawe.