¹ Yesusiva mwi mwaatarani varura kyero, Sodaani nraamwanri hini tokyaa Sudiaani vura. Nraakye qora, qoramavanto mwia enaa vatavare vura. Vuvaro nauqaa huntema Kotira qua mwihua timwaa mwinro. ² Parisi vaisi mpo nramwu nrinte, Yesusiva qua qapiqamwa timwa taarive tita mwia kyaapara hita, tiqata. "Qutave hiho, mwaanra quavanto tiqaro, vaisi mpovanto nai nraata qio qaqira kyaaninra?" ³ Yesusiva mwihua timwa mwinro tiqaro, "Mosesivaa ntiara nata tirave hiho?" ⁴ Mwihua mwia timwa mwita tiqata, "Mosesiva tiqaro, vaisi mpovanto nai nraata qaaqira kyairaro virera, nraata vaati qaqira kyaa tanunra mpo rakyero nraakye mwia mwinro kyairaro nai quarive." ⁵ Yesusiva ntairi timwa mwinro tiqaro, "Mosesiva nti mwutukyavanto yaakueqamwa nteta nraata qaqira kyeraqa vahu varora tiro mwi quara raakyero vatorave." ⁶ Mwitama vaiharovata, toharero ekyaana inraikya nyaamwunivata mwaatanivata qovarama vu hentara Kotiva qoravata nraakyevata ututorave. ⁷ Mwi okyaarara qoravanto nai nrohua qohua qaqirakyero iro nai nraatavata variho. ⁸ Mwitamwa vahirara tita mwitanahua kuaa mwamwanta varire, haa mwitanahua ntairiara ntairiara tana varire. Haave. Mwitanahua kuaa mwamwanta tanamwa varira. ⁹ Mpo inraikyaa Kotiva vara tomwaqamwa taaninra, haa qio vaisi mpovanto vara ntuvurakyero puhama vataninra." ¹⁰ Nraamwuqi variavata, mwia nraaqinra mwihua enaa mwi quara mwianra mwia kyaaparahita. ¹¹ Mwihua mwaatama timwamwinro, "Qora mpovanto nai nraata qaqira kyaarero, mwi vaisiva qora okyarama utiho. Nai nraata taurara mwia qaqira kyero enaa mpo vararero, mwi nraakyeravata qora okyara tana utuavo." ¹² Nraakye mpovanto nai vaati qaqira kyero enaa vaati qaarakya vararera, mwivavata qora mwikyantiri oraa okyarama utiro." ¹³ Mwihua ntairi nraaqinra pata viteqata Yesusiva mwihua tutero mwihua qaara kyauqu vararive tita nruvata, Yesusira nraaqinra mwihua mwiaqatai timwa vatevuva hita raaqutora. ¹⁴ Yesusiva nai nraaqinra nramwu mwitaa hu okyarara taqovaro mwia raraqatovaro, mwihua timwa mwinro tiqaro. Kyaivata nraaqinra pata mwihua ni haini nriate, haa mwihua huvai quate. Mpo naaqamave iho, Kotiva ntaqikyi mwatukyava mwiva vahirero, nraaqinra pata votimakye varia nraakye qora huani vaiho. ¹⁵ Qutaa tananra nti timwa mwuqo, nraakye qora haa nraaqinra patavanto variantema varirera, mwihua haa qio Kotiva ntaqikyi mwatukyaraqi vivarave. ¹⁶ Mwiva nraaqinra pata mwihua vita kyero, qavuhu tutero mwihua kyuqema mwateqaro, kyauqu mwihua qiataqaa vatero mwihua qaara kyauqu varora. ¹⁷ Nai nraaqinra nramwuvata vuvaro, vaisi mpovanto hiantero Yesusira nraaqani tori taari ntapusaa kyero mwia kyapara hiro, "Qua mwaanra timwa mwivariara vaisiva kyuqe hiarao, nte naa okyara utuaninra qatainave vaaqara nranru qati varia mwanraqurara varaaninra iho?" ¹⁸ Yesusiva mwia qua hiniqa hiro tiqaro, "Natama qire nianra qua mwanra timwa mwi variara vaisiva kyuqe hiarao qiaro. Haa vaisi mpo kyuqe hi vavata mwaa mwataraqa variho, Kotiva kua vanto, mwiva nraahu kyuqe hivave. ¹⁹ "E vaa qua mwaanra ntapihianarave; haa mpora rukyera, haa mpora nraata vaativata qora okyara utira varera hira, haa mpova hiani inraikyara mpuara varera, haa aapi mpo qua mpo qua tira varera unra qua qiante. Ena nrohua qohua qua reira vatante." ²⁰ Vaisi mwiva Yesusira timwa mwinro tiqaro , "Qua mwaanra timwa mwi variara vaisio, nte ekyaa mwi qua mwaanra hua nraaqinra pata varia varaqata utina varauvama iho." ²¹ Yesusiva vaisi mwia taqero mwianra mpovata mwutukya vatero mwia timwa mwinro tiqaro, "E kua inraikyaqara nraahu qeqoqa hiaro. E qiro ekyaa ena vatara inraikya hua munimanra vaisi mwinrama munima mwia vara kyera vehi nraakye qora mwiante. Mwita hiraroma ini nyaamwuni vaqara inraikya vahirara mwiama nrinra ni vatavarera nriante." ²² Mwi quara riovaro vaisi mwia mwutukya vanto haa kyuqema vahuvaro, mwia vura vikyokya vanto nronra qamakyero mwuanranto varo nai vura. Mpo naa qamave mwiva vaqara inraikya vatato vaisiva. ²³ Yesusiva nai nraaqinra mwihua timwa mwinro tiqaro, "Riate, vaqara inraikya vatate vaisihua nyaamwuni Kotiva varinani virera hivaro mwihuara qauha tutuma vahianinrave. ²⁴ Mwia nraaqinra mwihua mwi quara rieta nriharama vita. Nriharama vuvaro, Yesusiva mwihua ena timwa mwinro tiqaro, "Ni nraaqinra tuavo, Kotiva ntaqikyi mwatukyara qiara quava qauhatutuma vahirave." ²⁵ Kaameri quara vanto qihakyama kyero qio vuqa iriraqi virarovata munima vaqara vatari vaisirara Kotiva ntaqikyi mwatukyara qiara virera hiraro nronraqama kyero qauhatutuma vahianinra. ²⁶ Yesusira nraaqinra mwihua mwi quara rieta nrihanrama vita ntairi nai timwa mwi nai timwa mwi hita tiqata, " Mwitama vahirera tavave mwanra qunra vaqara nranru vaqara nranru vahira mwia qio varananro?" ²⁷ Tuvaro Yesusiva tuqasa mwihua taqero mwihua timwa mwinro tiqaro, "Vaisiara mwia auhatutuma vaiharovata Kotirara mwia qihakyama vahiananrove. Mpo naa qamwave iho, haa mpo inraikya mpovanto Kotirara auhatutumavata vahirave." ²⁸ Yesusiva mwi quara timwa taiqa kyovaro, Pitaava Yesusira timwa mwinro tiqaro, "Taqere iho, tire ekyaa teta huna inraikyara qaqira kyeta nrita i vatavareta nrunro." ²⁹ Yesusiva tiqaro, "Nte quta tananra nti timwa mwuqo, nianrave ni quarave riero vaisi mpo vanto nai nraamwuve iho, nai qata vakyave nai nrunra nrakyave iho nai nrohua qohuave nai nraaqinrave iho nai mwatave kyariva. ³⁰ Mwiva mwaa mwataraqa nai vatai inraikyara qaqira kyaihua ena 100 tinani nai ekyaa varananrove. Nramwuve iho, nai nrohua qohuave iho, nai nraaqinrave, nai mwatave, hirata nraakye qora Kotira quara tita nriqa quani mwua nranra varehua, mwi huavata mwakye mwanraqunra vaqara nranru vahira varerave. ³¹ Mwitamwa vahirata nraakye qora tahuave vevara mwoqani varihua nritare taura vuni varivata taura varihua tumwitare vevara mwoqani varivarave." ³² Yesusira nraaqinra mwihua Yerusaremi nianra, vuvaro Yesusiva taura vura. Yesusira nraaqinra mwihua nrihanrama vuvata nraakye qora mwihua vatavare nruhuavata aatumwa vura. Mwita huvaro Yesusiva nai nraaqinra 12 nramwu nrahu nranra mwakyero naa inraikya naiqa nrianinra mwianra mwihua timwa nyunra. ³³ Ntee riaate, tire Yerusaremini quarata, qaiqa nrumwu vaisi nraaqinra ntavaqavu kyeta mwia vita Kotira kyaiqa utuahua qiata vaisivata, Kotira qua mwaanra timwa mwia huavata, Kotira qua mwaanraqi ntapihiravata hiahua kyauquqa kyaivata mwia quaqa vate, kota timwakyeta, ntuqutira qua timwa huvai qukye mwia mpo mwaatana haini kyaivata mwihua mwia ntuqutu kyaivaro qutu quaninre. ³⁴ Mwihua mwianra funruqa qua tita, mwiaqa kuaanu vihita mwia ntuqutu kyaivaro qutu quaninra. Mwia ntuqutu kyai varovata tara mpo henta nritarairaro ena siquaninra. ³⁵ Semisikya Sonikya, Sepetira nraaqinra tanavanto Yesusira kyapara hita tiqata," Qua mwaanra timwa mwianra vaisio, tire tana tiri mwutukya vahi inraikyara mpo tiri tanani i kyapara hiarante mwakyera utu kyanterave." ³⁶ Mwiva mwitana kyapara hiro tiqaro. "Nti tana mwutukya vahiva nte naa inraikyave nti tanani utuaninra hiho?" ³⁷ Mwitanahua tita, "Tiri tana kyairaqe i peqa omwa ntuvahaira mwiqi ivata variare. Mpo vanto i kyauqu kyanaaqani variraro mpovanto kyaatutani variarive." ³⁸ Tuvaro Yesusiva mwitana timwa mwinro tiqaro, " Ntetana ni kyapara hiara mwianra haa ntapihiraiqa tana qiavo, qiove nte tana kaapu nte nramwanri nraninra kua mwiqi nivata nramwanri nrenra iho? O qiove nte nramwanri vararinte mwakye ntetanavata varera iho?" ³⁹ Mwitana mwianra tiqata, "Tire tana qio varanarave." Yesusiva mwitana timwa mwinro tiqaro, "Mwia qutamwa iho, ntee tanavata qio nte nraani kapura mwiqi nramwanri nreta, nte nramwanri varaninra mwia vareta tanavata nivata Kotira peqa omwa ntuvahairaqi ni kyauqu kyanaqanive iho kyatutani variva mwiva haa ni kyaiqa vairama iho." ⁴⁰ Ni kyauqu kyatutanive iho kyanaqani variva mwiva haa ni kyaiqa vaihana haa nte mwi kyaiqara vaisi mpo mwianinrave. Have. Mwia vaa teramwa kyero tahuare varaate timwatai huama vare varave." ⁴¹ Hini ntisaiveri 10 mwinra mwuhua, Semisikya Sonikya tura rieta raraqa tovata mwitanavata vura mwuarantora. ⁴² Yesusira nai ntisaiveri mwihua kuairama kyero mwihua timwa mwinro tiqaro, nti qiata vaisi mwihuavanto hini nraakye qoraqaa ntaqikyiara taqaarave. Mwihua qiata vaisi mwihua nronraqama kye nraakye qora mwihua qa ntaqikyirave. ⁴³ Ntee haa mwita hia qokyarara mwia utuate. Mpovanto nti tavaara qatairo nronra vaisi varirero, mwiva nti kyaiqa vaisi variarive. ⁴⁴ Vari raro tavave ntiqitairo vuni varirera qiariva mwiva nti kyaiqa vaisi variarive. ⁴⁵ Vaisi nraaqinra tumiva mwiva haa tire mwia kyaiqa kyahaqate tiro tuminre. Qaqao. Mwiva ekyaa nraakye qora kyiahaqa hiante tiro nai mwanraqunra ekyaa timwinra. ⁴⁶ Serikoqi ironte, Yesusiva nai ntisaiverivata Seriko mwia kyeta vuvata vaqaara nraakye qora vanto mwihua vatavare vura. Vaisi mpo vu tahuma vuva, Timiasira mwaaqu mwia nrutu Batimiasiva. Mwiva aanra kyokyani variqaro nraakye qorara munimanra nyaanru titi huva. ⁴⁷ Mwiva riovata, Yesusiva Nasareti nyaavave tuvaro, siviro aakyara ntero tiqaro, "Yesusio ! Ntevitira mwaaquo, e ni qanruanra poqa hiante." ⁴⁸ Haa aakyara ntante tita, nraakye qora mwihua mwia qinronrama mwateta. Mwianra qao tuvarovata aakyara ena ntero tiqaro, "Yesusio Ntevitira mwaaquo, e nianra poqa hiante! " ⁴⁹ Yesusiva mwia aakyara riero, vuravata kyero tiqaro, " Vu tahuma vi vaisira mwia vitavare nriate." Tuvata nraakye qora mwihua mwia timwa mwita tiqata, "Qamwanrama siquante! Mwiva i nranraiho." ⁵⁰ Qamwanrama mwiva siviro nai saketi raaquta qaqini kyero hiantero Yesusira haini vura. ⁵¹ Yesusiva vaisi vu tahuma vura mwia kyapara hiro, "Nte i natahiari tire iho? "Mwiva tiro, "Nronrao, nte ena vu taqarerave." ⁵² Tuvaro, Yesusiva mwia timwa mwinro, " Quante. E qutave iarava mwiva i kyahaqamwa kyaiho." Qamwanrama mwia vu hatua vuvaro viti viri taqero Yesusira vatavarero vura.