¹ Yesusiva ntuqutirerata ntapihipahia vaisi huavata Kotira kyaiqa varamwate varuhua vata qua huvai qura. ² Mwihua tita," Mwi qiraikyava haaqio kyairahi iherara vahianinre, mpo haaqamwaqive nraakye qora tavaaroqa hinranrahiva haa vahianinre." ³ Mwi hentara Yesusiva mpete Saitani tauma rumpuara vanto qutu vaisira. Mwiva Kotira raamuqi huvaro, nraakye mpovanto mwia (Yesusira) haini vahamenra mwuntavi qirakyara varero nrora. Mwiva hatua kyero Yesusira qiataqa qintora. ⁴ Mwitaa huvata mpohu vaisihua mwia qoramwa vareta nriqi humumuse, ntairi tavaaraqa tita, " Naaqamave nraakye mwiva vahamenra mwunta vira mwia qumina taiqa kyaiho? ⁵ Mwiva vahamenra mwiro nroraa moni 300 - kina varakyero vehi qamwa vari nraakye qora mwiatare tita," Mwia kyara nraakye mwia hinronra huraa." ⁶ Mwiaa hinronra huvaro Yesusiva tiqaro," Nkye qaaira kyate, nkye naaqamaqive nraakye mwia hinronra hiavo? Mwiva kyuqe qokyara ni qutiho. ⁷ Ekyaa ihera vehi nraakye qora nkyvata varirave. Mpo henta nkye qio mwihua kyahaqeta mwihua kyuqemwa mwateva vahirata, nkye haa nivata ekyaa ihera varirave. ⁸ Mwi nraakyeva qio qutuani haikyara qutiho. Nte qutuari iherava nriharo nraakye mwiva vahamenra niqaa qitora. ⁹ Nte qutaa tira riate, ekyaa mwatauahuqa Kotira quaa timwa qoqaa hitaa nraakye mwia vahamanra qumwa toraravata tirave, tiro. ¹⁰ Yesusira ntisaipeli 12 - ramwuqisairo Sutaasi Eskariotiva Yesusiva qovaramwa kyaari vuraatova ruvaro mwiva parisi vaisirama timwa kyuvata. ¹¹ Mwihua rietaa qamwata kyetaa, Sutaasie tire qutaqamwa kyeta qi moni mwiananre tura. ¹² Mpereti haa kyotora nro qiherava nruvata, sipisipi nraati ntuqutu kyeta vekyahu nyaato kyarara quteva vaahuvata, mwihua Yesusiraratitaa,'' E tiraqe tire taraqive vekyahu byaato kyarara nrananra teramwa kye vataaananra hio?'' ¹³ Ntisaipeli taramwa Yesusiva titero mwitana timwa mwiro tiro,'' Nkyetava mwa tukyaa nronraqi vihua taqavuro vaisi mpo vanto nramwanri kyiaqa vare tumwuanira kyuqira mwa kyeta. Mwia vatavareta quate. ¹⁴ Vaisi mwiva taqaa nramwuqive veratairata, nkye tanavata verante satana nramwu qora timwa mwita qiate.''Quaa mwanra tivari vaisiva qiara tiqaro,''Taa nramwu raqive nte ntena ntisaiperi kyapata vari vekyahu nyaato kyarara nrananra qiho qiate. ¹⁵ Vaisi mwiva nkyi nraamu mpo tenra mwatera taravi tairata. nkye mwi nramwuraqi vekyahu nyaato kyarara terahiate. Ntisaipeli nramwuqi vuhua taqovaro Yesusiva tintemwa vaahuvata, mwihua vekyahu nyaato kyarara tera hura. ¹⁷ Huari vu vavanro, Yesusiva ntisaipeli nramwuvata nrunra. Mwihua taitaqa varita kyara nrovanro ,Yesusiva mwihua timwa mwiro tiqaro,'' Nte qataa tura riate, mwovanto ntiqisairo kyiara nivata nraaiva ni nraamwutahua kyaaquqa kyanira.'' ¹⁹ Ekyaa mwihua mwutu kyavanto qorahuvata varuvaro, mwihua qisairo ntisaipeli mpovanto mwianra tiqaro,''Nte, haa mwivave iho?'' ²⁰ Yesusiva Mwihua qua hiniqahiro tavave nkyi 12 nraamwu qisairo, mpereti vakyero ni tanuqa vatetero nraanriva mwiva ni nraamwuta kyaaquqa vataninre. ²¹ Mwihua mwatani mwatatai nraqinranra nramwuta kyaaquqa vaterave,Kotira quaa vanto tura nte poqaa huqo taa vaisivave mwatani mwatatai nraaqinranra kyaaquqa kyaaninra. ²² Mwihua kyaara nrevaruvaro, Yesusiva mpereti mpo varakyero, naai qorara kyuqemwave timwakyero nteqa kyero naai nraqinra nramwu mwinro tiqaro, mwa nraate ni mwamwantave tura. ²³ Mwiva nramwanri kaapu varakyero Kotirara kyuqemwave timwakyero naai nraqinra mwuvata nronra ²⁴ Nramwanri nrovaro Yesusiva mwihuara tiqaro, mwaa ni nraanre mwahio tura.Nte nkyvata qaarakya quaa taqautauqo.