Kua 7
1
Manra nrausa hinatusa Yesusira vaqa nruma kuairasiavanda rapihirara vaindi mmanra kua rasa dasave Serusaremuqi nriasa hisavaqa.
2
hisa akavanda Yesusira vatavare kua vaindisa hisa kainama saqu vaqa bereti varase nravo.
3
(kua hosara rapihasavaqama hesa Isareri hisavaqa, hisa hesananrau neri saqu hinukaseta sara nrasave. Hisa neri nraaqusa tatosa torua variasa hisa kua mia tutasave.
4
Kua hosara rapiha vaindisa hisa nana hinrainda vate moni vara mmatara rinda nruma mia hesaqa nrambu ramase mia sara nreve. Hisa vaqara hinrainda hisa nraqu tato hutana mininra vaqa sague ama tutasave,hatama, neri sara sapa nraa hinraindasa hisa hinuka maseta vatasave.)
5
Kua hosara rapihia vaindisavaqa, kua manra raa vaindisa vaqa Yesusira sapara ruavo, "Datasisandave ri vata vaindisa hisa he tii nraqusa hutuana vatenda, saqu he hinukarai tinda bereti varase nravo?"
6
Hiva hisara hitatiso, Asaiava ne hunra iha vaindisara rapiso kua timandene.Mmi vaindisa hisa ati nroo nasanonda ni nrutu tuaheravaro,hisa vura mundusa hiva nii sesari vaiso.
7
He mmo hinrainda ni minda ni nrutu tuaherasave, vaindivano rapise vatara kua mia neri rapirara amase hisa tima miasave.
8
Ne Kotira kua mia vara mmatari amasenda nena nraqusa tatosa hutuana mia sague amase tutavo.
9
Hiva mmovaqa hisara tiso, "Nee datamave Kotiva ninra hutuate tina mianra aho iyavo, mia nena nraqu tatosa saiqamia tariaqa hutuate!
10
Mosesiva tiso, rera nrosa osa vesau matane, 'davave nai nrosa osara korasiari kuara iyariva hiva utuananrove.'
11
Re iyaro, vaindi movano nai orarave nronrarave iyanove, "nave ne nii sahoqe hutuona mia."' ( tiso nronra miate').
12
Ne he mia movaqa seraro vio nai nrosa osa ni saiqa hutuari.
13
Nena nraqu tato hutua gaharara mmiaqo vara Nronravano kua vatena mia korasiavo. Vaqara guaqarasi saiqara hutuavo."
14
Hiva ena va-ara nrase ora hisa hasara ramva so tiso, ''neiyona reinda, nehesa raphiate.
15
he iyo mra-a naina hinrain davano vaindi husati kuariva mia vara kainama asianove. Naa hinraindavanove vaindi hutaindairo nrianriva vano mviaa mia kainamaranahove.
16
17
Yesusiva nrase ora hisa so nrauqi visanda, mia vata vaindisa kua rumaso tina mianra mia sapararuavo.
18
Yesusiva tiso, nevaqa heve rapiavo? Ne heve akavo maqanaindaira vaindi hutaqi viva he kainama rena.
19
Naqamave hiva he mia mundusaqi viso,ati vuraqi viva ena domaqi viso?" Mia tio mia Yesusivatiso hesana vusara mia tasuqinave.
20
Hiva tiso, "iyo vaindi huta naindo mmaqanai nriva hia mmia kainamareso.
21
Vaindi vura hutaqindaqo nriano mia, kora vusato, nrata vatianasi, muanra huti, vaindi ruquti,
22
monra nrata vati rakesi, vuu nramanriqasi, hunra kuati, vura nranra nruti, kua korasina ti, rera nrutu tuahere,wera saiqa hutia.
23
Hesa hiva vaindi hutaqindaironrio kainama res."
24
Hiva minondairo sero Taiye vaqa Saidonivaqa matari vine. Hiva miqi viva nrase ora saatu nrau mmoqi vio vaqa, he umbauqine.
25
Amanramaso nrase mmo mia raura manraqura korasiva variva riene, hiva nruma Yesusira suqu tarari tumario nai vara matariqasine.
26
Hiva he Nronra hosara ina nraseve, hiva Vonisia nraseve. Hiva saparario tiso, iyove re ni nraqinra sanonda manraqura korasina raqina.
27
Hiva mianra tiso, "Seraqe nena nraqinra nane mmia nee. Nena nraqinra sara varase veri mianraro mia he avuqavuma vasia nahove."
28
Hiva mia hinriqasio tiso, "Heho Nronraho, nraqinra sara tumarina mia verivano vaqa nrane."
29
Yesusiva ena mianra tiso, "Naqamave re hita iyaro, re atii kuane, vaa manraqunra korasiva ri raura sero viso."
30
Hiva ena nrau matari viva horo akesaro nraqinra hiva tainasa vaito variso, manraqura korasiva mia tutaso visaho.
31
Yesusiva Taire mmata indo soo Gariri sanrera sano viva Saidonisa maso Dekaporisi mmatari vine.
32
Vaindi mmo satora sio he kua tina vitati Yesusira nraini nruma se, mianra iyavo re miasa rera saqu vatane.
33
Yesusiva mia huqetanai vitatio vato, hiva nai saqu hopu mia satoqi vato kuaanu viso mia mmaqinrisa uwaisine.
34
Yesusiva naunri akero, hasara rero tiso, "Evata," hiva hitatiso, "ree handuane."
35
miqanra mia sato vano handuesaro, mia maqinri tuteva sesaro hiva toharo kua rapiso tine.
36
Yesusiva sague amaso hisara tiso he mosa timamiate. Miva movaqa aho tiohe iyate tisanda,riee miavaqa mia nro rupiase orama mianraiyane.
37
Hisa orama nrisarasinda, iyavo, "Hiva hesana saiqa suqemaso hutiso. Hiva sahoqesanda satora siasavaqa, he kua iyasavaqa, kua rienda kua iyavo."