¹ Hiva minondairo piko nai matusa'i vinave, mia sai'a vaindi hisa va'a mia vatanave. ² Manra rotu tira hisararava nrisaro, hiva horo Suda hisa rotu nau'i nrase ora va'a kuanave. Va'ara nrase oravano hiva kua tina rienda nrisara sianave. Hisa hata iyavo, "Hiva da'indairove ha kuarasa hasa vareso?" ³ "Hava he nrau wa'ara vaindive -hiva mariarava'a mia oruta Semsisa, Sosesa, Sudasa, Saimonisa mapuve siso? Mia manrata wanra hisa va'a he tiva'a variavo?" Hisa va'a Yesusirara vura muanra ravo. ⁴ Nrandara Yesusiva nrase ora timamio tiso, "Iyata vaindi misa mo'indai mo'i ndai nrutu nronra varasave. Hisa he neri matusa'indai va'amasenda neri henasava'a neri gua kua, hosara hisa indainda nrutu nronra varasave. ⁵ Hiva he iyo sai'a nronra mo hutuanaove, hita vaisaro iyo hiva nai sa'u mia nrase ora nri'a visasano vato hisa saho'anove. ⁶ Hiva nrisarasio, na'amave, misa he utave iyavo.Hiva nrandara horo hesana mata varia nrase ora misa'i Kotira kua tima o'asinave. ⁷ Nrandara hiva horo nai sai'a vaindi 12 hisa duama taranaso hisa titenave. Hisa horo Kotira kua tima o'asianave. Yesusiva nrahio korasina ra'isaro sangue miava-a hisa minave. ⁸ Misa timamio tiso, ''Nevano he nena munima hamba va-a, sara va-a, tuava-a varenda kuate, nevano nena sauru uruvareda vina mia va-a nrasu tuvarenda kuate.'' ⁹ Nena su-u nramu misa huteda mia he nena burua vapa tara mitana huate. ¹⁰ Yesusiva hisa tima mio tiso, '' Ne danove vinda horo nrau mo-i varinda, mi-i nrasu varinda mia kuate.'' ¹¹ Mata mo-i vivada he ni vitevadavesiso o he ni kua rievanda mia, mata mia pikeda kuare mia, nena su-u nramu sandaiola hocoma misa ra uta senda va-a hiva vano va-a ni sangue mvindra kua vasiarive.'' ¹² Hisa vinda mia horo Kotira kua nrase ora-i tima o-a sivandra nrase oravano neri orasai-a hutuana misa mo-amiate. ¹³ Misa va-ara nraho korasina ra-inda, nrase ora nriavuso iyetasano havera andienda nriavusa saho-anave. ¹⁴ Iyeta vaindi Herotiva mikuara riesaro Yesusira nrutu vano omata sano vaiso. mosavano hata hiyavo, '' Nrambu mira vaindi Yoniva utua vaindisa matapi indairo dio viso, hitavaisaro hiva nana ovarasira sangueva siso.'' ¹⁵ Va-ara mosiasa va-a hata iyavo.''Hiva Elijah vave,'' Mosiasa va-a miandra kuatinda iyavo , ''Hiva kua hosara itasa mo nranu varivave.'' ¹⁶ Hitavaiso Herotiva mikuara riero mia, hiva hitatiso, ''Neva vaindi nrambu mvi vaindi Yoninra iyeta mia to-asonave, hiva ava dio viso.'' ¹⁷ Herotiva varindi titesanda horo ndrambu mvi vaindi Joninra tusevasinda vitatinda horo kua rekasasa vata nraunra-i vatanave. Na-amave, hiva nai atavasa Pilipira nrata Herodiasira nrata varano sisanda. ¹⁸ Soniva Herotira timamio tiso, "Rera ata vasa nrata vararava hiva he su'ema vaiso." ¹⁹ Hita vaiso Herotiva Sonira ru'utu sano hutisaro va'a mianra he iyo vaiso, ²⁰ Herotiva Soninra satusi; hiva rapiso, Soniva rapi tasu'u vari vaindivave. Hitama vaisaro Herotiva mia u'itaso hinatinave. Herotiva, Soniva kua tina rieso mia nranra nrutisaro va'a, hiva mo'arara indairo mia kua hisa riene. ²¹ Hitasiso nrandara Herotira mato hisararva nrisaro, hiva vusara nronra hutuso nai sai'a vaindi hisa mio, rapirara vaindi hisa iyata vaindi hisava'a, Gariri ina iyata vaindi hisava'a mianave. ²² Herodiasira raura hiva nai vano nruma hisa vu mino tori renave. Hiva Herotirava'amso nrase ora dasave sara nranre nriasa hisa mo'arara mianave. "Hitasiso Herotiva mia saparario tiso, re ni timamiane na hinraindarave ri mundusa vaiso, ne vai'a ri mianave." ²³ Herotiva mia rapiso timamio tiso, "Na hinraindarave ri mundusa ruarina mianra tira'e ne vai'a ri mianave. Re ati mata hinai ne ra'isiona mianra va'a ni sapararuane." ²⁴ Iyo hiva piko ma'anai horo nai nronra saparario tiso, "Ne nronra vaindi mia na hinrainda guarave mia sapara ruoko?" Mia nrova tito tiso, "Nrambu minra vaindi Soninra iyata mianra mia sapararuane." ²⁵ Mita tisaro hiva amanramaso horo kingi mia saparario tiso,"Nrambu minra vaindi Soninra iyata mia hamia satri haga vorutana mi'i vate ni miate." ²⁶ Hita tisaro nronra vaindi hiva mia kua vatenave, na amave va hiva mia va'a nrase ora sara nranrenda nriasa vusano mia va'a kua huvai tenave. ²⁷ Hitavaiso nronra vaindi hiva nai rapirara vaindi mo tito,mia timamio tiso, horo nrambu minra vaindi Soninra iyata mia to'ase varenda ni nraini nriate. Hita vaisaro rapirara vaindi hiva horo nrambu minra vaindi Soninra iyata mia karavu nrau'indaro horo to'enave. ²⁸ Nrambu minra vaindi Soninra iyata mia satari vorutana'i varenda nruma Herodiasira nraunra mia miavo, hiva varo horo nai nronra minave. ²⁹ Soninra sai'a vaindi hisa mmi kuara rienda, nruma Sonira mamana mia varenda horo matapi'i umbau uaanave. ³⁰ Saiqa vaindi hisa hanatenda Yesusira nrai vinda nrase ora i hesana sai'a hutuana mianra timaminda hisa tara vitanave. ³¹ Nrandara yesusiva hisa timanio tiso, nrivaqenda tee horo mmata mosa he vaindi varianasa horo pataqa horo desasiare. Data sisandave nrase ora vaqaravano vitate nriatera he desasiavo. ³² Hita vaisanda misa kanuqi rarirenda mmata he vaindi varianaqi kuanave. ³³ Nrase oravano akavanda hisa kuavanda misa rapi akanave. Hisa mmatasa neri suqusano hesana matasano toruaqama vinda Yesusiva varinai kuanave. ³⁴ Misa nrambu tosari nriavaro, Yesusiva akesanda nrase oravano kuairasinda variane. Yesusiva hisa akesaro mia vuravano misara nronra amaso mboo asine. Naqamave ? Hiva hisa akesanda hisa vano he summu uarasa hinatirasavaqa siane ma variavo. Hitasisaro hiva dioso hisa vaqara hinrainda hisa timaminave. ³⁵ Warivano vio sesanda, Yesusira saiqa vaindi hisa nruma Yesusira timaminda iyavo, "Mmata te variorana hano he nrase ora vaqaravano varianasa sisaro henasira vavano vaqa nrio variso. ³⁶ mmisa titevanda matusa nraumata nraqari vainai kuate, varinda mia nerivano nerini vusarara wasiate." ³⁷ Yesusiva hisa kua hinriqasio tiso, ne vano horo sara vati nruma hisa miate," hisa mianra iyavo, "Te horo 200 kina sanondaive vusara mia vati nruma nrase ora hisa mianranda nreva?" ³⁸ Hiva hisara tiso, "Datamaa bereti vaqave siavo? Kuate horo akate. "hisa horo wamuse ake iyavo, "Saqu hinri beretivaqa pisi taramavaqave." ³⁹ Yesusiva hesana nrase orara tiso mmatasano garahi mino moqasa moqasa kuairasi variate. ⁴⁰ hisa iyo kuairasi moqasa moqasa mmatano variavo; mosinasa hadaretive mosinasa vivtivano variane. ⁴¹ Yesusiva saquhinri beretivaqa pisi taramavaqa varaso tutero rauru naunri akero pure tio suqemave tine. Hiva bereti mia rekaso nai saiqa vaindi misanda hisa varase horo nrase ora hisa miane. Pisi tara mitanavaqa varaso guaqaramaso hisa mine. ⁴² Hesana nrase oravano nrenda vurara sianae. ⁴³ Saiqa vaindivano bereti nrenda sana misa vara kuairamase vahe tua 12 rumandanave, guaqaramase pisi mia vaqa rumandane. ⁴⁴ Hesa nrase ora 5000 vano sara nranave. ⁴⁵ Amanra maso Yesusiva nai saia vaindi misa titesanda kanui rarirenda horori taun Betsaidari kuane. Nrandara nrase ora misa titavanda neri matari vinda raubiri sianawe. ⁴⁶ Nrase oravano vinda nrinda siavo Yesusiva iyeta horasano pure iyano vinave. ⁴⁷ Hena sirava rumuabu sovo misa kunuvano nrambu harunga hutasano vasinae, Yesusiva nai guavano iyeta orasano varinave. ⁴⁸ Yesusiva ramua akesanta misa nronra ama awatusenda neri kainu mia tuandada siarenda hutuane. Na-amave, toa voruru nronra vano misa kanu mia andiasano hutinave. Iyo, henasirava nra-asano nrisaro Yesusiva nranb harunga mutusa su-u ramavaro hisa vuri vinae. ⁴⁹ Hisa akavo Yesusiva nrambu mvutusano visanda, hisa mia akenda mianra tinda iyawo, ha tove vanavano nriso timadeda oramasenda satusinda kuahasararanave. ⁵⁰ Datasisa dave hisa mia okenda oramasenda satusiavo. Yesusiva amanrama sero hisa timamio tiso, ''Ni vuravano tirema vasiarive, ne Yesusivave nevano he satu siate.'' ⁵¹ Yesusiva kanui misava-a horo varisaro to-a voruru nronra tiva hiva huwaikinave. Yesusira saia vaindvano mia okenda misa nrisara sianave. ⁵² Saqa vaindi hisa he rapiavo bereti nave siso. hita vaisaro misa vuravano sangue amavaine. ⁵³ Hisa nrambu sanrenra mia pikenda, neri kanu mia nrambu sanrera tosasa vatane. ⁵⁴ Hisa neri kanu mia pikenda kuavanda nrase ora vaqaravano hisa rapi akanave. ⁵⁵ Nrase ora vano hesana mmata indai vindaa horo nriqavu nrase orasa vitenda Yesusira nraini nrianave. ⁵⁶ Hisa hesana mmataqi kuavanda, nrase oravano nriqavu nrase ora hisa vitenda nruma vaindi kuaira sia mmatarasano vatenda horo Yesusirara iyavo, iyove hasa ri buruqa miasano tinda sahoqara vareva siso. Nrase ora vaqaravano hitasinda mia sahoqara varanave.