Sini 4
1
Sisasiva nruka tosani tosarero nronra nraase qoraa qi vuqato napisirara timwa nira. Mwita sisaro mwiva quro mpotuqi nruka mwaura qaa mwaa nrine mwiqi mwata saa mwariaara. Nrase qoraa qairi vano nruka tosaqaa mwarinta mwi riaara.
2
Sisasiva nraase qoraa kua mwaraa qara qaa nuase mwi vutara kua mwaara misara tura, mwisa nara qiraisara timwa nira.
3
Riate, vainti vovano saiqa varasero vuta mwoqi rai sara sukusana varatura.
4
Mwii enara mwiva saiqa vara tairaqi sukusana varatira, mwo sara aaraqa untonira kurivano mwi sara sukura nramwa saira.
5
Mwosi sara sukuva untoniva mwata qorivano aairi vairaqi mwi sara sukuva untoniva vava qumpiqaira mwo narara,sia mwi mwatava mwemwanto vaira.
6
Suarivano nrimanero mwiva sara aasarama saira, mwo naraqave mwi sarara tuqavano sia mwemwanto viro, mwita sisaro qesa aasarama vira.
7
Mwosi sara sukuva saana uki aauqu qasiva mwagusa uaqasiraqi untonira. Mwi sanava uki aauqu vaiva mwagusavano qumpiqero mwii sarara numwaqusero mwii sarava mwiva sia suqemase riaira.
8
Mwosi sara sukuva mwata suqesiraqi untoniva sara tamwa aari riaira .Mwisa sara mwiva riarero mwosiva 30 nramwu riaisaro, mwosiva 60 nramwu riaisaro mwosiva 100 nramwu riaira.
9
Qava mwiva tira, mwovano aato vairera riane, sairaro riarive.
10
Sisasiva nrariara qama varisanta mwosavaqa nrairaqiara 12 nramwuvano vamase mwira kua qaaqiso mwia tuqa osara mwia saparasira.
11
Mwiva mwisa timwa niro titaro, Kotira mwatusa mwia umwe naumatara qini vaa varavo. Mwisa vovano mwa qaini mwariasa, qesa mwo inrasa kui mwaanra qama vasiro.
12
Mwitaa siavanta mwisa takuara, soma mwisa takue ravata mwisa siama so mwisa takuera, mwisa riaivera, mwisa mwiaqai nrenta mwisa sia so mwira napisivara. Mwisa nre takuenta Nronravano sinani kuantenta mwiva mwisa mwaaqu osara taunru mwita narove.
13
Qava mwisa timwa nitaro titaro, kuai vara osara sia qine napsiavo? Qine kua mwaara osara mwosi kuaravaqa qine sia napisi varave.
14
Vaintivano vutaa uti nemase, sara suku mwovano mwiqi mwara tira,mwi vaintiva sirera Kotira kua mwaanra ti mwaira.
15
Mwi sara sukuva aara tosani untoniva, mwiva sirero, kua untonira mwiaqai rianemase mwaira, qamwanra mase mwisa vutaqi untonira mwii kuara vaana vano mwara saira.
16
Ori aairi mwairaqi sara suku mwata vuraataqa untoniva nraase qora mwi kuara rienta vavamase quaa sarara mwarara.
17
Mwisa vuqa sia vevanto mwaata mwisanta pataiqa mwariara. Naantia raqama qaara mwaara vano mwisa mpuasia naro, kuavano sia mwisa vutaqi mwarira, qamwa nramase mwisa mwaanra qamaqaraqi unto nivarave.
18
Sara mwosiva vakusa qukiqa qukiqa siraqi untonira.Mwisa Kotira kua riara.
19
Mwataqana mwaraata nraata sirava, kumwanri osara qontai paampa mwia inraisara visosa ntivira,aairi irasavano Kotira kua mwaanra mwata naniqa sisaro sara tamwa sia riaira.
20
Qava sara sukuvata suqesiraqi untonira,mwia ntasave Kotira kua mwararera riasare tamwa sia riaira. Mwo siasa sara riareranta 30 nramwu, mwo siasa 60 nramwu mwo siasa 100 nramwu aatarase mwara tuara.
21
Sisasiva mwisa timwa nitaro tiro, qine qomwaa mwara qi nrima nravu vuta qi mwate ntave sisoo nuta nitaara qive siso taina mweva qi. Qine qomwaa mwara qi nrimaa qovaa saavu qantai qitairaqa mwatate.
22
Mwo narara, sia mwo iraisa mwovano umwe qamase vaisanta mwisa sia napisiara, sia mwo iraisa mwo mwisa qumpau taivaro, sia soo qoqa qovarama vuanarove.
23
Mwo siasa mwarintave siavo, mwisa aato mwairera mwisa riaate.
24
Mwiva mwisa timwa niro tiro,''aato mwatenta riate. Re nara osararave qutinara mwi osavara mwia qaa mwiva nrai qurata nraiqutata ri mwia naro.
25
Naraai qamave ,mwovano sia mwatairera mwia mwovata mwia mwivara,mwovano sia mwatairera mwiiva mwataira mwara sevara.
26
Qava mwira titaro,'' Kotira mwatusavano sirera vainti mwovano mwataqi sara suku mwara tinemase vaira.''
27
Mwiva enaqi vaitetaro nuvaa sairaqa nti vira, sara suku mwiva qaqini rimanaira. Mwiva sia napisiro nara qaara qaantaive mwi iraisava ovarasira.
28
Mwatavano sara naiqa masero qumpi qasaira, qitunane sero naantiara sara tamwa vaisaro qava mwovaqa sara tamwa aairi riaira.
29
Sara quri taira,vuta uti vaintiva paipa sero sara terasira teqase varasaira.
30
Qava mwiva tiro,mwo iraisa qine Kotira mwatusa qutuanara. Nara kua mwaaraqa saate utusenta Kotira mwatusa mwora qoqaiqama sanara.
31
Mwiva sirero sara suku vara tuara aanana masero pataqa esa mwisara sukura mwataqi mwaira.
32
Mwia vara tutavaro, qovara siro vutaqi mwagusa satari aatara saira.Satari sauqu nrorai qama vira kurivano vitaro mwiqi nraamwu soqaira.
33
Aairi kua mwaanra qusa, mwiavaqa Kotira kua timwa nisa mwisa mwira napisi,
34
Mwii kuara viro mwisara, kua mwaanra qusa aairi tura. Nrai nraaqiara nramwuvata vaitaro kua mwanraqura osara mwisavaqa timwanira.
35
Mwi qiserara, qenasiva nrisanta, mwiva mwisa timwaniro,'' Mwanrai vaqe te ruka tosani kure.''
36
Mwitaa siavanta aairi nraase qora senta Sisasira vite vaaota mpotuqi mwaanrine vuara. Mwo siasa mpotu mwonavu vaqamase mwatavare vuara.
37
Toqa nronra tiro nruka nuvura saisaro mpotu vutaqi nramai vano qauma kura siase tiro utira.
38
Sisasiva mpotu vutaqi vaite mwrira. Mwia nraaqiara nramwu mwia surumwase tinta,'' Nronra vaintio, re siave napisiaro te vaa mwa qutu vuanarave ?''
39
Sisasiva nti viro toqavaqa nrukavaqa inronrasiro,''Tirema nria! Sia ntivua! Qamwan