¹ Nte sia qisaasarara mwoqa qava Kotira Nronra Nraavu Suntaa mwatanaavano soqa toraqi veranero takuaisaro vainti mwo sauqu qutu viva mwiqi mwarirama. ² Vainti mwo siaasa mwiraqa vu vate tanta Sisasiva sove nesa sia qisararaqa vainti mwira soqama saanarove titanta takue mwarura. Mwiva vaintisa mwisa mwo aaraqa ntainta mpuaamase Sisasira kuaqa mwataare tinta utuara. ³ Sisasiva vainti sauqu qutu vira mwirara titaro tiro,''Ntivira vainti vutaqa mwariaane tiro.'' ⁴ Naantiara Sisasiva nraase qora sapara siro ,'' Ntesa sia qisaraa mwiaqa suqe saiqa mwaare nararaqa vaairave siso, uaaqa nirave siso,mwaraqura siasaqara rave siso,rusai nraro qutuari tirave siso, tiro? ''Mwitaa tisanta vaqa mwisa sia kua tirai tinta tirema mwariara.'' ⁵ isasiva mwisa rara itaaira qintaai takueero,vata mwisara mpo qasira visosa qava mwateero, mwo nara qamave, mwisa mwisosa suvaavai viro. Sisasiva mwi vaaintira timwaa niro titaro, " reena sauqu mwi naantutane tiro ". Mwi mwaintiva nraai sauqu naantuta saisaro ,Sisasiva mwira saaisa qama saira. ⁶ Farisi vainti vano mwira takuenta, mwisa qamwa nramwa senta quro Herotira oosara vaqa Sisasira rusee kuara timwa suvai vuaavo. ⁷ Naatiara mwia qantai Sisasiva nraai nraaqiara nravu sampata nroonau qa qurone kuarama. vaaqara nraase qoora Gariri inraasa vaqa,Suntia vaqa,. ⁸ Serusareemi, Iitumea vaqa vutura sini toosa Sootani vaqa Taia vaqa Sidoni inraasa vaqa qeenta mwira mwata vare vuura. vaaqara vano Sisasiva saaiqa uutira rieenta mwiva sinani nriaarama. ⁹ Aairi nraase qoora vano qaqi qaai Sisasiva takuaa rera nrimwaria mwaro, saauri nrai raquti nrai nraquti sinta Sisasiva vaqa raaqi vo tiro nrai nraaqiara nravuaara mpotu mwonku teema taate tira. ¹⁰ mwiva aairi nraase qoora saaisa qama nitai santa, qeesa ntaasave mwoo qita virava mwoo qita vira va vaaisa niaari mwaarenta nwira qa nriaara wmo nararave mwisa Sisasira mwira tumwa raare tinta. ¹¹ Mwaqu qasiaa aaqisosa wmira takeenta, mwira vuqa qunto ninta, aasara neenta titaanta, "re Kotira mwaquve tiaara". ¹² Mwiva mwisara keempusa qamase titaro, sia timwa qoovara siate tira. ¹³ Mwiva taa qiqa mwaari nero nraai sasa sisa qai aaro vanta mwiva siaani nriaara. ¹⁴ Mwi qintai vainti 12 nravu mwaata maseero mwisara nraai qapoosorive tira, mwita siraanta mwisa mwira vaqa mwaari varo mwiva mwisa saairanta vinta suqe mwasaase timwa niate tiro . ¹⁵ Mwaqu qasiaa aaqisosa raaquse kempusara vaqa mwisa nira. ¹⁶ Vainti 12 mwira vusa mwata mwaseero, Saimonira nrutu sini qamasa Pitaare tiro. ¹⁷ Sepentira mwaaqu Semisiva mwaari saro, Semisira qata vasaa Soonirara (Boanisessirae tira mwira oosara mwiva mwataamama vairo, naaruva takusira mwia mwaqu mwarave ); ¹⁸ Enturura, Piripira, Bataromira, Matiura, Tomasira,Arapia sira mwaaqu Semi sira, Tendia sira, Saimonira Serotirave tiara, ¹⁹ Suntas Isikariotiva Sisasiva nraauta sauquqi sai vaaitira vaqa. ²⁰ Mwia qaatai Sisasiva qava uurone nramwuni visaanta aairi nraase qora vano qava nriquaaira sinta mwisa mwo vaqa qaairi mwaria varo mpereti nrareera tiava sia soo qasira, ²¹ Mwi kuara mwira vataasa rienta mwira vitareera, vitanta titanta, " Mwira vuaata vano saampi qasi sarove siso." ²² Nauma qara vaainti kwai mwara qara nuaasa Serusaremiva ntai nriaasa vaqa titanta," mwaqu qasi qaqisova Berisibariva mwira qi vaaitarove, qiaata aaqiso mwiva mwaqu qasia aaqisosa raqi mwaiso tiaara". ²³ Sisasiva mwisa aarai santa mwiva sinani nriaavaro mwisa kua mwara qura timwa nitaro tiro," Naanta maseve vaana vano vaana raaqua narove tiro? ²⁴ Mwatusa mwo vano taara oosara qa nuvuraata nraai nravuta qama tero, mwi mwatu sava siama so qava quaaira sianaro . ²⁵ Nraavu mwovano taaratana qa nraai nuvuraa teero mwi nraavuva siama qava ntivua naro. ²⁶ Vaana vano nraai vano ntiviro nraai nraautaqama teero,mwiva siama qava ntivua naro, mwiva so qesa rama taaiqa naro. ²⁷ Vata vainti mwo vano siama so keempusa vaainti mwo nraavu intai vera neero mwiva mwatai inraisara mwara naro,mwiva keempusa vaainti mwira qiqu sauqu rumpase mwateeroma so mwiva mwatai inrai sara mwara naro. ²⁸ Quqa qamase ne ini timwa nuko, qesa mwaqusaiqa nraase qora vano uutinta, Kotirara mwo qainia kua tira, mwia Noora vano mwisa taururuma niaata naro. ²⁹ Vata ntasave tasuqi mwara qurara mwirara mwo qai nia kua tisa, Kootiva siama so mwisa taauru niata naro,mwisa mwaqu oosara vano qaso sura rama vasiaa naro . ³⁰ Sisasiva mwi kuara mwia tira mwia mo narai qamave, vainti vano mwirara titanta " mwoqu qasi mwara qusa va mwira qi mwariso tiara ". ³¹ Sisasiva nroosa qata vasa tana nrima mwa qaini ntivi vari tanta, vainti mwoqa kua seenta mwira aarenta qaqi nani tukuaane tiara. ³² Vaa qara nraase qora Sisasira mwara qututuma tenta , " Ri nroosa qata vasa tana riaara mpuaama qi nriaa tanasa mwa qaini ntivi mwariavo tia mwaro." ³³ Mwiva mwisa timwa niro titaro," Ntasave ni nroosa qata vasare ini tiavo?" ³⁴ Mwiva qurovi mwaruvi mwira vata mwariaasa mwisa takueero titaro "Mwasa takua te, mwa ni nroosa qata vasa ma mwaria vo tiro tira! ³⁵ Quqa qamase ntasave Kotira sasa siaari nara mwata mware visa,mwi nrasse qoorasa mwisa ni nroosa qata vasa qura nrasave tiro tira.