¹ Haqad Yesus gibilan . Ya helmo ne gibilenaiq ham. on mataw muran kam kab osayta ka gigo asor ahi moqadmo in God ago maror azawayin inaq og kab gwahtiqsa ahol tuwaq daqay ham. ² Ari abeb kam 6nazaq tihiqiyan Yesus in Pita Jems teq Jon giwaqim nenaq garah araq sisaqta abigmanib tugwalehiy .Gwalehim in gimomo nab giholbin tuqosiy. ossa mataw na gimeb Yesus ahol buliyim awaqan lul araq diq iy. ³ Sa in ago tubusan hus diq zeq anuwan nog iymo. Mat araq og kabta tubusan suhol naqmo hiqiyan in nazaq hus diq a hi iyaqta. ⁴ Disaipel in Yesus nazaq ahol waqad ossa Elaija ayow Moses inaq giwitan tugwahtiqiy .Gwahtiqim in disaipel gimeb Yesus inaq gamuk bilaqad turiy. ⁵ Tursa Pita in Yesus .Tisa ham i kab osauqta ka in dimun diq ham.I baybay ezeqman emuq ham , Ari ninmen teq araq Moses amen teq araq Elaija amen ham. ⁶ Disaipel ezeqman na rab naqmo diq hiqiyad Pita anad a hi em hahsadmo Gamuk nazaq bilamta. ⁷ In gamuk nazaq bilaqad tursaqmo onqas hiqiyaqta ham .Ne in aqez hurirtiy ham. ⁸ Haqanmo disaipel ezeqman na gihol bubuliyad saw weqim leh boladmo in Moses ayow Elaija inaq a ta hi gibiyiy. In Yesus amomo gig. ⁹ In Yesus amomo giger tursa ahol waqiy. Ari in aweweqmo garah na hulosim gewoqadmo Jesus disaipel ezeqman na gidek wazim gibilan. Ne nahag muran ahol waqiyta ka hikiduk bilaqiy ham. Abeb ya hodhod huloseq eraqid teq ne nagah ka ago tibilaq daqay ham. ¹⁰ An in Yesus ago gamuk hurtim ginadnad emad in gimo an bulonim biloqiy Yesus bilam. Ya hodhodab eraqdaiq hamta ko in gamuk ahuli ezaqta? haqiy. ¹¹ haqad in Yesus tisusumun ugiy. Ta ezeqta ago mataw Moses ago gunun hurit kemiyta na bilaqay, Elaija danmeb bolid teq Krais abeb boldaq haqay? Haqiy. ¹² Haqan Yesus gibilan, helmo mam. Elaija naga bunmo wastitaynan haqad danmeb boldaqta ham. Ya ne gibilinenaiq ham teq gamuk araq kazaq usaq mam. Mat atatin boleq santitiy ayahmo sorsa mataw gileh tuqug daqay ham. ¹³ Ya ne gibilenaiq ham Elaija tubol ham. Bolim mataw ginadibmo in aholib daqdaq emim timeqin toniy ham. Kwaziqmo mat na anan gamuk mar toniyta nazaqmo in tiqemiy ham. ¹⁴ An Yesus disaipel ezeqman na nenaq muleqim tigewoqiy. Gewoqim in disaipel ta asor na mataw kabemmo nenaq humab ayahta wolim ossa tigibiyiy. Sa mataw Moses ago gunan hurit kemiyta na asor in disaipel na nenag an mugad osiy. ¹⁵ Ossa mataw biyahta na in Yesus bolsa ahol waqad gihol turuh nemsa in sibim agerab lehim tubuloniy, Yesus ni tigewom e? Haqiy. ¹⁶ Haqsa Yesus disaipel susumun hegim bilam. Ne nagago mataw ka nenaq an mugay? ham. ¹⁷ Haqan mat araq biyahta na gilikmanib osim era Yesus tubulom, mat ayah ham ya igo ammun mata ka a bol ham. In atenmosib bugaw ussa in gamuk a hi emata ham. ¹⁸ Bugaw na amun aholib bolaqta nab in amun wazim ogib hunegan woqaqta ham. Woqim in ateb asabalbalin husta gwatiqsa in ate guruwad ahol baytunim usaqta ham. Ya ningo disaipel gibilenim in bugaw na muiznan biyab ahi iyiy ham. ¹⁹ Haqan Yesus amenin emim gibilan on mataw kam Kabta ne God anan helmo a hi haqayta ham. Kam ganim teq ya ne ginad sigim iyaqta na ago a hi biloqad ya ne gigo afaqan sordaiq? ham. Ari amun aboliy ham. ²⁰ Haqan in amun a Yesus ago hib boliy. A bolsamo bugaw meqinta na in Yesus ahol waqad in amun othasan agib woqim ahol bubuliyad usad asabalbalin husta atenmosib gwahtiqyaq. ²¹ Sa Yesus amun amam tisusumun ug. Kam ganim amun aholib moq katuqusta? Ham. Haqan amam bilam. In amun amik osadmo in Kazaq emyaqta ham. ²² Tutimmo bugaw meqinta na amun wol emnan tonad in faqad teq yuwmeb hunegan woqaqta ham. Ari ninmo ningo zaway ussa teq ni i ginan ninad meqniysa gilumsih ham. ²³ Haqan Yesus bulon ni nagaqgo bilam Ningo zaway ussun teq i gilumsih haqad ni bilam? ham. Nazaq ni hi bilaq ham. mat nog in helmo mat Atatin ago zaway inaqta haqid teq God in mat nazaq na ayon nagah tiqem ugdoq ham. ²⁴ Haqan hidmo amun amam dedibmo bilam. Ya helmo haqoiqta teq ya inad siqim iyaq ham. Ni ya ilumsih ham. ²⁵ Yesus in mataw kabemmo agerab bolsa gibiyad in bugaw meqinta na atorammo bulon. Bugaw in gamuk a hi emaqta nan ahi huritoqta ya ni nibilenaiq ham. Ni amum ka huloseq gwahtiq ham. Gwahtiqeq le in amuganib ta hi woq ham. ²⁶ Haqan bugaw miqinta na ek tonim amun wol hasan woqim abensen hunegsamo in amun hulosim gwahtiqim tituk. Tukim lehsa amun na bilaqne mat tumota nog iy. Iyan mataw. Kabemmo bilaqiy. Amun ko tumom haqiy. ²⁷ Teq haiq. Yesus amun na abenab wazim wazan eraqim titur. ²⁸ Abeb Yesus bitab lehim in ago disaipel nenaq giholbinmo osad disaipel tisusamun ugiy. I ezaq iyim bugaw meqinta ko ahi muz? Haqiy. ²⁹ Haqan Yesus bilam. Ne nagah araq amalib bugaw naqanta a hi muz daqay ham. Ne God amomo bulonad susuman ugeq teg ne bugaw naqanta tumuz daqay ham. ³⁰ Ari Yesus ago disaipel neneq saw na holosim le saw Galiliy-ib tagwahtiqiy. Gwahtiqim lehad in le edob osaqta na ago mat araq huritgo in hulos. ³¹ Na ezaqgo in ago disaipel suleq negyaqta na ago iyan. Suleq negad in gibilenyaq mat araq teq mat atatin waqeq mataw gibenab tiqemdaq haqay. Emid teq in wol emid tumoqdaq haqay. Moqeq kam ezemanmo useq teq in kayeq iyeq ta eraqdaq haqyaq. ³² In nazaq bilaqsa ago disaipel ginad ahi em has yaqay. Ad teq in Yesus susumun ugnan rab yaqay. ³³ Ari i lehim uliq Kapaneam-ib tugwahtiqiy. Gwahtiqim in bitab lehim tuqosad teq Yesus in ago disaipel tisusumun nag. Ne danib naga gamukin an bulonim bulonim boliy? Ham. ³⁴ Haqan disaipel giqezmo hiqiyim osiy . Na ezaqgo in danab bolad gimo an bulonim bilaq yaqay. I gilikmanib nog diq in ayah diqta? Haq yaqay. ³⁵ An Yesus os woqim osad ago disaipel twelf na gibilenan agerab boliy. Bolan in gibilan mat aw nag danmebta iynan haqad in aho waqeq abeb diq emeq teq in mataw bunmo gigo kabibiy mat samanta iyan ham. ^{36 37} Haqad in amun amikta araq wakim eman nob negim tursa in ay netim teq disaipel gibilan. Mat nog in amun kaqanta ya ibinib bolsa ahol waqad wazinaqta na in ya iwazinaqmo ham. Teq in ya imam a hi iwazinaq ham. Haiq ham. In ya i mam iqeman bolta na bolta na wazinaqmo nam. ³⁸ Ari Jon in Yesus bulon tisa ham mat araq ni nibinib bugaw meqinta gimuzsa i luwim ahol waw ham. Teq mat na in inaq araqib a hi luwad iyan i wasihad bulon. Ni nazaq ta hi em haw ham. ³⁹ Haqan Yesus bilam. Ne hi wasihiy ham. Mat araq ya ibinib da azawayin inaq emeq in hidmo ya igilehnan, nan meqinta a hi bilaqda ham. ⁴⁰ Na ezaqgo mat geg a hi igaqta na in i giyowta ham. ⁴¹ Ad mat aw nog in ne gibiy kemad bilaqdaq. Ka Krais ago mataw haqad teq in ne gimen yuw soqoreq negid uluw daqayta na. Ya helmo ne gibilenaiq ham. Mat na inaq mo God abenab naw dimunta tuwaqdaqmo ham. ⁴² Haqan Yesus bilam. Mat nog in onmin amikmikta ya inan helmo haqayta na gigo araqi baymuzsq in anad helta na hulosnan tonid mat daq nazaq emdaqta na in yaqgo faq meq indiq tuqwaqdaq ham. Na in kwaziqmo gig ayahta anatgumib am wazeq. Kamismeb huneg nagiyta ham. Hunegid mat na moqeq daq meqinta na ahi emeq in yaqgo faq meqin diqta na a hi waq nagta ham. ^{43 44} Ari ni nibien ara kat niqid ni ninad helta hulosnam tonad ni niben na uroteq hunegid lehan ham. Ni niben amilikmo inaq iyeq os dimunta lehdaqta nain dimmunmo ham. Ari ni niben giger inaq iyeq os meqintab lehdaqta na in miqin diq ham. Saw nob faq oyad a hi miyaqta usaqta ham. ^{45 46} Teq ni nisen araq kat nigid ni ninid helta hulosnan tonad ni nisen na uroteq huneqid leham ham. Ni nisen amilikmo inaq iyeq os dimutab lehdaqta nain dimunmo ham. Ari ni nisen giger inaq iyeq os meqintab lehdaqta na in meqin diq ham. ⁴⁷ Teq ni nimeqnagin aroq kat nigid ni ninad helta hulosnan tonad ni nimeqnagin na othaseq hunegid lehan ham. Ni nimeqnagin amilikmo inaq iyeq God ago maror aduganib gwahtiqdaqta na in dimunmo ham. Ari ni nimeqnagin giger inaq iyeq os meqintab lehdaqta na in meqin diq ham. ⁴⁸ Saw nab Kadum gisan neqayta na ahi hiqiyayta ham. Teq nab faq oyad ahi miyaqtamo ham. ⁴⁹ Ne nazaq giholib ginad meqinta gwahtiqsa wolad gihol loyinsa in bilaqne faq ginoy nog iydaqta ham. Teq God in foq nazaqta amalib ne bunmo ginoy nog iysa teq ne bilaqne. Kamis dimunta nog tiqiy daqay ham. ⁵⁰ Kamis in nagah araq dimunta ham. Teq kamis agon hiqiyib ni ezaq tonid teq in agon inaq ata iydaq? Ham. Nazaq iyan ne gimugan bilaqne kamis dimunta nog iysa ne on ulumsihod ar hi bayiy ham.