¹ Ari kam nab mataw kabemmo humab tawoliy, humab wolim osad in didaq a boliyta na tineq bugiy. An Yesus ago Disaipel gibilenim bilam. ² Ya on mataw ka ginan inad timeqniyaq ham. Ya nenaq kam ezeqmanmo osan in gigo didaq tihiqiy ham. ³ Luweq in gigem nan moqad ossa, ya giqemid lehad in gime Sinsanid danib woq daqay ham. Mataw ka asor pesanmo boliyta ham. ⁴ Haqan in ago Disaipel bilaqiy, Saw ka amatawun haiqta haqiy, I edob didaq waqeq mataw ko negid neq daqay? ham. ⁵ Haqan Yesus tisisumun nag, Ta ne gigo bret ganim usaq? ham. Haqan in bilaqiy, bret 7 nazaq usaq haqiy. ⁶ Haqan on mataw biyahta na gibilenan ogib tuosiy, Ossa in bret 7 waqim God esey ugim in orayim in ago Disaipel ibergo tinag. Negan in mataw gigo hib iberim ad tilehiy. ⁷ Ad disaipel gigo nabiq amikamikta usmo, Na Yesus waqim God esey ugan in disaipel waqim tiqiberiy mo. ⁸ An mataw neqan tigiyunin bug giyunin began didaq abeyan asor osan kuram 7 nazaq giwaqim amalib tigisiheniy. ⁹ Mataw na gibilenan kabemmo did 4,000 nazaq, An Yesus on mataw gibilenan giuliq-ab tilehiy. ¹⁰ Lehsa in ago disaipel nenaq muy araq ab gwalim saw araq anan Dalmanuta haqay tab tilehiy. ¹¹ Lehan teq Farisi asor agerab bolim ulum waqad buloniy, Ne Heven-ib day araq azawayin inaqta emid i ahol waquq haqiy. ¹² Haqan Yesus in daq meqinta na tiloyin , in ahol afaqan tiqiy. Ahol afaqan iyad ahol aqurin ayahmo gwahtiqsa in bilam, Nagaqgo mataw muran kam kabta ka in daq azaqwayin inaqta ahol waqnan bilaqiy? ham. Ya helmo bilaqiy ham. Daq araq azaqwayin inaqta muran kam kab ya a hi emday ham. ¹³ Haqan in mataw na gihulosad muy-ib gwalim yuw urotim kozaq ban tilehiy. ¹⁴ Lehad disaipel gidek zizalan in bret kabemmo a hi waqiy,bret amulikmo muy-ib osta naqmo in a lehiy. ¹⁵ lehad luwimmo Yesus gamuk araq kazaq bilam, Ne Farisi teq Herot inaq yis anan gihol waz naqmo hiqiyiy ham. ¹⁶ Haqan disaipel in gimo an bulonim bilaqiy, I bret tihiqiyan daqag in bilaqaq ya haqiy. ¹⁷ Haqsa Yesus huritad teq in gibilan, Ne nagaqgo i bret haiq haqad osay? ham. Ne gime haiqta iyim ginad a hi em hasay ye? ham. Ad ne ginad gigem soqotim usaq e? ham. ¹⁸ Ne gime inaqta teq ne nagah ahol a hi waqiy ta, Ne gidek tizizal daqag ham. ¹⁹ Ya bret abaynaginmo orayim mataw 5,000 nagta na abeyan ne kuram ganim siheiy. Haqan in bilaqiy kuram 12 nazaq haqiy. ²⁰ Haqad in bilam , teq ya bret 7 na orayim mataw 4,000 nagta na abeyan ne kuram ganim sihenymo. An in bilaqiy kuram 7 nazaq haqiy. ²¹ Haqad kam gineh teq ne ginad em has daqay. ²² Haqad in leh uliq betsaida-ib tugwahtiqiy . gwahtiqan in mat araq are haiqta a bolim. Yesus wazid dimnidaq haqad. ²³ An Yesus mat na abeyan waqim ad uliq asan ban le tugwahtiqiy gwahtiqsa in mat ameqnagnib kusluwim aben emimmo tisisumun ug, Ni nagah araq ahol tuwaqaq e? ham. ²⁴ An mat na saw ahol waqad in bilam, ya mataw loq gelsa gibiyaiqta ham. Teq ya gibiyaiqta ay nog iyim turay ham. ²⁵ Haqan in aben mat na ameqnagnib a ta am, Eman mat na ameqnagni dimniyan in ame rireqim saw ahol tuwaq kemyaq. ²⁶ Sa Yesus mat na eman ago bitab lehsa in bulon, Ni bitab lehad uliq aduganib gwahtiqeq hi leh ham. ²⁷ Ari Yesus ago disaipel eraqim saw Sisariya,Filipay gigo uliq ab tilehad luwiy, Lehad Luwad teq Yesus ago disaipel tisusumun nag, On mataw ya inan nog diq haqsa ne huritay? ham. ²⁸ Haqan in bilam, Mataw asor in ninan Jon mataw huz negyaqta amatin haqay, Sa asor ninan Elaija haqiy, Sa asor ninan nantut kwaziqta na gigo araq haqay haqiy. ²⁹ Haqan in ta susumun nag, Ta negmo ya inan nog diq haqay? ham. Haqan Pita amenin emim tibilam, Ni krais ham. ³⁰ Haqan Yesus gunun negim gibilan, ari ne yaqgo tuhurit Kemiy teq ya ihol alulin hi bilaqiy ham. ³¹ Haqad Yesus suleq negim bilam, Mat atatin teq santitiy ayahmo tisordaqta ham . Sa mataw marorta teq mataw tamaz emayta gigo aseseqta, teq mataw gunun hurit kemiy ta na in gileh tuqug daqay ham. Ad teq in wol emid tumoq daq ham. Moqeq kam ezeqmanmo used in kayeq iyeq ta eraqdaq ham. ³² Inmo moqdaqta na ahol alulin nazaq bilaq keman, Pita waqim ad dan adek ban loqimo in tuwad. ³³ WadanYasus ahol buliyim buliyim ago disaipel bunmo gibiyad teq in Pita wadim bulon, Satan ni tukeq ya igilehun ban leh ham. Ni God anad a hi muzaq ham, Ni mat og kabta anad muzaq hqm. ³⁴ Haqad in mataw biyahta na gibilenan agerab boliy, in ago disaipel nenaq bolan in gibilan, Mat araq ya imuzeq bolnan anad emeq in ahol wazid woqan, Ad ya afaqan soray ta nazaq mo in sornan anad bilaqsa ago kruse sorid abetarib gwalan ham. ³⁵ Mat nog inmo ahol anadin emad asan alowan tonaqta na in ahol awitan tihik hulesdaq ham. Ari mat nog in ya iwagamun dimunta anadin emad kuluwa-kuluwmo tuqosdaq ham. ³⁶ Nagaqgo mataw og kab osad in giholyon nagah kabemmo diq rom tonayta? ham. Abeb in moqid in ago nagah bunmo timeqniy daq. ³⁷ Teq in nagah ogibta na amalib gihol awitan zayeq le os dimunta nab tugwahtiq daqay ye? ham. ³⁸ Mataw muran kam kabta in God gileh ugad daq meqinta em bugayta ham. Sa aw mat nog in mataw meqinta na gimeb yaqgo gamuk anan gimeqbay woqaqta na, Abeb mat atatin in God ago ahol anuwanib angelo, Tawonta kabemmo nenaq ta bole in nazaqmo mataw na ginan amebay tuwoqdaqmo ham.