¹ Ari Sabat akaman na tihiqiyan mariya uliq madala-ibta nateq jems anen mariya teq aw anan Salome haqayta na in nagah asor ahuran dimun diqta tizayiy, in hodhodab eheq Yesus asanib emnau haqad. ² Zayim sande tarommo in hodhodab tilehiy. ³ Lehad in an bulonim bilaqiy, nog teq i gilumsiheq hodhod aqezab gig atbuliydaq haqiy. ⁴ Haq ad mo in gime lehim hodhodab gig ayahta na tuqotbuliy an hodhod adek ban lehim ussa in ahol waqiy ⁵ Ahol waqad in lehim hodhod amuganib gwahtiqimmo mat araq minminta aholib tubusan husat emim ossa in ahol waqiy, ahol waqad in tiqrabiy. ⁶ Rabsa mat na gibilan ne hi rabiy ham, ya tuhunt ham ne Yesus Nasaret ibta mataw ayib dom wolan momta naqmo ahol waqnan boliy ham. Mat na tiqeram ham, in kab haiq ham in asan eman usta asawan ka ne ahol waqiy ham. ⁷ Ad ne leheq disaiple bunmo gibilenad ne, Pita inaqmo buloniy ham. Yesus ameb Galili-ib tilehaq haqiy ham, ne nab leheq teq Yesus ahol tuwaq daqay haqiy ham, kwaziqmo in ne gibilanta nazaq haqad ne gibilaniy ham. ⁸ Haqan on na gihol ritenim harara nemsa in hodhod hulosim gwahtiqim tukim tilehiy, lehad in rab tita yad mat araq ahi buloniy. ⁹ Ari kam nab sande tarommo Yesus hodhod hulosim in danmeb mariya uliq magdala-ibta na ago hib tugwahtim. Kwaziqmo Yesus in aw na ago bugaw meqinta 7 gimuzta. ¹⁰ An teq mariya lehim mataw Yesus inaq luwiyta na gaqad ginadnad emad ossa in gibilan. ¹¹ Yesus hodhodab eraqim ossa ya ahol tuway ham, haqan mataw na maviya ago gamuk huritim anan helmo ahi. ¹² Abeb disaipel giger dan muzim lehsa Yesus ahol awaqan lul araq diq iyim in gigerab gwahtim. ¹³ Gwahtiqan giger na muleqim in helmo a hi haqiymo. ¹⁴ Ari abeb disaipel 11 na didaq neqad ossa Yesus in gimeb gwahtim, gwahtiqim in ginadad gibilan. Ne nagaqgo on mataw ya ibiyiyta in bo ne gibilensa ne ginad soqotim ussa ya inan helmo a hi haqiy ham. ¹⁵ Haqan in gibilan, ne og saw bunmo gibileniy ham. ¹⁶ Mat ya ihol awagamun anan helmo haqad yuw huzdaqta na God in mat na waqid ingo tiqiydaq ham. Ari mat ya inan helmo ahi haqadta na God in mat na emid saw meqintat tilehdaq ham. ¹⁷ Sa God in mataw ya inan helmo haq daqayta na gibenab daq kazaq tiqemdaq ham. In ya inanib bugaw meqinta tigimuz daqay ham, teq uliq amoamo gigo nan ginabid bolsa in gamuk tibilaq daqay ham. ¹⁸ In hagah ahulinaqta ahol a hi waqaqmo wazid gimagid ahi moq daqay ham, ad in nagah uluwim moqayta na ahol a hi waqeqmo uluweq a hi moq daqaymo ham. Teq in mat moqaqta aholib giben emeq wazsa mat na ag moq tihiqiyda ham ¹⁹ Ari iyahta Yesus gamuk na gibilen bugan tihiqiyan teq God aben aqabun ban tuq os wom. ²⁰ waqim ossa in ago disaiple og saw bunmo ehad in Yesus awaqamun dimunta na on mataw gibileneq tileh yaqay. In nazaq emad luwca iyahta in nenaqkabiy tiqem yaqmo. Sa disaipel Yesus awagamun bilaqsa God inmo daq azawayin inaqta emsa on mataw ohol waqad bilaq yaqay, wagam na in hel diqtamo haq yaqay.