¹ Ari taromo diq mataw tamaz emayta gigo aseseqta teq Juda gigo mataw gunun hurit kemiy ta, Yesus wazid Pailet tuqugiy. ² Ugan Pailet Yesus tisusumun ug, Ni Juda on mataw gigo King e? ham. Haqan Yesus bilam, Nawaqmo ni tibilam ham. ³ Haqanmo mataw tamaz emayta gigo aseseqta na in Yesus amalib nan kabemmo tiqem yaqay. ⁴ Emsa Pailet in Yesus ta susumun ug, Ni gamuk araq amenin a hi emdaq e? ham. Hurit daq meqinta ganim mataw ningohib emiy? ham. ⁵ Haqan Yesus gamuk amenin araq a ta hi Pailet bulon, Nazaq iyan Pailat anad kabemo emyaq. ⁶ Ari didaq akaman ayahta nab Pailat in mat araq iruran ossa hasid gwahtiq yaqta, On mataw nog anad bilaqaq naqmo. ⁷ Mataw na gilikmanib asor nan othasad kalabus gihol em yaqay,Mat na anan Barabas haqay ta. ⁸ Ari mataw kabemmo Pailat agerab lehim tisusumun ugiy, Nagah daq in kuwaziqmo in em yaqta haqiy. ⁹ Haqan Pailat in gigo gamuk amenin emim bilam, Ne ginad ya Juda gigo King na hasid ne gigo hib lehdaq e? ham. ¹⁰ Na ezaqgo Hetpris anad tiqam, Mataw tamaz emayta gigo aseseqta ka gibayan woqiyta na ago in gigem meqniysa amalib nan emay ham, ¹¹ Teq haiq mataw aseseqta na gigo biyata na lileyad bilaq yaqay, Barabas em bolan haqya ay. ¹² Haqan Pailet gibilan, Nazaq na mat ne anan Juda gigo King haqayta ka ya ezaq tonday? ham. ¹³ Haqan in lilayim bilaqiy, Yesus dog wolid moqan haqiy. ¹⁴ Haqan Pailat amenin emim bilam, Nagaqgo? ham. Haqsa teq haiq, Mataw na dedibmo lilayim a ta bilaq toniy,Yesus dom woliy haqiy. ¹⁵ Haqan Pailat in mataw ginad emid dimniy daq haqad in Barabas hasan in gigo hib tilah. Lehsa in ago mataw gibilenan warig waqim amalib Yesus tuwol titayiy. Ad in Yesus aleh dom wolgo haqad. ¹⁶ Ari mataw bab emay ta na in Yesus waqim ad gavman ago bitab lehim in bit na ago gel aduganib gwahtiqan,Mataw kabemo bo humab woliy. ¹⁷ Humab wolim in tubusan araq sisaqta kakata amalib Yesus, ahol isihim teq in am araq asasuqin inaqta tal tonim King ago balaw nagta afaqnib emiy. ¹⁸ Emim teq in eraqim Yesus buloneq bilaq yaqay,Mat ayah haq yaqay , Ni Juda gigo King-om diq haq yaqay. ¹⁹ Haqad mo in tuqir waqim afaqin wolad tukusluw ug yaqay. Kusluw ugad in gibakbakan ulum laquwim turad bilaq yaqay, maror haq yaqay i ni nibin tisorauq haq yaqay. ²⁰ Ari in Yesus bilawunim hulosadmo, in tubusan kakaqta na hasim waqad inmo ago tubusan na aholib ta em ugiy. Em ugim teq in ayib dom wolnan haqad waqim ad tilehiy. ²¹ Ari in waqim a lehsa Aleksendra, ayow Rafas inaq gimam Simon uliq Sairin-ibta in ulumsihim ai nabun tisoriy. ²² Sa bab mataw na in Yesus waqim ad garah anan Golgota haqay tab tilehiy. Gamuk Golgota na alulin, gifaqin agolgolan haqayta. ²³ Alehim in wain ayun teq masil mir haqayta na inaq buliyim ugan in tuhulos. ²⁴ Anmo in Yesus ayib dom tuwoliy. Dom wolim teq ago tubusan bulsireqim amalib satu sawzuniy. ²⁵ Ari taromo 9kilok nazaq, in Yesus ayib dom woliy. ²⁶ Teq ay nabun araq ab mar emim gamuk araq kazaq Yesus anan bilaqiy, Juda gigo king. ²⁷ Teq Yesus agerab mataw rin tonayta gigermo dom giwoliymo, araq aben aqabun ban araq aben anasran ban turyaq. ²⁸ Marib gamuk usta tuwol net bug. ²⁹ Sa on mataw bo lehad in ahol waqad bilawunad bilaqiy, Oye, Mat Temple wol inereq kam ezeqmanmo aduganib wazid ta eraqdaq ta amatin haq yaqay. ³⁰ Nazaq iyan ni niwaz meqniyeq ninmo nihol, ulumsiheq ay na huloseq gehitiq haq yaqay. ³¹ Sa mataw tamaz emayta gigo aseseqta, Mataw gunun hurit kemiy ta na bilawunad kazaq bilaqiy, In mataw asor gilumsihan a hi meqiyta haqiy, Ta teq inmo ahol ulumsihgo zaway haiqta haq yaqay. ³² Ari in Isrel gigo king anan krais, haqayta na iyeq teq in ay huloseq gehitqan haqiy, Gehitiqid i helmo tihaqam haq yaqay. ³³ Ari zeq gabolim 12kilok tiqiysa saw bunmo romriq iyad le 3kilok imisor tiqiy. ³⁴ Ad 3kilok imisor nazaq tiqiyanmo, Yesus dedibmo lileyim bilam, EloiEloi lama sabaktaniy? ham. ³⁵ Haqan mo mataw asor nab turiyta na in bilaqiy, huritiy haqiy, Ko in Elaija lilewunaq haqiy. ³⁶ Anmo mat araq sibim lehim tubusandek waqim tuqir amotnib am tuwaz, Teq in wain ayun agon iyaqta na ulum turim Yesus ateb tiqam, sisow daq haqad in emim bilam, Elaija boleq walemid tiqdaq o haiq ham. ³⁷ Haqan mo Yesus dedibmo ek tonimo tumom. ³⁸ Moqan tubusan ayahta Tempel-ib, othenan usta na ulilib, liqabmo tartayim giger iyim bo ogibmo tuwom. ³⁹ Teq bab mataw gigo ayahta saw na wamuzim turad in Yesus nazaq ahol waqad bilam, helmo diq ham. Mat ko in God atatin ham. ⁴⁰ Sa on asor pesanmo turad in nagah na ahol waqad turiy, Na mariya magdala, teq Jews ayow Josep inaq ginen, teq mariya haqayta na teq aw araq anan salome haqayta nab turmo. ⁴¹ Kwaziqmo in saw Galili-ib ossa on na in muzaq ulumsihad luw yaqayta. Teq kabemmo inaq Jerusalem-ub boliyta na in nab turiymo. ⁴² Kam imisor tiqiyan, Teq babeq na in sabat akaman na tugwahtiq daqta. ⁴³ Uliq Arimatia-ib mat araq anan Josep haqayta na bolim ago hib tilah. ⁴⁴ An Pailat in Yesus momta na huritim anadnad am. Anadnad emim in ago mat bab emaqta araq bulonan bolan in tisisumun ug, Yesus tumom e? ham. Haqan mat na bilam tumom ham. ⁴⁵ Haqan Pailat in Yesus momta na huritim, Mataw bab emayta na gigo amebta na bulon, Ari in Yesus asan waqim Josep Arimatia-ib na tuqug. ⁴⁶ Haqan Josep le tubusan araq husta tizay, Zayim a lehim Yesus asan walemim ogib eman, ussa teq in tubusan husta na amalib tiqil ton, Iltonim a lehim mataw gig qwayan hodhod iyta na amuganib tiqam. ⁴⁷ Sa mariya uliq Magdala-ibta na ayow Josep ta araq anen mariya inaq, in giger nab turad mat na Yesus asan hodhodab emsa in ahol tuwaqiy.