¹ Ari Yesus ago disaipel nenaq Tempel hulosim lehadmo disapel araq in Yesus tubulon, Mat Iyah ham gig aseseqta bit dimdimunta giqemiyta ko ni gibiy ham. ² Haqan yesus bilam,ni bit aseseqta ko gibiya eq? ham. Gig ko bunmo teq wolzizilyeq gihunegid tuwoq bug daqay ham.Gig an amalib usayta ko teq muruwoqeq timo bug daqayta ham. ³ Haqan in tilehiy.Lehim Yesus garah araq anan Oliv haqayta nab osad teq ame lehim Tempol na ahol waqad osyaq. Ossa Pita ,Jems , Jon teq Andru nazaq mo in agarab tuboliy.Bolim in tisusumun ugiy, ⁴ Yesus haqiy, "ni i gibilen haqiy, kam gineh teq nagah ni anan bilam ta na tugwahtiy daq? haiqiy. ⁵ Han yesus gibilenim bilam; Ne gihol waz naqmo hiqiyiy ham. Luweq mat araq katnegdaq ham. ⁶ Mataw kabemmo teq boleq ya inan biyad bilaq daiq , Mat naqmo ya kawa haq daqay ham .Haqad in mataw kabemo kat negsa in ginan helmo haq daqay ham. ⁷ Ad mataw bab emsa ne gihulan hurit daiq teq mataw pesanta bab emsa i gibin hurit daqay mo ham.Huritad ne gnad haresmo emad hi rabiy ham.Daq nagan nazaq tugwahtiqdaqta ham.Ta teq kam abebtanta na teqmo ham.Afaqan na bunmo gwahtiqeq le hiqiyid teq kam na tugwahtiqdaq ham. ⁸ Na ezaq go mataw in en araq in iraqeq mataw saw araqab ta nenaq anwoldaqayta ham.Sa king araq ago dauh in king ta araq ago dauh nenaq an woldaqay ham. ⁹ Ari negmo gihol waz namo hiqiyiy ham.Mataw teq ne giwazeq kaunsel gibenab giqem daqay ham.Ad in bit humab wolayta nagab ne ginol titay daqay ham. Ne ya inan helmo haqad imuzad luway ta na ago in ne giqemid ne king teq gavman aseseqta gimeb tur daqay ham. Turad teq ne nagah gimeb ahol tuwaqiyta na awagamun tigilendaqay ham. ¹⁰ On mataw iwagamunmun dimun ta uliq saw bunmo a leheq gibilensa teq nagah ya anan bilaqayta na tugwahtidaq ham. ¹¹ Ari in ne giwazeq giad gavman gimeb lehid teq ne naga gamukan bilaqdaqay ta na ago ninadnad hi emiy ham.Gamuk bunmo ne bilaqdaqay ta na God tinegdaq ham. Kam nab mo in gamuk negdaqta nazaqmo ne bilaqiy ham.Nazaq iyan negmo diq gamuk na a hi bilaqdaqay ham.Haiq ham. God ago bugaw dimunta inmo gamuk na ne giqezab tibilaqdaqay ham. ¹² Kam nab teq mataw in gimaqbaban giwaqeq bab gibenab giqemid in ginol emid tumo daqay ham.Sa gavman in nazaq mo gigo onmin giwazeq bab gibenab giqem daqay mo ham. ¹³ Ya ihol abin ne giholib usaq ta na ago onmataw bunmo gigem meqinta neg daiq ham.Ari onmataw zaway diq iyeq ossa le in gigo kam abebtanta iydaqta nab teq God in gilumsiheq ta giwaq daq ham. ¹⁴ Haqad Yesus bilam ,teq nagah meqin diqta uliq saw meqin tonaqta na in ban a hi osnagta nab ossa ne ahol tuwaq daqay ham.Mat gamuk ka ahol waqad bilaqaqta na in anad em hasad saw Judia,ib os daqayta na in tukeq garah ban gwalehiy ham. ¹⁷ 17 Kam nab on gigem iyayta na on amun muturta sus iyayta na in timeqniy day ham. ¹⁸ Nazaq iyan ne God susumun ugid in kam meqinta na emid urom akamanib hi gwatiqan ham. ¹⁹ kam nab mataw afaqan ayah diqmo tisor daqay ham. God naga bunmo giqeman gwatiqiyta nab iyim bo muran kam kabmo afaqan araq nazaqta a hi gwatimta ham. Teq abeb afaqan araq nazaqta a ta hi gwatiqdaqmo ham. ²⁰ Ari Iyahta kam meqinta na siqim diq hi emid on matraw bunmo tihiqiy bug nagiy ham. Teq inmo ago on mataw in gilumim aholyon giwamta na ginadin emad in kam na emid siqim tiqiydaqta ham. ²¹ Kam nab mat araq ne gibilenq,Ahol waqiy Krais kawa osaq Krais kowa osaq haqsa ne in aqez na hikidik huritiy ham. ²² Na ezaqgo Krais katiyyaqta teq nantut katiyta kabemmo tugwahtiq daqay ham. gwahtiqeq in daq azawayin inaqta kabemmo giqemad in kabiy lul araq diqta amo amo giqem daqayta ham. In nazaq emad teq in God ago on mataw in gilumim aholyon giwamta na gihureqnan diq ton daqayta ham. ²³ Ne gihol waz naqmo hiqiyiy ham. Daq nagan bunmo a hi gwatiqsa kawa ya ne tigibilen kemaiq ham. ²⁴ Haqad Yesus bilam ,kam nab afaqan ayahta na tihiqiyid teq zeq ameq romriq iysa kalam a ta hi oydaq ham. ²⁵ Sa kaitab ulig milheseq ogib tuwok daqay ham. Woqsa naga aseseqta zawayta ulilib usayta nagan gihol tuwol daqaymo ham. ²⁶ Kam nabmo Mat Atatin onqas amalib oseq ago zaway ayahta teq ahol anuwan inaqmo bolsa on mataw ahol tuwaq daqay ham. ²⁷ Sa in angelo asor giqemid in og saw bunmo lehad inmo ago on mataw in gilumim aholyon giwaqan osayta na giwaqeq giwaqeq a lehad teq in tigiwaq bug daqay ham. ²⁸ Haqad Yesus bilam, Ay fik ago hib teq ne ginad tiqem has daqay ham. ay na aben hur tonad atitoqin muturta gwahtiqsa ne ahol ahol waqad ginad emay, zeq akaman tiqiynan tonaq haqayta ham. ²⁹ Nazaqmo teq abeb nagah ya anan bilayta ka bunmo tugwahtiqsa ne ahol waqad ginad kazaq emiy ham. Naga Yesus anan bilamta na bolim sinsin tiqiy haqiy ham, bilaqne mat dan ezab turad bit aduganib gwahtiqnan tonaq nazaq haqiy ham. ³⁰ Ya helmo ne gibilenaiq ham. On mataw muran kam kab osayta ka a hi moq bugsa daq daq nagan bunmo tugwatiqdaq ham. ³¹ Kait og inaq teq tihiqiydaqta ham. Ari yaqgo gamuk ka a hi hiqiydaq ham. ³² Ari teq Mat Atatin teq kam gineh diq ta boldaqta na teq in zeq adulan ganimtab bo gwahtiqdaqta na mat araq a hi huirit ham. Angelo Heven-ib osayta na teq God Atatin inaqmo in kam na a hi huritiymo ham. God amomo kam na ago huritta ham. ³³ Nazaq iyan ne saw waqad gihol waz naqmo hiqiyeq osiy ham. In boldaqta akaman na ne a hi huritiy ham. ³⁴ Na in bilaqne mat ayahta araq ago uliq hulosim saw araq pesantab lehaqta nazaq nog iydaq ham. Mat na a hi lehadmo in kabiy iberim ago kabibiy mataw amulik-amulikmo negad gibilenan in ago nagah wamuzayta ham. Samat ayahta na in mat dan ez wamuzim turaqta na bulonaq, ni dan ez wamuz naqmo hiqiyeqos haqaqtaham. Haqad in gihulosim tilehaqta ham. ³⁵ Haqad Yesus bilam nazaq iyan ne gihol waz naqmo hiqiyeq osiy ham. kam gineh bit anamren ta boldaqta na ne a hi huritayta ham. In taromab o tarom alihanib o saw hastitaysa o tarommo in boldaqta na ne a hi huritayta ham. ³⁶ Luweq in hidmo boleq ne ussa in gibiydaq ham. ³⁷ Gamuk kawa ya ne gibilenaiqta ka ya on mataw uliq saw bunmo gibilennaiqmo ham. Ne bunmo gihol asawan woltitaiyad osiy ham.