¹ Haqad Yesus in mataw aseseqta na gamuk awowun araq gibilenim bilam mat araq wain anagin kabemo leyim in tigel ton ham. Gellonim in yay araq wain anon emwdid bayninaleq ayun woqgo ta na titay ham, na tihiqiyan in mat kabiy wamuzdaqta ayon bit araq asen sisaqta emim in kabiy na mataw asor gibenab tiqam ham.In anad mataw na in gimo giholyon kabiy emad wain anagin asor waqad asor in ya yag daqay hadad ham, kabib anamren anad nazaq emad giblenim hulosad in eraq uliq araq besantab tilah ham. ² Lehim ossa wain anagin waqgo akaman tugwahtiqan in ago kabiby mat araq eman mataw wain akabiyan emayta na gigerab tilah ham. In leheq kabibiy mataw na gibenab wain anagin asor tuwaq daq haqad ham. ³ Teq haiq ham, kabibiy mat na lehanmo mataw wain akabiyan emayta na in wazim woltitayim musan samanmo muleqim tilah ham. ⁴ Lehan kabiy anamren in kabibiy mat araq eman tilah ham, lehan in mat na afaqin wolturim meqin diq ton iy ham. ⁵ An mo in kabibiy mat araq eman a ta lah ham, lehan in mat na wol eman tumom ham, moqan kabibiy anamren in ago kabibiy mataw kabemo giqeman leh yaqay ham. ⁶ Ari kabiy anamren ago mat amulik mo tiqiy ham na in atatin mo in anan anad bilaqnaqmo hiqiyiyaqta ham. In anad am, ya itatin em lehid teq mataw na in aqez tuhurit daqay haqad in eman abebtanta tilah ham. ⁷ Teq haiq ham mataw kabiy wamuzayta na in gimo an bulonim bilaqiy, abeb mat go amam moqid in amam go ahuran nagah tuwaqdaqta haqiy ham. Bolsa hi mat ko wol emid moqan mo naqiy ham, moqsa amam ago kabiy ka igmo waquq haqiy ham. ⁸ Haqad mo in mat na wazim woleman moqan in asan waqim kabiy asan ban hunegan tilah ham. ⁹ Nazaq iyan kabiy anamren na ezaq tondaq? ham. In bolaq mataw wain akabiyan wamuzayta na ginol em bugad teq in oga kabiy na ta mataw ta asor bunta gibenab tiqemdaq ham. ¹⁰ Haqan Yesus bilam, ne God ago mar ahol a hi waqaytaye? ham.Mar nab gamuk araq kazaq bilam ham."Tituq mataw anan bilaqiy meqin haqiyta namo in awaz meqin diq turad bit anon bunmo soraq haqad in bilam ham. ¹¹ Iyahta mo eman gwahtiqan i ahol waqsa in dimundiq iyaq haqad in bilam ham. ¹² Yesus nazaq haqan mataw asiseqta na ginad tiqemiy.Yesus i gibin wazid woqgo haqad gamuk awowun na bilam haqiy.Haqad Yesus waznan ginad bilaqsa teq in ta on mataw girabun yaqay. Nazaq iyan in Yesus hulosim tilehiy. ¹³ Ari mataw aseseta na lehim in farisi asor teq Herot ago mataw ta asor nenaq gibilenan tilehiy,In leheq Yesus kat ugid in gavman gigo gunun araq itiyonad in gamuk araq hibilaqnanta bilaqid i ttuwazam haqad. ¹⁴ In lehim Yesus buloniy, tisa haqiy, i ningo tuhurit haqiy. Ni a hi katiyaqta haiq.Ni mataw gibin inaq ta a hi girabunad gigo mo a hi lehaqta haqiy.Ad ni on mataw God ago dan titnonta giqisihunad ni heldiqmo gibilennaq ta haqiy.Ni ninad ezaq emaq?haqiy. I gibabun Rom gigo king Sisa in i gituwbulsa i takis ugauqta na in daq dimun o daq meqin? haqiy.I Juda gigo maror ezaq bilamta? haqiy.I tuqugam o haiq haqiy. ¹⁵ Haqan Yesus in gigo gamuk katiyaqta na tuhurit.In ya imeqinton go adanin tiqemay ham.Haqad in gibilan.nagahgo ne ya ilumwaqay? ham.Ari mani araq waq abolid ya ahol waqiq ham. ¹⁶ Haqan in araq a bolim tiqugiyhgan ahol waqad in tisusumu nag, ka nog diq adwan teq ahol anan usaq ham. Haqan in bilaqiy na sisa-mo ago ta haqiy. ¹⁷ Haqan Yesus gibilan sisa ago nagah na ne sisa mo ago ta ugiy ham, ad God ago nagan na ne God mo ugiy ham, haqan mataw na ginadnad mo emad tuqosiy. ¹⁸ Sa Sadyusi asor Yesus ago hib tuboliy.Mataw na ginad kazaq emyta.Mataw tumoqiy ta hodhodab a hi eraq daqay haqayta. Na in bolim Yesus buloniy, tisa haqiy, Moses igimen gamuk araq martonim in kazaq bilam haqiy. ¹⁹ Sa Sadyusi asor Yesus ago hib tuboliy.Mataw na ginad kazaq emayta . Mataw na tumoqiyta hodhodab a hi eraq daqay haqayta.Na in bolim Yesus buloniy.Tisa haqiy. Moses igimen gamuk araq mar tonim in kazaq bilam haqiy. Mataw araq aw waqeq amun a hi emsamo moqid ago aw amomo ossa teq amikqan araq abab aqoburanna waqeq alulib abab ayon onmin tigiqemdaq ham haqiy. ²⁰ Ari gamuk araq amikqaniz lahta haqiy. Mat araq amikqaniz nenaq 7 nazaq diq iyim osiy haqiy. Osim in gibab na aw araq tuwam haqiy.Waqim inaq osad in ago amun haiqmo osim in tumom haqiy. ²¹ Moqan amaq ta araq aw naqmo tuwam haqiy. Waqim in nazaqmo amun haiqmo osim tuqmom-mo haiqiy.Ta in gima ezeqmanta na nazaqmo ton haqiy. ²² Na mqan amagniz bunmo titoniy mo haqiy. Mataw maqbab 7 na in aw amilik naqmo waqim amun araq eman a hi gwahtiqsamo in tuqmo bugiy haqiy. An abeb aw na tuqmom mo haqiy. ²³ Nazaq iyan abeb mataw bunmo hodhod huloseqeraq daqayta nab teq aw in nog di awe tiqiydaq? haqiy. Maqbab 7 na bunmo in aw amilik naq mo waqiyta haqiy. ²⁴ In nazaq haqanmo Yesus gibilan, ne God ago marib gamuk usaqta na ago ginad a in em hasay ham, teq ne God ago zaway a hi hurit kemay mo ham, na ago iyan ne gamuk menmen bilaqay ham. ²⁵ Ari on mataw hodhodab eraqeq in an a ta hi waq daqay ham, in bilaqne God ago hib angelo osayta nazaq nogmo in os daqay ham. ²⁶ Te God mataw tumoqiymo giwazid hodhoab eraq daqayta na agamukan Moses ago marib usaqta ham. Mar nab ne ay amikta faq oyad a hi oyworta awagamun na ne ahol a hi waqiyta daqagya ham. Wagam nab God in Moses bulonim bilam,Abraham ago God, teq Aisak ago God,teq Jekob ago God na yaqmo haqad in bilam ham. ²⁷ Nazaq iyan God in mataw moqim kayeqmo osayta gigo God iyim in gibiy muzaqta ham. Mataw moqim a hi hiqiyayta ham.Ne gigo gamuk nawa na ne menmen diq bilaqiy ham. ²⁸ Mat anad iyahta bolim gunun araq bilaqim, teq in martonim bilam. ²⁹ Haqan Yesus bilam, gunun ameb diqta na kazaq bilam ham. Ne Isrel huritiy haqad in bilam ham.I gigo Iyahta God in amomo Iyahta iyim osaqta haqad in bilam ham, teq ne gigo zaway bunmo amalib ne gigo iyahta God anan in bilam ham. ³⁰ Sa ne gigem, giqutil teq ne gigo zaway bunmo amalib ne gigo Iyahta God anan ginad bilaqan haqad in bilam ham. ³¹ Teq gunun gigerta na in kazaq ham. Ni nihol anan ninad bilaqan haqad in bilam ham.Gunun giger na in God ago daq dimdimunta bunmo giquriyamim in ameb diqta ham. ³² Haqan mat Moses ago bulon, mat iyah ham helmo ni dimunmo bilam ham, God amomo in iyahta iyim osaqta ham God araq haiq ham. ³³ Ad hi giqntilibmo teq hi ginad ibmo teq hi ginad ibmo teq igego zaway ibmo hi God anan gihol anan ginad bilaq ham, teq igmo gihol anan ginad bilaqaqta nazaqmo hi on mataw bunmo ginan ginad bilaqdaq ham. Daq giger na in mataw God ayon tamaz emad naw ugayta na bunum giquriyamin in ameb diqta ham. ³⁴ In nazaq and em hasim bilaqan Yesus hurittim tubulon, ni God ago maror sinsin diq ugim osaqta ham. ³⁵ Ari Yesus tempel agelin aduganib mataw suleq negad tuos.Oad in bilam, ezaq haqad mataw Moses ago gunun hurit kemiy ta na bilaqay, Krais in Davit atatin haqayta? ham. ³⁶ Kwaziqmo God ago Bugaw Dimunta in Davit anad ugsa Davit in Krais anan bilam,Iyhta in yaqgo Iyahta kazaq bulonim bilam ham. Ni ya iben iqabun ban kab ya imen emad ossa ya ningo bab giqemid nisen ahaqenib tiqiy bug daqay haqad in bilam ham. ³⁷ Ari Davit mo in Krais anan bilam, yaqgo Iyahta haqad in bilam hm. Nazaq iyan ezaq toneq Krais in Davit atatin a ta iydaq? ham. Haqan on mataw biyahta nab turiyta na in Yesus ago gamuk huritim ginad tidimniyiy. Na ezaqgo Yesus in mataw aseseqta na gigo gamukadanin qway bugta na ago iyan. ³⁸ Ari Yesus mataw na suley negad osim gibilan, ne mataw Moses ago gunun hurit kemiyta na gigo ne gihol waz naqmo hiqiyiy ham. In tubusan dimun diqta giholib emim dan muzad luwayta ham, luwsa mataw gibiyad ginan mat ayah haqsa in ginad diq dimniy aqta ham. ³⁹ Mataw na bit humab wolaytab ban ulilibta nabmo osnan ginad bilaqaqta ham.Ad in humab adidaqan inaq tab ogib garuruhab osnan hulosmo diq hulosayta ham. ⁴⁰ Teq in on waburta kat negad gigo bit samanmo waqayta ham.Ad ni mataw gimeb God inaq gamuk sisaqmo bilaqim a lehayta ham,mataw gibiyad ginan ham.God hazizir ayahay emdaqta nab teq mataw na in on mataw bunmo giquryameq faq ayah diqmo tuwaq daqayta ham. ⁴¹ Ari teq Yesuus Tempel agelin aduganib osad mataw gigo naw hunegan moni emay ta abanab woqsa in gibiyad os. Ossa mataw ginaghan inaqta na kabemo boleq moni kabemo giq em yaqay. ⁴² Sa teq aw waburta araq anaghan haiqta bolim moni amikmikta gigermo hunag. ⁴³ Hunegan Yesus ahol waqad in ago disaipel gibilenan agerab boliy, bolan in gibilan ya helmo ne gibilenaiq ham. Aw waburta ahol anaghan haiqta kabemo emiyta ko gigeriyam bug ham. ⁴⁴ Na ezaq go mataw go bunmo in gigo moni kabemo usaqta na ago asitmo emiyta ham, ari aw go haiq ham. In aholib moni asitmo usta na bunmo em bugim in ago mani araq in didaq zayeq neqdaqta na haiq tiqtiy ham.